परेरित 9:41 - मध्‍य पुरविया थारू

⁴¹ पतरुस तबिताके हाथ पकैरके उठेल्‍कै। तब बिस्‍बासीसब आ बिधुवासबके बोलाइल्‍कै आ ओइसबके जिते छै कैहके देखेल्‍कै।

परेरित 9:41 Referans Kwoze

परेरित 6:1

जब बिस्‍बासीसबके संख्‍या बरहै छेलै, तब हिबरुसबके बिरोधमे गिरिक यहुदीसब बताबती करे लाग्‍लै, कथिलेत दिन-दिने खाइबला चिजसब बाँटै बखत ओइसबके बिधवासब आबसेक्‍ता बमौजी नै पाबैछेलै।

मरकुस 1:31

तब येसु ओकरलग गेलै आ ओकर हाथ पकैरके उठेल्‍कै। तखुन्‍ते जर बोखार ओकरा छोरल्‍कै आ उ ओकरासबके स्‍वागत-सत्‍कार करल्‍कै।

परेरित 20:12

तब चेलासब उ युबकके जिबिते अबस्‍थामे घर पुगा देल्‍कै आ उसब एकदम खुसी भेलै।

परेरित 3:7

पतरुस ओकर देहना हाथ पकैरके ओकरा उठेल्‍कै, तखुन्‍ते ओकर टाङ आ घुठ्‍ठीमे तागत एलै।

लुका 7:15

मरलहा जबान लोक उठके बैठलै आ बोले लाग्‍लै। येसु ओकर माँके जिमा लग्‍या देल्‍कै।

लुका 7:12

जब येसु गामके दुवारमे पुग्‍लै, तब बिधुवाके एकलौता बेटाके लहास बोइकके कठियारी जाइ छेलै। ओइ बिधुवासङे गामके बहुतरा लोकसब छेलै।

परेरित 9:13

महज हननिया कहल्‍कै, “परभु, यि लोक यरुसलेममे अहाँके चेलासबके बहौत दुख देनेछै से हम बहौत लोकसबसे सुन्‍नेचियै।

परेरित 9:32

पतरुस अने-ओने घुमैत-फिरैत लुड्‍डा नामके सहरमे परभुमे बिस्‍बास करैबलासबके लग भेट करैले एलै।

१ तिमोथी 5:3

जे मसोमातनीके कोइ नै छै, ओकरासबके देखभाल कर।

१ तिमोथी 5:5

जै मसोमातनीके देखभाल करैबला कोइ नै छै, से मसोमातनी त आपन भरोसा परमेस्‍वरमे राखने रहैछै। उ दिन रात परमेस्‍वरमे बिन्‍तीभाव करैत रहैछै।