कलस्‍सी 1:12 - मध्‍य पुरविया थारू

¹² ओकरलेल परमेस्‍वर पिताके खुसीसे धन्‍यबाद दहै। परमेस्‍वरके इजोतके राजमे खिरिस्‍टके पबितर जनसबके पाबैबला बात तोरोसबके पाबैले सकैबला बनाइनेछौ।

कलस्‍सी 1:12 Referans Kwoze

परेरित 20:32

“आब हम तोरासबके परमेस्‍वरके जिम्‍मा आ ओकर अनुगरहके बचनमे सौपदैचियौ, जैसे तोरासबके बिस्‍बासमे मजगुत बनाइले सक्‍तौ आ पबितर करल लोकसबके सङे उतराधिकार दैले सक्‍तौ।

एफिसी 1:11

कथिलेत सब बात परमेस्‍वरके योजना आ इक्‍छा अनुसार भेलछै। परमेस्‍वर अपनासबके आपन खुसिसे खिरिस्‍टमे छानल्‍कै। यि बात उ पहिनेसे करल योजना अनुसार भेल छेलै।

एफिसी 1:18

हम एहो परथना करैचियौ कि, तोरासबके हिरदयके आँख खुले आ कोन आसाके लेल उ तोरासबके बोलेल्‍कौ आ पबितर जनसबमे ओकर महिमीत उतराधिकारके सम्‍पैत कि चियै, से तुसब जानैले सक।

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

एफिसी 3:6

उ रहसके बात एह्‍या चियै कि, गैर-यहुदीयोसब सुसमाचारसे परमेस्‍वरके आसिस पाबैले सक्‍तै। उसब एक देहके अङसब आ खिरिस्‍ट येसुमे परमेस्‍वरके करल परतिग्‍याके साझेदार भेल छै।

२ कोरन्‍थी 5:5

परमेस्‍वरे अपनासबके स्‍वरगिय देहके पाबैके लेल तयार करने छै, जकरा पक्‍का करैके लेल बैनाके रुपमे उ आपन पबितर आत्‍माके देनेछै।

रोमी 8:17

हमसब परमेस्‍वरके बेटा-बेटी चियै त ओकर हकबला सेहो चियै, परमेस्‍वरके हकबला आ खिरिस्‍टसङे सझिया हकबला हेबै। यदि हमसब खिरिस्‍टसङे दुख-कस्‍ट भोग्‍बै त ओकरेसङे आदर-सम्‍मानमे सेहो सहभागी हेबै।

हिबरु 3:14

यदि अपनासब खिरिस्‍टमे करल सुरुके भरोसाके अन्‍ततक जोगाके राखबै त, अपनोसब खिरिस्‍टसङे साझा हकदार हेबै।

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

परकास 21:23

उ सहरमे इजोतके लेल सुरुज आ चानके आबस्‍यक नै छै, कथिलेत परमेस्‍वरके महिमा ओतेका इजोत चियै आ थुमा आपने चिरखा चियै।

हिबरु 12:23

तुसब त परमेस्‍वरके पहिन्‍का जलमल अरथात ओकर सन्‍तानसबके सभामे एलचिही, जकर नाम स्‍वरगमे लिखलछै। उसब धरमीसबके आत्‍मा चियै, जे सिध करलगेलछै। तुसब सबके नियाय करैबला परमेस्‍वरकते एलचिही।

कलस्‍सी 2:2

हम अनङ करनेचियै ताकी ओइसबके हिरदयमे साहस मिले आ परेममे सङे जुरल रहे। अनङ हेतै त उसब आत्‍मिक रुपसे एकदमसे धनिक भ्‍याके परमेस्‍वरके रहसके ग्‍यान जे येसु खिरिस्‍ट चियै ओकरा पुरा रुपसे बुझैले सक्‍तै।

एफिसी 5:20

अपनासबके परभु येसु खिरिस्‍टके नाममे परमेस्‍वर पिताके सब बातमे हरदम धन्‍यबाद दैतरह।

१ कोरन्‍थी 8:6

महज हमसब जानैचियै कि, अपनासबके एक मातरे परमेस्‍वर पिता छै, जकरसे सब चिजके सिरिस्‍टी भेलै आ हमसब ओकरे लेल जियैचियै। अपनासबके थाहछै कि, अपनासबके एक मातरे परभु, येसु खिरिस्‍ट छै। ओकरेसे सबकुछ सिरिस्‍टी भेलै आ जकरसे हमसब जियैचियै।

रोमी 15:27

उसब यि रुपैया-पैसा राजिखुसीसे जम्‍मा करने छै। बास्‍तममे यरुसलेमके गरिबसब बिस्‍बासीसबके मदत करैले उसब रिनी छेलै, कथिलेत गैर-यहुदीसब यहुदीसबसे आत्‍मिक आसिस पाबने छेलै। ओहैसे गैर-यहुदीयोसब ओइसबके अभाबमे परल बखत सहायता करनाइ उचित चियै।

याकुब 3:9

अपनासब अहै मुहसे परभु आ पिताके धन्‍यबाद दैचियै आ एह्‍या मुहसे परमेस्‍वरके स्‍वरुपमे रचलगेल लोकके सरापो दैचिही।

