14 उ अपनासबके बिरोधमे लिखल सब तमसुक आ दाबीसब सङे रद कैरदेल्कै आ कुरूसमे किला ठोइकके नास कैरदेल्कै।
परमेस्वर यि करारके “लया करार” कहल्कै, ओहैसे ओकर पहिनेके बान्हल करारके पुरना करार ठहरेल्कै। उ करार पुरान हैतजेतै आ जल्दिए नास हैतजेतै।
मोसाके बेबस्था कमजोर आ बेकामके भेलाके कारन खारेज भेलछै।
तुसब खिरिस्टसङे मैरके यि सन्सारके आधारभुत सिदान्तसबसे छुटकारा पाबनेचिही त, कथिले तुसब यि सन्सारके नियमसब पालन करैचिही?
हमसब पापके लेल मैरके धारमिकताके लेल जियैले सकि कैहके खिरिस्ट अपनासबके पापसबके खातिर आपन देहमे पाप बोइकके कुरूसमे मरलै। ओकर चोटसबसे तुसब निक भेलचिही।
तै खातिर तुसब पस्चाताप कर आ आपन मन बदल जैसे तोरासबके पाप मेटाबे आ परमपरभुसे आनन्दके समय आबे,
उ बेबस्था भङ करैबला आपन कामसब भितरे-भितर सुरु कैर लेनेछै। महज ओकरा जे सक्ती पकरने छै, उ सक्ती नै हटैतक ओकरा रोक्ने रहतै।
उसब दुनुगोरे परमेस्वरके नजरमे धरमी छेलै आ परमपरभुके सब आग्या आ धारमिक नियमसब मानैछेलै।