कलस्‍सी 1:29 - मध्‍य पुरविया थारू

²⁹ खिरिस्‍टके महान सक्‍तीमे भर पैरके यि काम हम एकदम मेहनतसे करैचियै।

कलस्‍सी 1:29 Referans Kwoze

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

एफिसी 1:19

खिरिस्‍टमे बिस्‍बास करैबलासबके खातिर काम करैबला ओकर महान सक्‍ती अनुमाने करैले नै सकबिही। यि बात तोरासबके थाह हेबे कैहके हम परथना करैचियौ।

एफिसी 3:7

परमेस्‍वरके बरदानसे हम सुसमाचार परचार करैबला सेबक भेलियै, यि बरदान उ आपन सक्‍तीके काम अनुसार हमरा देल्‍कै।

फिलिप्‍पी 2:13

कथिलेकी परमेस्‍वर तोरासबमे सबदिन काम कैरते आबैछौ। उ तोरासबके ओकर असल उदेसके काम पुरा करैके मन आ सक्‍ती दुनु देतौ।

हिबरु 13:21

तोरासबके हर परकारके असल गुनसबसे भरिपुरन करे आ तुसब ओकर इक्‍छा पुरा करैले सक। परमेस्‍वरके जे मन परैबलाछै से येसु खिरिस्‍ट दुवारा उ तोरासबमे करे। ओकर महिमा जुगो जुग तलिक रहे। आमेन।

कलस्‍सी 2:1

हम तोरासबके लेल, लाउडिकियामे रहल मन्‍डलीके लेल आ हमर मुहो नै देखने बिस्‍बासीसबके लेल मैर-मैरके काम करनेचियै से बात तुसब जान कैहके हमर इक्‍छाछै।

२ थेसलोनिकी 3:8

हमसब बिना टकाके ककरो खाइबला चिज नै खेलियै। बल्‍की दिन-रात दुख सहैत आ पसेना चुबाइत मेहनत करलियै ताकि तोरासबमेसे ककरो उपर भार नै परे।

१ थेसलोनिकी 2:9

भाइसब, हमरासबके कस्‍ट आ मेहनत तोरासबके थाहे छौ। तुसब परमेस्‍वरके सुसमाचार सुनाइबखत ककरो उपर भार नै परौक कैहके हमसब आपन खर्‌च-बर्‌च करैले दिन-रात खैटके काम करलियै।

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

फिलिप्‍पी 2:16

जिबन दैबला बचनके पकैरके राख। ओनङ करबिही त हमर करल मेहनत आ परिसरम बेरथ नै भेलै कैहके खिरिस्‍टके दिनमे हमरा गर्‌भ करैके मौका भेटतै।

१ कोरन्‍थी 12:11

यि सब एके पबितर आत्‍माके काम चियै। उ आपन इक्‍छा अनुसार सब कोइके अलग-अलग किसिमके बरदान दैछै।

रोमी 15:20

दोसर कोइके सुरु करल जगमे घर बनाबैबला जखा हम नै चियै महज खिरिस्‍टके बारेमे कहियो नै सुनल ठाममे सुसमाचार परचार करनाइ हमर उतकट इक्‍छाछै।

परकास 2:3

हमरा थाहछै, तुसब धिरज कैरके सहन करनेचिही आ हमर नाउके खातिर कस्‍ट पाबियोके हमरा नै त्‍यागने चिही।

२ तिमोथी 2:10

तहैले परमेस्‍वरके चुनलहा लोकसबके खातिर हम सबचिज सहैचियै, ताकि ओहोसब येसु खिरिस्‍टके मुक्‍ती पाबे आ अनन्‍त महिमामे सहभागी हैलेसके।

फिलिप्‍पी 1:30

जे दुख कस्‍ट हमरमे देखलिही आ हमरसङे छै कैहके सुनैचिही, वह्‍या दुख कस्‍टमे तुसब हमरसङे चिही।

फिलिप्‍पी 1:27

मुख बात यह्‍या चियै कि तोरासबके चाल-चलन खिरिस्‍टके सुसमाचार अनुसार सोहाइबला हेबे। हम चाहे तोरासबके भेट-मुलकात करी, चाहे दुर रही तुसब एकेटा उदेस्‍य ल्‍याके अस्‍थिर चिही आ एकेटा मन भ्‍याके सुसमाचारके बिस्‍बासके लेल मेहनत कैररहल चिही कैहके हम सुनैले पाबी।

एफिसी 3:20

अपनासबके भितर काम करैबला सक्‍तीसे अपनासबके माङलहा आ सोचलहासे बेसी कैरके परमेस्‍वर दैले सक्‍तै।

२ कोरन्‍थी 13:3

ओइ बखत खिरिस्‍ट हमर दुवारा बोलैछै कि नै बोलैछै कैहके तुसब परमान भेटाइबिही। तोरासबसङे काम करैतखिना उ कमजोर नै महज सक्‍तिसाली छै।

२ कोरन्‍थी 11:23

कि उसब खिरिस्‍टके सेबक चियै? हम बताह लोक जखा बोलैचियै, महज हम ओकरासबसे औरो असल सेबक चियै। ओकरासबसे त हम औरो बहौत मेहनत करनेचियै। कतहेक बेर त हम जहलमे परलियै, बहुत बेर कोर्‌रासे पिटाइ खेलियै आ बहुतो बेर कालके मुहसे बचल चियै।

२ कोरन्‍थी 6:5

हमसब पिटाइ खेने चियै, जहलमे परल चियै, हुलदङ्‍गामे परलचियै। एकदमसे मेहनत करैचियै, सुतैयोले नै पाबनेचियै आ भुखे पियासेमे परल चियै।

२ कोरन्‍थी 5:9

ओहैसे हमसब चाहे देहमे या चाहे देहसे अलग रैहके, ओकरा खुसी बनाबैके हमरासबके लक्‍छ चियै।

१ कोरन्‍थी 12:6

तहिनङे कामसब बहौत किसिमके छै, महज सबके जिबनमे काम करैबला सक्‍ति ओह्‍या परमेस्‍वर दैछै।

रोमी 15:30

पिरिय भाइ-भैयासब, अपनासबके परभु येसु खिरिस्‍ट आ पबितर आत्‍माके देल परेमके कारन हमर दुखमे सहायता करैले हमरसङे परमेस्‍वरसे सबदिन परथना कर कैहके तोरासबसे बिन्‍ती करैचियौ।

लुका 13:24

“सकेत केबारसे ढुकैले आपन पुरा बल लगा। कथिलेत, हम तोरासबके कहैचियौ, बहुत लोकसब ढुकैले चाहतै, महज ढुके नै सक्‍तै।

हिबरु 12:4

पापके बिरोधमे तोरासबके करल सङघर्‌ससे आपन परान दैबला अबस्‍थामे नै पुगल चिही।

कलस्‍सी 2:12

कथिलेत बप्‍तिस्‍मा लैतखिना तुसब खिरिस्‍टसङे गारल गेल्‍ही आ मरलसे खिरिस्‍टके जियाइबला परमेस्‍वरके सक्‍तीमे बिस्‍बास करलाके कारनसे खिरिस्‍टसङे जिबित भेलचिही।