परेरित 8:9 - मध्‍य पुरविया थारू

⁹ ओहै सहरमे सिमोन नामके एकटा लोक ओतै छेलै। उ बहौत दिनसे आपन जादु देख्‍याके सामरियाके लोकसबके आस्‍चरजमे राखने रहै आ उ आपनके पैध लोक कहैछेलै।

परेरित 8:9 Referans Kwoze

परेरित 13:6

जब उसब पुरे टपुके यातरा करैत पाफोस सहरमे पहुचलै, तब ओते उसब एकटा बारयेसु नामके यहुदी जादुगरके भेटलै। उ झुठ बाइजके आपनके परमेस्‍वरके अगमबक्‍ता चियौ कहैछेलै।

परेरित 5:36

कथिलेत कुछ समय पैहने थुदास नामके लोक आपन परसन्‍साके दाबी करल्‍कै आ लगभग चार सय लोक ओकर पछा लाग्‍लै, महज उ मारल गेलाके बाद ओकर पछा लागैबलासब सब तितर-बितर भ्‍यागेलै आ सब बातसबके नाम निसान हरागेलै।

युहन्‍ना 7:18

जे कोइ आपन मनसे बोलैछै, उ आपने महिमा ताकैछै, महज जे अपना पठाइबलाके आदर खोजैछै, उ सत लोक चियै आ ओइमे कोनो कपट नै रहैछै।

परेरित 8:11

अहै बातसे लोकसब ओकरा मानैत रहै, कथिलेत बहौत दिन पहिनेसे उ आपन जादुगरिसे लोकसबके आस्‍चरज करने रहै।

परकास 22:15

महज कुतासब जखा खराब लोकसब, जादु-टोना करैबलासब, बेबिचारीसब, हतियारासब, मुरती पुजा करैबलासब, झुठ मन पराइबला आ तै अनुसार जिबन बिताइबलासब सहरसे बाहरे रहतै।

२ पतरुस 2:18

उसब घमन्‍डी आ मुरुख बात करैछै आ देहके लालसा देखाके भरखर खराब रस्‍तासे बाहर एलहा लया बिस्‍बासीसबके फसाबैछै।

२ तिमोथी 3:5

उसब भक्‍ती करैबला रुप धारन त करैछै महज भक्‍तीके भितरी सक्‍तीके सुइकार नै करैछै। एहेन लोकसबसे दुरे रह।

२ तिमोथी 3:2

कथिलेत लोक आपन स्‍वारथ मातर देखैबला, पैसा-कौरीके लोभ करैबला, आपनके बरका मानैबला, घमन्‍ड करैबला आ परमेस्‍वरके बिरोध करैबला हेतै। उसब आपन माँ-बापके बात नै मानैबला, असलो कामके खातिर धन्‍यबाद नै दैबला आ अपबितर हेतै।

२ थेसलोनिकी 2:4

बेबस्‍था भङ करैबला लोक आपने बरका भ्‍याके लोकसब परमेस्‍वर मानैबला सब चिजसबके आ पुजा-पाठ करैबला सब चिजके बिरोध करतै। उ त परमेस्‍वरके मन्‍दिरमे बैठके उ आपनेके परमेस्‍वर चियै कहतौ।

परेरित 13:8

महज उ जादुगर एलुमास (गिरिक भसामे एलुमासके अरथ जादुगर चियै) ओकरौरके बिरोध करल्‍कै आ सरगियस पौलुसके बिस्‍बास करैसे रोकैके कोसिस करल्‍कै।