कलस्‍सी 2:19 - मध्‍य पुरविया थारू

¹⁹ अहिनङ यिसब त आपन सिर, जे खिरिस्‍ट चियै, ओकरसङे कोनो समबन्‍ध नै राखैछै। खिरिस्‍ट देहके सिर चियै जे पुरे देहके हटाकटा बनाबैछै, एहैन कैरके देह, गिरह-गिरह आ नसा-नसासब जुटैत परमेस्‍वरेके योजना अनुसार बरहैत-बरहैत जाइछै।

कलस्‍सी 2:19 Referans Kwoze

२ पतरुस 3:18

महज अपनासबके परभु आ मुक्‍ती दैबला येसु खिरिस्‍टके अनुगरह आ ग्‍यानमे बरहैत जो। ओकर महिमा अखैन आ सबदिन हेबे। आमेन।

१ पतरुस 3:8

अन्‍तमे हम यि कहैले चाहैचियौ, तुसब एके मनके हो, एक दोसरके पिर मरका बुझ, एक दोसरके भाइ दाखिल माइनके परेम कर। तुसब दयालु आ नम्‌र बन।

कलस्‍सी 2:2

हम अनङ करनेचियै ताकी ओइसबके हिरदयमे साहस मिले आ परेममे सङे जुरल रहे। अनङ हेतै त उसब आत्‍मिक रुपसे एकदमसे धनिक भ्‍याके परमेस्‍वरके रहसके ग्‍यान जे येसु खिरिस्‍ट चियै ओकरा पुरा रुपसे बुझैले सक्‍तै।

१ थेसलोनिकी 4:10

बास्‍तममे तुसब त माकेडोनिया परदेसके सब बिस्‍बासीसबके ओहिने परेम करैचिही, अहैलेल देख भाइ-भैयासब, तुसब औरो बेसीसे परेम कैरतेजो कैहके हमसब बिन्‍ती करैचियौ।

१ थेसलोनिकी 3:12

जहिना हमसब तोरासबके परेम करैचियौ ओहै तरहसे परभु तोरासबके एक दोसरसङे आ सब लोकसबसङे परेममे औरो बेसीसे बरहाइत रहे कैहके हमसब परथना करैचियै।

२ थेसलोनिकी 1:3

भाइ-भैयासब, तोरासबके खातिर हरदम परमेस्‍वरके धन्‍यबाद देनाइ जरुरी छै। यि फेर योग्‍यकेभी चियै, कथिलेत तोरासबके बिस्‍बास परसस्‍त बरहैत ज्‍यारहलछौ आ तोरासबके परेम एक-दोसरमे बैढरहल छौ।

कलस्‍सी 1:18

मन्‍डली खिरिस्‍टके देह चियै आ उ ओकर सिर चियै। लया जिबन दैबला उहे चियै कथिलेत मरलसे जिबित हैबलामेसे उ सबसे जेठ चियै आ उहे सब बातमे अधिकार करैछै।

कलस्‍सी 1:10

तब तुसब परभुके मनपरैबला जिबन बिताके ओकरा खुसी करैले सकबिही। सब असल काममे तुसब फल फराइत परमेस्‍वरके ग्‍यानमे बैढते जेब्‍ही।

फिलिप्‍पी 1:27

मुख बात यह्‍या चियै कि तोरासबके चाल-चलन खिरिस्‍टके सुसमाचार अनुसार सोहाइबला हेबे। हम चाहे तोरासबके भेट-मुलकात करी, चाहे दुर रही तुसब एकेटा उदेस्‍य ल्‍याके अस्‍थिर चिही आ एकेटा मन भ्‍याके सुसमाचारके बिस्‍बासके लेल मेहनत कैररहल चिही कैहके हम सुनैले पाबी।

एफिसी 5:29

कोइ नै आपन देहके घिरना करैछै, महज ओकर पालन-पोसन करैछै, जहिनङ खिरिस्‍ट आपन मन्‍डलीके लेल करल्‍कै।

एफिसी 4:3

पबितर आत्‍मा तोरासबके मेलमिलापमे आन्‍ने छौ। ओइ एकताके सकभर जोग्‍याके राख।

एफिसी 1:22

परमेस्‍वर सब बात खिरिस्‍टके अधिनमे राइखदेनेछै आ मन्‍डलीके लेल सब बातके सिर बनाइनेछै।

१ कोरन्‍थी 3:6

हम बिया छिटलियै, अपोल्‍लोस पानी पटाइल्‍कै महज बरहाबैबला काम त परमेस्‍वरे करल्‍कै।

१ कोरन्‍थी 1:10

हे हमर भाइ-बहिनसब हम तोरासबके परभु येसु खिरिस्‍टके नाममे बिन्‍ती करैचियौ कि, तुसब एक दोसरसङे मिलजुइलके रह। तोरासबके बिचमे कोनो किसिमके मनमोटाब नै हेबे, महज तुसब एके मनके आ एके बिचारके हो।

रोमी 11:17

तहिनङे कतहेक काम नै लागैबला ठाइर काइटके फेकल जखा कतहेक यहुदीसब परमेस्‍वरके छोइरके गेलै। महज तु गैर-यहुदीसब जङगली जैतुनके ठाइर जखा भेलोपरभी असल जैतुनके गाछमे कलमी बान्‍हल चिही। आब तुहुसब असल जैतुनके गाछसे सक्‍ति आ जिबनके रस पाबनेचिही।

परेरित 4:32

बिस्‍बास करैबलासब एकेमन आ एके परानके भेलरहै, ओइसबमेसे कोइ नै आपन धन-सम्‍पतीके आपन चियै कहैछेलै, महज सब चिजके सझिया मानैत रहै।

युहन्‍ना 17:21

हम परथना करैचियै कि उ सबकोइ एक हेबे। हे पिता, जहिनङे अहाँ हमरमे आ हम अहाँमे चियै, तहिनङे ओहोसब अपनासबसङे एक हेबे, ताकि अहाँ हमरा पठाइनेचियै कैहके सन्‍सारके लोकसब बिस्‍बास करे।

१ कोरन्‍थी 11:3

महज तोरासबके यि बात थाह हेबे कि खिरिस्‍ट हरेक मानबके सिर चियै। तहिनङे घरबला आपन घरबालीके सिर चियै आ परमेस्‍वर खिरिस्‍टके सिर चियै।

एफिसी 1:23

मन्‍डली खिरिस्‍टके देह चियै, एह्‍या देह सब बातसे भरल ओकर पुरा रुप चियै।

एफिसी 2:21

ओह्‍या पुरे घरके थाइम्‍हके राखनेछै आ उ यि घरके परभुमे एकटा पबितर मन्‍दिर बनाबितेछै।

लुका 5:38

बरु तजा अङगुरके मध लबके छलाके थैलीमे राखेपरैछै।