परेरित 8:1 - मध्‍य पुरविया थारू

¹ ओहै दिनसे यरुसलेमके मन्‍डलीके बिस्‍बासीसबके बिरोधमे बहौत बरका सताबट सुरु भेलै आ परेरितसबके छोइरके औरोसब बिस्‍बासीसब यहुदिया आ सामरियाके इलाकामे छिरिया गेलै।

परेरित 8:1 Referans Kwoze

परेरित 22:20

तोहर गबाही दैबला स्‍तिफनसके लहु-लहुवान कैरके मारैत खिना हम ओतै लगमे ठारभेल रहियौ। ओकरा मारैबलासब सङे मिलके ओकरौरके बस्‍तरके रखबारी कैरके बैठल रहियै।’

परेरित 7:58

उसब स्‍तिफनसके पकैरके सहरसे बाहर निकाइलके ल्‍यागेलै आ ओकरा पथल फेकके मारे लाग्‍लै। साक्‍छीसब आपन-आपन बस्‍तर साउल नामके एकटा छौराके टाङ लग राखने रहै।

परेरित 5:40

तब महासभाके सदससब गमलिएलके सल्‍लाह मानल्‍कै। तब उसब परेरितसबके भितर बोल्‍याके मारपिट करल्‍कै आ “येसुके नाममे नै बोलिहे” कैहके आग्‍या द्‍याके ओइसबके छोइरदेल्‍कै।

परेरित 5:33

जब उसब यि बातसब सुनल्‍कै तब महासभाके सदससब रिससे चुरभेलै आ ओइसबके मारैले चाहल्‍कै।

परेरित 1:8

महज पबितर आत्‍मा तोरासबके उपर एतौ तब तुसब सक्‍ती पाबबिही आ यरुसलेममे, सरा यहुदिया इलाकामे, सामरिया इलाकामे आ पिरथिबीके अन्‍ततक हमर साक्‍छी हेब्‍ही।”

परेरित 8:14

सामरियाके लोकसब परमेस्‍वरके बचन गरहन करैछै से बात सुइनके यरुसलेममे रहैबला परेरितसब पतरुस आ युहन्‍नाके ओते ओइसबलग पठाइल्‍कै।

परेरित 9:31

तकरबाद सारा यहुदिया, गालिल आ सामरियाके मन्‍डलीसबमे सताबटसे सान्‍ती भेलै। परभुके डर मानैत बिस्‍बासमे मजगुत भेलै। परमेस्‍वरके पबितर आत्‍माके जोस पाइबके मन्‍डलीसब बरहैत गेलै।

परेरित 8:4

तब जे बिस्‍बासीसब छिरिया गेल रहै उसब घुइम-घुइमके सब इलाकामे चारुदिसन ज्‍याके परभुके बचन परचार करल्‍कै।

युहन्‍ना 15:20

हम जे बातसब कहलियौ तै बातसबमे गौरसे बिचार कर कि ‘नोकर आपन मालिकसे बरका नै हैछै।’ सन्‍सारके लोकसब हमरा त सतेल्‍कै उसब तोरोसबके सताइतौ। यदी सन्‍सारके लोकसब हमर बात मान्‍तै त, तोरोसबके बात सेहो मान्‍तौ।

हिबरु 11:27

रजाके करोधसे नै डगमगाके बिस्‍बासकेसाथ उ मिसरदेस छोरल्‍कै। कथिलेकी आँखसे देखैले नै सकैबला परमेस्‍वरके देखल जखा कैरके उ पछा दिसन नै घुमलै।

फिलिप्‍पी 1:12

हे भाइ-भैयासब, तोरासबके यि थाह हेबे कैहके हम चाहैचियै कि हमरमे जे बित्‍लै तैसे बहुतो लोकसबके सुसमाचार सुनैके मौका भेटलछै।

परेरित 13:1

एन्‍टिओखिया सहरके मन्‍डलीमे अगमबक्‍तासब आ सिक्‍छा दैबला लोकसब रहै। उसब बरनाबास, करिया कहाइबला सिमियोन, कुरेनीमे रहैबला लुकियस, रजा हेरोदेसङे पालन-पोसन भेल मनेन आ साउल रहै।

