Biblia Todo Logo
Bib sou entènèt

- Piblisite -




कलस्‍सी 2:2 - मध्‍य पुरविया थारू

2 हम अनङ करनेचियै ताकी ओइसबके हिरदयमे साहस मिले आ परेममे सङे जुरल रहे। अनङ हेतै त उसब आत्‍मिक रुपसे एकदमसे धनिक भ्‍याके परमेस्‍वरके रहसके ग्‍यान जे येसु खिरिस्‍ट चियै ओकरा पुरा रुपसे बुझैले सक्‍तै।

Gade chapit la Kopi




कलस्‍सी 2:2
58 Referans Kwoze  

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।


हम ओकरा अइ उदेससे तोरासबके लग पठाइने चियौ कि तोरासबके हमरासबके बारेमे थाह हेबे आ उ तोरासबके साहस देबे।


हमरासबके हालखबर केहन छै, उ सुइनके तोरासबके हिम्‍मत बरहे कैहके हम ओकरा तोरासबलग पठाइनेचियौ।


यि सब गुनसबसे बेसी परेमके धारन कर कथिलेत परेमे सब बातके पुरा एकतामे आनैछै।


आब अपनासबके परमेस्‍वरके आदर आ सम्‍मान हेबे। हमर करल खिरिस्‍टके सुसमाचार परचारसे उ तोरासबके बिस्‍बासमे बलगर बनाइले सकलछै। येसु खिरिस्‍टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै।


साँचोके कहबै त, खिरिस्‍ट येसु हमर परभुके चिन्‍हैले पाबैबला अनमोल बातके तुलनामे औरो सब बातके हम बेकार सम्‍झैचियै। खिरिस्‍टके पाबैले सकी कैहके ओकरलेल हम सबबातके नोक्‍सानी भोगने चियै आ सब चिजके मैला सम्‍झैचियै,


यदि खिरिस्‍टमे रहलाके कारन तुसब कुछ उत्‍साह पाबनेचिही, या ओकर परेमसे तुसब कुछ सानत्‍वना पाबनेचिही, या पबितर आत्‍माके संगती पाबनेचिही, या एक दोसरसङे परेम आ दया करैचिही त,


आपन महिमा आ भलाइसे अपनासबके बोलाइबलाके हमसब जानैके कारन परमेस्‍वरके इस्‍वरीय सक्‍तिसे जिबन आ भक्‍तीके लेल अपनासबके आवसेक परल सब चिज परमेस्‍वर देनेछै।


तुसब आसा दैबला परमेस्‍वरमे बिस्‍बास करनेचिही। ओह्‍या तोरासबके आनन्‍द आ सान्‍तीसे भैरदेबे। तहिनङे पबितर आत्‍माके सक्‍तिसे तोरासबके आसा बैढते जाय।


पिता आ हम एके चियै।”


अहाँ परमेस्‍वरके पठ्‍याल पबितर लोक चियै से बातमे हमसब बिस्‍बास करैचियै आ जानैचियै।”


उ आपन लहुके छिटकासे अपनासबके हिरदयके सुध करने छै आ सुध पानीसे अपनासबके देहके धुवाइनेछै। ओहैसे अपनासब साँचो हिरदय आ पक्‍का भरोसाके साथ परमेस्‍वरके लग चल।


परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।


यह्‍या हमरासबके इक्‍छाछै कि तोरासबके यि जोस आखिरतक हेबे आ तोरासबके आसा पुरा हेबे।


तैखातिर हमसब यि बात जहियासे सुन्‍नेचियै तहियेसे तोरासबके खातिर हरदम परथना करैत आइबरहलचियौ। पबितर आत्‍मासे मिलल पुरा आत्‍मिक ग्‍यान आ समझसे परमेस्‍वरके पुरा इक्‍छा जानैले सक कैहके हमरासबके परथना छै।


आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।


हमसब सन्‍सारके आत्‍मा नै, महज परमेस्‍वरके पबितर आत्‍मा पाबनेचियै, ताकि उ अपनासबके खुसिसे जे चिज देनेछै ओइके बुझैले सकी।


अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।


जे किछ पिताके चियै, से सब हमर चियै। अहै खातिर हम कहैचियौ, जे हमर चियै से हमरसे ल्‍याके सतके आत्‍मा तोरासबके कैहदेतौ।”


महज यदी हम पिताके काम करैचियै तबो तुसब हमरा बिस्‍बास नै करैचिही त हमर करलाहा अजगुतके कामसबमे त बिस्‍बास कर। तब तुसब जानबिही आ बुझबिही, कि पिता हमरमे छै आ हम पितामे चियै।”


ताकि सबकोइ बेटाके आदर करे, जनङ उसब पिताके आदर करैछै। जे कोइ बेटाके आदर नै करैछै, उ लोक बेटाके पठाइबला पितोके आदर नै करैछै।


महज येसु उसबके जबाफ देल्‍कै, “हमर पिता अखनियोतक काम कैरते छै आ हम्‍हु काम कैरते चियै।”


