परेरित 8:12 - मध्‍य पुरविया थारू

¹² जब उसब फिलिपके सुन्‍याल सुसमाचारसे परमेस्‍वरके राज आ येसु खिरिस्‍टके नाममे बिस्‍बास करल्‍कै, तब मरद आ जनिसब बप्‍तिस्‍मा लेबे लाग्‍लै।

परेरित 8:12 Referans Kwoze

परेरित 2:38

पतरुस ओइसबके कहल्‍कै, “पस्‍चाताप कर आ तोरौरके पापसे छमा पाबैके खातिर येसु खिरिस्‍टके नाममे तोरौरके सबकोइ बप्‍तिस्‍मा ले, तोरासबके पबितर आत्‍माके बरदान पाबबिही।

परेरित 1:3

चालिस दिनतक कुरूसके मिरतुसे जिबित भ्‍याल परमान दैले बहुतो बेर ओइसबके अगा देखा परलै। उसब ओकरा देखल्‍कै आ ओकरासबसे परमेस्‍वरके राजके बारेमे बतेल्‍कै।

मतीके लिखल सुसमाचार 28:19

तहैलेल जो आ सब देसके लोकसबके चेला बना, पिता, पुतर आ पबितर आत्‍माके नाममे बप्‍तिस्‍मा दहै।

१ पतरुस 3:21

वह्‍या पानी बप्‍तिस्‍माके एकटा रुप चियै, जे तोरासबके बचाबैछौ। यि देहके मैल उगारनाइ नै चियै, महज सुध बिबेकसे परमेस्‍वरमे करलगेल समरपनता चियै। यि मिरतुसे भेल येसु खिरिस्‍टके पुनरुथानसे तोरासबके बचाइछौ।

परेरित 2:41

तब जे-जे ओकर बातमे बिस्‍बास करल्‍कै, सेसब बप्‍तिस्‍मा लेल्‍कै आ ओहै दिन करिब तिन हजार लोक बिस्‍बासीसबके समुहमे थपेलै।

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

रोमी 10:10

कथिलेत लोक आपन हिरदयसे बिस्‍बास कैरके परमेस्‍वरके अगा धरमी ठहरैछै आ बिस्‍बास करल बात आपन मुहसे सुइकार कैरके उधार पाबैछै।

१ कोरन्‍थी 11:11

तैयो परभुमे जनि पुरुखसे स्‍वतन्‍तर नै हैछै आ पुरुखो जनिसे स्‍वतन्‍तर नै हैछै।

परेरित 28:31

बिना रोकटोक निडर भ्‍याके परमेस्‍वरके राजके परचार करल्‍कै आ परभु येसु खिरिस्‍टके बारेमे सिखाबै छेलै।

परेरित 20:25

आब देख, हम जानैचियै कि, अहाँसब मेसे जकर-जकर बिचमे परमेस्‍वरके राजके बारेमे परचार करैत घुमलियै, आब फेनो तुसब हमर मुह कहियो नै देखबिही।

परेरित 20:21

हम यहुदीसब आ गिरिकसब पस्‍चाताप कैरके परमेस्‍वर दिसन घुमे आ अपनासबके परभु येसु खिरिस्‍टमे बिस्‍बास करे से बातके चेताइने चियै।

परेरित 18:8

सभाघरके सासक किरिस्‍पस आ ओकर घरके सब लोकसब परभुमे बिस्‍बास करल्‍कै। कोरिन्‍थके औरो बहुतो लोकसब पावलके सुसमाचार सुइनके बिस्‍बास करल्‍कै आ बप्‍तिस्‍मा लेल्‍कै।

परेरित 11:20

ओइसबमेसे कोइ-कोइ साइपरस आ कुरेनीके लोकसब रहै। उसब एन्‍टिओखियामे आइबके औरो जातीके लोकसबके परभु येसुके सुसमाचार परचार करल्‍कै।

परेरित 5:14

तब परभुमे बिस्‍बास करैबला बहुत मरद आ जनिसबके भिर औरो बेसी बरहे लाग्‍लै।

लुका 9:60

येसु ओकरा कहल्‍कै, “मुरदासबके आपनेसे मुरदा गारैले दहै, महज तोहे ज्‍याके परमेस्‍वरके राजके बारेमे परचार कर।”

लुका 9:2

येसु ओकरासबके परमेस्‍वरके राजके बारेमे परचार करैले आ बिमारसबके निक करैले पठाइल्‍कै।

परेरित 8:4

तब जे बिस्‍बासीसब छिरिया गेल रहै उसब घुइम-घुइमके सब इलाकामे चारुदिसन ज्‍याके परभुके बचन परचार करल्‍कै।

परेरित 19:5

यि बात सुइनके उसब परभु येसुके नाममे बप्‍तिस्‍मा लेल्‍कै।