परेरित 9:21 - मध्‍य पुरविया थारू

²¹ यि बात सुनैबला सबकोइ अच्‍चम मानैत कहेलाग्‍लै, “यरुसलेममे येसुके बिस्‍बास करैबलासबके सताबैबला एह्‍या नै चियै त? आ अतौ ओइसबके बाइन्‍हके मुल पुजारीलग लेजेबै कैहके आएल नै छै त?”

परेरित 9:21 Referans Kwoze

परेरित 8:3

महज अने साउल घर-घरमे ढुइकके बिस्‍बासी मन्‍डलीके नास करैले कोसिस करैतरहै। उ मरद आ जनी सबके पकैरके घिस्‍याइते लज्‍याके जहलमे ढोइक दैछेलै।

२ थेसलोनिकी 1:10

जै दिन परभु एतै, तै दिन उ आपन पबितर लोकसबके बिचमे आपन महिमा आ बिस्‍बास करैबला जम्‍मेलोकसे परसन्‍सा लेतै। ओते तुसब रहबिही, कथिलेत हमरसबके देल्‍हा गबाही पर तुसब बिस्‍बास करलिही।

१ युहन्‍ना 3:1

देख्‍ही त, पिता अपनासबके कतहेक परेम करने छै, जे साँचोके हमसब परमेस्‍वरके बेटा-बेटी कहाइचियै। सन्‍सारके लोकसब परमेस्‍वरके नै चिन्‍हलाके कारन अपनासबके नै चिन्‍हैछै।

परेरित 4:13

जब उसब पतरुस आ युहन्‍नाके निडर भ्‍याके बाजैत देखल्‍कै आ यि बुझल्‍कै कि यीसब कम परहल-लिखल आ सधारन लोक चियै से देखके उसब छक परलै। तब उसब येसु सङे रहै से थाह पाबल्‍कै।

परेरित 3:10

लोकसब ओकरा मन्‍दिरके सुन्‍दर देहरीमे भिख माङैले बैठल रहैबला एह्‍या चियै कैहके चिन्‍हल्‍कै, “उ कनङके चलेलाग्‍लै?” कैहके उसब एकदम छक परलै।

परेरित 2:12

उसब आस्‍चरजमे परलै आ अलमलमे पैरके एक दोसरके एहेन कहेलाग्‍लै, “अकर अरथ कथी चियै?”

परेरित 2:6

तब यि अबाज सुइनके भिर जम्‍मा भेलै। उसब दोधारमे परलै, कथिलेत सबकोइ आपन-आपन भसामे ओइसबके बोलैत सुनल्‍कै।

परेरित 7:59

जैहनङ उसब स्‍तिफनस उपर पथल मारैत खिना एहेन कहैत परथना करैतरहै, “हे परभु येसु, हमर आत्‍माके सुइकारु।”

परेरित 9:22

महज साउलके परचार सक्‍तिसाली हैतगेलै आ येसुवे खिरिस्‍ट चियै से परमान द्‍याके दमस्‍कसमे रहैबला यहुदीसबके मुह बन्‍द कैरदेल्‍कै।