“हमर पिता हमरा सबचिज सोइप देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै महज बेटा जेकरासबके चिन्‍हादैछै उसब मातरे पिताके चिन्‍हैछै।


ओहै बखत येसु कहल्‍कै, “हे पिता स्‍वरग आ पिरथिबीके मालिक, हम अहाँके धन्‍यबाद चरहाइचियै, कथिलेत यि बातसब अहाँ बातसब बुधिमान आ बिदवान सबसे घोसाइरके राखलियै, महज बच्‍चासबमे परगट करलियै।


तिन तरहसे ओकर बारेमे साक्‍छी देलगेल छैः


अहैसे अपनासब सतके लोकसब चियै से जानैचियै आ परमेस्‍वरके अगा निरधक साथ रहैचियै।


महज अपनासबके परभु आ मुक्‍ती दैबला येसु खिरिस्‍टके अनुगरह आ ग्‍यानमे बरहैत जो। ओकर महिमा अखैन आ सबदिन हेबे। आमेन।


तैल्‍याके हे भाइसब, परमेस्‍वर तोरासबके बोलाइनेछौ आ चुन्‍ने छौ से बात आपन जिबनमे परमानित करैले एकदम कोसिस करैतरह। तुसब एहैन करबिही त, बिस्‍बाससे कहियो नै गिरबिही।


देख हमर भाइ-भैयासब, कोढिया लोकसबके चेताबनी दहै, हरेस खाल लोकसबके साहस दहै, कमजोर लोकसबके मदत कर आ सबगोरासे सैहके रह कहैके हमसब तोरासबके बिन्‍ती करैचियौ।


आ तिमोथीके तोरासबलग पठेलियौ। उ हमरासबके भाइ आ परमेस्‍वरके सेबक चियै आ खिरिस्‍टके बारेमे सुसमाचार परचार करैछै। तोरासबके बिस्‍बासमे बलगर हैले आ हौसला दैकेलेल हमसब तोरासबलग ओकरा पठेलियौ।


कथिलेकी जे सुसमाचार हमसब सुनेलियै उ सब्‍द मातरे नै महज सक्‍तीके साथ, पबितर आत्‍माके साथ आ पुरे निस्‍चयताके साथ एलै। जखन हमसब तोरासबके सङे रहलियै त केहेन चालचलनके जिबन जिलियै से तोरासबके थाहे छौ।


बिस्‍बास करैबलासब एकेमन आ एके परानके भेलरहै, ओइसबमेसे कोइ नै आपन धन-सम्‍पतीके आपन चियै कहैछेलै, महज सब चिजके सझिया मानैत रहै।


उ आपन चेलासबके जबाफ देल्‍कै, “तोरासबके त स्‍वरगके राजके भितरी भेद जानैले देने छौ, महज ओकरासबके नै देने छै।


हमरासबके बिचमे पुरा भेल घटनासबके बिबरन लैबला बहुत लोकसब आपन हाथमे लेने छै।


या कि तु परमेस्‍वरके महान किरपा, सहनसिलता आ धिरजके तुच्‍छ सम्‍झैचिही? परमेस्‍वर आपन किरपासे तोरा पापसे पस्‍चाताप करैके मौका देनेछौ से बात कि तोरा थाह नै छै?


तुसब सबकोइ एक-एक कैरके अगमबानी बोलैले सकबिही आ अहिनङ कैरके सबकोइ सिखे सकबिही तब सबकोइ उत्‍साह पाबबिही।


ओकर महान अनुगरह अनुसार खिरिस्‍ट आपन लहु बहेलासे अपनासब उधार आ पाप छमा पाबनेचियै।


परमेस्‍वर आपन भितरी योजना हमरा परकट करने छै। अकर बारेमे हम तोरासबके पैहनिए छोटकरीमे लिखने चियौ।


ओकर महान सम्‍पैत आ आत्‍मासे तोरासबके सक्‍ती मिले। उ सक्‍ती तोरासबके आत्‍म बल बरहैत जाए कैहके हम परमेस्‍वरसङे परथना करैचियौ।


यि बात जुगो-जुग आ पुस्‍तो-पुस्‍ताके लोकसब बुझैले नै सकल छेलै महज आब उ खिरिस्‍टके पबितर जनसबके परकट कैरदेनेछै।


अहिनङ यिसब त आपन सिर, जे खिरिस्‍ट चियै, ओकरसङे कोनो समबन्‍ध नै राखैछै। खिरिस्‍ट देहके सिर चियै जे पुरे देहके हटाकटा बनाबैछै, एहैन कैरके देह, गिरह-गिरह आ नसा-नसासब जुटैत परमेस्‍वरेके योजना अनुसार बरहैत-बरहैत जाइछै।


खिरिस्‍टके रहसके बात लोकसबके परचार करैले परमेस्‍वर केबार उघाइरदेबे कैहके हमरासबके लेल सेहो परथना कर। अहै रहसके परचार करैके कारनसे हम जहलमे परल चियै।


Swiv nou:

Piblisite


Piblisite