परेरित 9:36 - मध्‍य पुरविया थारू

³⁶ योप्‍पा सहरमे एकटा तबिता नामके जनी बिस्‍बासी रहै, जकरा गिरिक भसामे “डोरकस” कहैछेलै। (जकर मतलब हरिनी चियै।) उ असल काम आ गरिबसबके दान द्‍याके हरदम सहयोग करैछेलै।

परेरित 9:36 Referans Kwoze

तितस 3:8

यि बातसब साँचोके चियै। हम चाहैचियै कि अइ बातसबमे जोर दिय, ताकि जे परमेस्‍वरमे बिस्‍बास करने छै उसब असल काममे धियान देबे। कथिलेकी यि सब लोकसबके लेल असल आ फाइदाके बात चियै।

तितस 2:7

तुसब आपन सब काममे ओइसबके अगा अपने-आपके असल नमुना बैनके देखा। तु इमान्‍दार आ गम्‍भीर भ्‍याके सिक्‍छा दहै।

हिबरु 13:21

तोरासबके हर परकारके असल गुनसबसे भरिपुरन करे आ तुसब ओकर इक्‍छा पुरा करैले सक। परमेस्‍वरके जे मन परैबलाछै से येसु खिरिस्‍ट दुवारा उ तोरासबमे करे। ओकर महिमा जुगो जुग तलिक रहे। आमेन।

याकुब 1:27

परमेस्‍वर पिताके मनपरैबला साँचोके धरम-करम एह्‍या चियै दुखमे परल बिधुवा आ टुगर-टापरसबके देखभाल करनाइ आ सन्‍सारके अधलाह बातसे अलग रहनाइ चियै।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

एफिसी 2:10

कथिलेत हमसब असल कामसबके लेल खिरिस्‍ट येसुमे सिरिस्‍टी भ्‍याल ओकर हाथके सिप चियै। ओह्‍या अनुसार अपनासब चल कैहके उ पहिनेसे तयार करने रहै।

परेरित 10:31

आ कहल्‍कै, ‘करनेलियस, परमेस्‍वर तोहर परथना सुन्‍नेछौ आ तोहे गरिबसबके दान करल असल कामसब उ जानैछै।

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

१ थेसलोनिकी 4:10

बास्‍तममे तुसब त माकेडोनिया परदेसके सब बिस्‍बासीसबके ओहिने परेम करैचिही, अहैलेल देख भाइ-भैयासब, तुसब औरो बेसीसे परेम कैरतेजो कैहके हमसब बिन्‍ती करैचियौ।

फिलिप्‍पी 1:11

परमेस्‍वरके महिमा आ परसन्‍साके लेल येसु खिरिस्‍टसे आबैबला धारमिकताके फलसे तुसब भरिभराउ हो।

युहन्‍ना 15:8

जब तुसब बहुत फल फराइबिही त हमर पिताके महिमा परकट हेतै आ तुसब हमर असल चेला चिही से बात परमानित हेतौ।

युहन्‍ना 15:5

“अङगुरके लती हम्‍ही चियौ, तुसब ठाइर चिही। यदी कोइ हमरमे रहतै आ हम ओकरमे रहबै त, उ बहौत फल फराइतै, कथिलेकी हमरसे अलग रैहके तुसब कुछो करैले नै सकबिही।

कलस्‍सी 1:10

तब तुसब परभुके मनपरैबला जिबन बिताके ओकरा खुसी करैले सकबिही। सब असल काममे तुसब फल फराइत परमेस्‍वरके ग्‍यानमे बैढते जेब्‍ही।

परेरित 9:38

लुड्‍डा योप्‍पासे बेसी दुर नै छेलै। चेलासब पतरुस ओतै छै से बात सुइनके ओकरलग दुइ गोरा लोकके अनङ कैहके बिन्‍ती करैले पठाइल्‍कै, तब उसब आइबके कहल्‍कै “परभु, देर नै कैरके अहाँ हमरासबसङे झटसिना आबु।”

परेरित 9:42

यि बात पुरा योप्‍पामे फैलगेलै, तब ओतेका बहौत लोकसब परभुमे बिस्‍बास करल्‍कै।

परेरित 10:8

उ ओकरासबके सब बात सम्‍झा बुझ्‍हाके योप्‍पामे पठेल्‍कै।

परेरित 10:23

यि बात सुइनके पतरुस ओइसबके भितर लज्‍याके स्‍वागत-सत्‍कार करल्‍कै। तकर बिहानके पतरुस उइठके ओहैसबसङे गेलै आ परभुमे बिस्‍बास करैबलामेसे कुछ लोकसब योप्‍पासे ओकरसङे गेलै।

परेरित 11:5

पतरुस कहल्‍कै, “हम योप्‍पा सहरमे परथना करैत ध्‍यान-मग्‍न रहियै। तब एकटा बरका तन्‍ना जखा चारु खुटमे पकैरके स्‍वरगसे निचा खसैत हम दरसनमे देखलियै आ उ आइबके हमर कातमे ठहरलै।

परेरित 11:13

करनेलियस हमरासबके सुनाइल्‍कै, एकटा स्‍वरगदुत हमर घरमे ठार भ्‍याके एहेन कहैत हम देखलियै, ‘योप्‍पामे लोकसबके पठाके पतरुस कहाइबला सिमोनके बोल्‍याके आन।

मतीके लिखल सुसमाचार 25:17

ओहिनङ दुइटा डलर पाबैबला नोकर सेहो औरो दुइटा सोनाके डलर कमाइल्‍कै।