कलस्‍सी 1:16 - मध्‍य पुरविया थारू

¹⁶ कथिलेत स्‍वरग आ पिरथिबीमे भेल सब चिज ओकरेसे सिरिस्‍टी भेलै। देखापरैबला आ नै देखापरैबला सब चिज, चाहे सिंहासन या सक्‍तीसब हेबे, सासकसब आ अधिकार चलाइबलासब, यि सब चिज खिरिस्‍टेसे आ खिरिस्‍टेके खातिर सिरिस्‍टी भेलै।

कलस्‍सी 1:16 Referans Kwoze

रोमी 11:36

कथिलेत सब चिज ओकरे सिरिस्‍टी चियै आ ओकरेसे बनलछै आ ओकरे लेल बन्‍याल छै। ओकर महिमा सबदिन हैतरहे! आमेन।

युहन्‍ना 1:3

सबचिज परमेस्‍वर ओकरेसे सिरिस्‍टी करल्‍कै। सिरिस्‍टी भ्‍याल चिजसबमेसे एकोटा चिज ओकरबिना नै बन्‍लै।

१ कोरन्‍थी 8:6

महज हमसब जानैचियै कि, अपनासबके एक मातरे परमेस्‍वर पिता छै, जकरसे सब चिजके सिरिस्‍टी भेलै आ हमसब ओकरे लेल जियैचियै। अपनासबके थाहछै कि, अपनासबके एक मातरे परभु, येसु खिरिस्‍ट छै। ओकरेसे सबकुछ सिरिस्‍टी भेलै आ जकरसे हमसब जियैचियै।

हिबरु 2:10

परमेस्‍वर आपने महिमाके लेल सब चिज सिरिस्‍टी करल्‍कै। उ आपन बहुतो धियापुतासबके महिमामे लाबैके इक्‍छा करैके कारन उ ओइसबके मुक्‍ती दैबला खिरिस्‍टके कस्‍ट दुवारा सिध बनाबैके ओकर लेल उचित छेलै।

हिबरु 1:2

महज यि अन्‍तके दिनसबमे उ आपन बेटा दुवारा अपनासबसङे बोलैछै। उ आपन बेटाके सब चिजके उतराधिकार हैकेलेल नियुक्‍त करल्‍कै आ ओकरे दुवारा सब चिजके सिरिस्‍टी करल्‍कै।

एफिसी 1:10

समयमे पुरा भेलाके बाद स्‍वरग आ पिरथिबीमे सिरिस्‍टी भेल्‍हा सब चिज खिरिस्‍टके अधिनमे आबे।

कलस्‍सी 1:15

खिरिस्‍ट त नै देखैबला परमेस्‍वरके देखैबला रुप चियै। उ सारा सिरिस्‍टीके उपर अधिकार करैछै।

कलस्‍सी 2:10

खिरिस्‍टमे तोरासबके जिबन पुरा भेलछौ। वह्‍या सब सासन आ अधिकारके सिर चियै।

फिलिप्‍पी 2:10

चाहे स्‍वरगमे, पिरथिबी उपर आ पिरथिबीके निचा हेबे, सबकोइ येसुके नाउमे ठेङहुनिया दैलेपरतै।

कलस्‍सी 1:20

कुरूसमे बलिदान भेल खिरिस्‍टके लहुसे परमेस्‍वर स्‍वरग आ पिरथिबीमे भेल सब चिजके फेनसे आपनसङे मेलमिलाप आनल्‍कै।

१ पतरुस 3:22

येसु स्‍वरगमे गेलै आ सब स्‍वरगदुतसब, अधिकारसब आ सक्‍तीसबके बसमे कैरके परमेस्‍वरके दहिनाकात बिराजमान भेल छै।

कलस्‍सी 2:15

उ आत्‍मिक दुस्‍ट सक्‍तिसबके आ अधिकार सबके नस्‍ट करल्‍कै आ खिरिस्‍टके कुरूस दुवारा ओकरासबके हरेल्‍कै। उ ओइसबके खुलम खुल्‍ला तमासा बन्‍यादेल्‍कै।

एफिसी 6:12

कथिलेत अपनासबके लराइ देह आ लहुके बिरोधमे नै महज सासकसबके बिरोध, सक्‍तिसबके बिरोध, अखुन्‍का अन्‍हार जुगके सन्‍सारिक सासकसब आ स्‍वरगके ठामसबमे भेल दुस्‍ट आत्‍माके सेनासबके बिरोधमे चियै।

रोमी 8:38

परमेस्‍वरके परेमसे अपनासबके कोनो चिज अलग करैले नै सक्‍तै। नै त मिरतु, नै त जिबन, नै स्‍वरगदुतसब, नै त सन्‍सारके सासकसब, नै त अखुनके या भबिसके बातसब, नै त कोनो सक्‍तीसब,

युहन्‍ना 1:10

उ सन्‍सारमे छेलै, सन्‍सार ओकरेसे बन्‍लै, तैयो सन्‍सार ओकरा नै चिन्‍हल्‍कै।

रोमी 9:5

इजराएलीसब नाम चलल पुरखासबके बेटा-बेटीसब चियै, येसु खिरिस्‍ट सेहो अहै जातीसे जलम लेल्‍कै। उ त सब जातीसबमे राज करैबला परमेस्‍वर चियै। ओकर परसन्‍सा सबदिन हैतरहे! आमेन।