परेरित 7:38

मोसा उजार जगहमे अपनासबके पुरखासबसङे छेलै। ओते स्‍वरगदुत ओकरजरे सिनै परबतमे बोलल छेलै आ स्‍वरगदुतसे पाबल जिबित बचनसब इजराएलीसबके सुनेल्‍कै।

परेरित 5:20

“जो आ मन्‍दिरमे ठार भ्‍याके नया जिबन दैबला सब सन्‍देस लोकसबके सुना।”

परेरित 5:18

आ परेरितसबके पकैरके सारबजनिक इस्‍थानिय जहलमे राइखदेल्‍कै।

परेरित 2:47

आ परमेस्‍वरके परसन्‍सा करैक। औरो लोकसबसेहो ओकरासबके असल नजैरसे देखैक। तब उदार पाबैबलासबके समुहमे दिन-दिने परभु बिस्‍बासीसबके संख्‍या थैप दैछेलै।

युहन्‍ना 16:2

उसब तोरासबके सभाघरसबसे निकाइल देतौ। तोरासबके उपर अहिनङो समय एतौ, जे तोरासबके जानोसे मारैबला ‘परमेस्‍वरके सेबा करैचियै’ कैहके सोच्‍तै।

मतीके लिखल सुसमाचार 23:34

ओहैसे हम तोरासबके लग अगमबक्‍तासब, बुधिमान लोकसब आ धरमगुरुसब पठेबौ। तोरासबमेसे कतहेक गोरा ओइसबके मारबिही आ कतहेकके कुरूसमे लटकेब्‍ही आ कतहेक गोरेके सभाघरमे कोरासे पिटबिही आ एक सहरसे दोसर सहर तक खिहारबिही।

मतीके लिखल सुसमाचार 22:6

बाकी रहल लोकसब ओकर नोकरसबके पकैरके दुरबेबहार करल्‍कै आ जानसे माइरदेल्‍कै।

मतीके लिखल सुसमाचार 5:13

“तुसब पिरथिबीके नोन चिही, महज नोनके सबाद उइरजेतै त फेनो कोन चिजसे नोनगर हेतै? उ त काम नै लागैबला भ्‍याके फेकलजेतौ आ लोकसब ओकरा आपन टाङसे धाङै बाहेक औरो कोनो कामके नै हेतौ।

परेरित 7:54

स्‍तिफनसके बात सुइनके महासभामे बैठल लोकसब तामससे ओकरमे दाँत किरकिराबे लाग्‍लै।

परेरित 8:2

परमेस्‍वरके भक्‍तसब स्‍तिफनसके लहासके लज्‍याके गार देल्‍कै आ ओकरलेल बहौत सोक करल्‍कै।

परेरित 8:5

फिलिप सामरियाके एकटा सहरमे ज्‍याके येसुवे खिरिस्‍ट चियै कैहके परचार करे लाग्‍लै।

परेरित 13:36

“यि बात दाउद उ आपने बारेमे नै कहने रहै, कथिलेत ओकर जिबनमे परमेस्‍वरके इक्‍छा अनुसार काम कैरके उ मरलै आ आपन पुरखासब जरे गारलगेलै आ ओकर देह सैर गेलै।

परेरित 26:10

हम यरुसलेममे ओहै परकारसे बिरोध करलियै, मुख पुजारीसबके अखतियार पाइबके परमेस्‍वरमे बिस्‍बास करैबला लोकसबके जहलमे ढोकलियै आ जब ओइसबके मिरतुदन्‍ड दैछेलै त हमे ओइसबके बिरोधमे सहमति दैछेलियै।

रोमी 1:32

एहेन लोक मिरतुके योग्‍यके हैछै कैहके परमेस्‍वरके धारमिक नियम जानियोके उसब यि कामसब करैछै। ओतबे नै, वोहन काम करैबलासबके औरो उस्‍काबैछै।