हिबरु 3:1

ओहैसे परमेस्‍वरके बोलाबट पाबलहा पबितर जनसब, तुसब आपन धियान येसुमे लगा, जकरा अपनासब परेरित आ परधान पुजारी कैहके सुइकार करैचियै।

कलस्‍सी 3:17

तुसब किछो कहबिही तैयो, किछो करबिही तैयो सब बात परभु येसुके नाममे कर तब ओकरेसे परमेस्‍वर पिताके धन्‍यबाद चरहा।

कलस्‍सी 3:15

खिरिस्‍टके सान्‍तीके तुसब आपन हिरदयमे राज करैले दहै। एह्‍या सान्‍तीके खातिर परमेस्‍वर तोरासबके एके देहमे बोलाइनेछौ। यि बातमे तुसब धन्‍यबादी बन।

एफिसी 5:4

निरलज, मुरुख आ खराब बचनसब तोरासबके मुहसे नै निक्‍ले, यि बात ठिक नै चियै। बरु अकर बदलामे त परमेस्‍वरके धन्‍यबाद दैबला काम हेबे।

एफिसी 4:6

सबके परमेस्‍वर पिता एके छै। वह्‍या सबकोइ उपर राज करैछै, सब कोइसे काम करैछै आ सब कोइके हिरदयमे बास करैछै।

१ कोरन्‍थी 9:23

हम सुसमाचार फैलाबैके लेल यि सबकुछ करैचियै ताकी हम आसिसके भागिदार भ्‍यासकी।

रोमी 11:17

तहिनङे कतहेक काम नै लागैबला ठाइर काइटके फेकल जखा कतहेक यहुदीसब परमेस्‍वरके छोइरके गेलै। महज तु गैर-यहुदीसब जङगली जैतुनके ठाइर जखा भेलोपरभी असल जैतुनके गाछमे कलमी बान्‍हल चिही। आब तुहुसब असल जैतुनके गाछसे सक्‍ति आ जिबनके रस पाबनेचिही।

रोमी 9:23

उ अहैलेल अनङ करल्‍कै कि आपन दया करल लोकसबके महान महिमा देखाइले चाहल्‍कै। ओकर दया करल आ महिमाके लेल सुरुवेसे तैयार करल लोकसब हमसब चियै।

युहन्‍ना 20:17

येसु ओकरा कहल्‍कै, “हमरा नै छु, कथिलेत अखुनतक हम पिताके लग उपर नै गेल चियै। बरु हमर भाइसबलग ज्‍याके ओकरासबके कैहदहै कि हम आपन पिता आ तोरासबके पिता, आपन परमेस्‍वर आ तोरासबके परमेस्‍वर लग उपर ज्‍यारहल चियै।”

युहन्‍ना 4:23

महज समय आइबरहल छै आ समय एह्‍या चियै। साँचोके आराधना करैबलासब पबितर आत्‍माके अगुवाइमे आ सत बात अनुसार पिताके आराधना करतै। कथिलेत अहिनङे आराधना करैबलासबके आपन आराधना करैले ताकैछै।

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

परकास 22:14

उसब धैनके चियै, जे आपन बस्‍तर धोइबके साफ करैछै। उसब जिबनके गाछके फल खाइले आ ओइ सहरके देहरीसे भितर जाइले पाबतै।

परकास 22:5

ओते कहियो रात नै हेतै, ओते दिया या रौदके जरुरत नै परतै कथिलेत परभु परमेस्‍वरे ओइसबके लेल इजोत हेतै आ उसब सबदिन राज करतै।

१ युहन्‍ना 1:3

हमसब जे देखने आ सुन्‍ने चियै, से हमसब तोरासबके सुनाबैचियौ जेकि तुहुसब हमरासबसङे सङगती करेसकी। अपनासबके सङगती त पिता आ ओकर बेटा येसु खिरिस्‍टसङे छै।

१ पतरुस 5:1

हम एकटा मन्‍डलीके एल्‍डर चियै आ खिरिस्‍टके भोगल दुख-कस्‍टके आपनेसे देख्‍ने चियै आ पछा आबैबला महिमामे सहभागी हेबै। ओहैसे हम तोरासबके बिचमे भेल एल्‍डरसबके बिन्‍ती करैचियौ।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

२ कोरन्‍थी 11:14

यि कोनो अचमके बात नै चियै, कथिलेकी सैतानो चम्‍कैबला स्‍वरगदुतके जखा भेस धारन करैछै।

एफिसी 2:18

खिरिस्‍टके कारनसे अपनासब एके पबितर आत्‍मा पाइबके पिता परमेस्‍वरके सामने जाइले सकैबला भेलचिही।

एफिसी 5:8

पहिने तुसब अन्‍हारमे छेल्‍ही महज आब परभुके लोक भेलाके कारन इजोतमे चिही। तैखातिर तुसब इजोतके धियापुतासब जखा बेबहार कर।

एफिसी 5:11

अन्‍हारमे काम नै लागैबला कामसबमे सहभागी नै हो। बरु उ काम खराब छै कैहके देख्‍यादहै।