परेरित 6:3 - मध्‍य पुरविया थारू

³ तहैले हौ भाइसब, तोरासबमेसे पबितर आत्‍मासे भरल, असल बुइधके आ आदर पाबैबला सातटा लोक छान जकरा अपनासब यि कामके जिम्‍मा देबै।

परेरित 6:3 Referans Kwoze

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

३ युहन्‍ना 1:12

डेमेतिरियसके बारेमे सबलोक असल गबाही दैछै आ उ सतमे चलैछै से बात ओकर जिबनसे सत आपनेसे साक्‍छी देनेछै। हम्‍हुसब ओहै बातके गबाही दैचियै आ तुसब जान्‍बे करैचिही कि, अपनासबके गबाही सत छै।

याकुब 1:17

सब असल आ सब सिध दान स्‍वरगसे आबैछै। यि बरदान इजोतके पितासे आबैछै। उ छाह जखा कहियो नै बदलैछै।

एफिसी 5:18

अङगुरके मधसे नै मात कथिलेत ओइसे जिबन नास हैछै, महज पबितर आत्‍मासे भरपुर रह।

१ कोरन्‍थी 16:3

जब हम एबौ त तोरासबके जम्‍मा करल भेटी यरुसलेममे लजाइके लेल तोरासबके चुनल लोकके हम सिफारिस कैरके पठ्‍यादेबौ

परेरित 22:12

“दमस्‍कसमे हननिया नामके एक गोरे हमरसे भेटघाट करैले एलै। उ मोसाके नियमके पालन करैबला धरमी लोक रहै आ दमस्‍कसमे रहैबला सब यहुदीसब ओकरा बहुत आदर करैतरहै।

परेरित 10:22

उसब जबाब देल्‍कै, “हमरासबके कप्‍तान करनेलियस पठाइनेछै। उ धरमी आ परमेस्‍वरके डर मानैबला लोक चियै। ओकरा यहुदियो जातीसब आदर करैछै। एकटा स्‍वरगदुतसे आदेस मिलल छै जे तोरा आपने घरमे बजाके तोहरसे उपदेस सुन्‍तौ।”

परेरित 6:6

तकरबाद उसब ओइलोकसबके परेरितसबके सामने आनल्‍कै आ परेरितसब ओकरासबके उपर आपन-आपन हाथ राइखके परथना करल्‍कै।

परेरित 2:4

तब उ सबगोरे पबितर आत्‍मासे भरलै आ पबितर आत्‍माके सक्‍तिसे उसब आन भसासबमे बोले लाग्‍लै।

परेरित 1:21

“अहै खातिर अपनासबमेसे एक गोरे ऐहन लोकके चुननाइ जरुरी छै जे परभु सङे रहैबला अपनोसबसङे रहै।

मतीके लिखल सुसमाचार 23:8

“तोरासबके कोइ गुरु नै कहौक कथिलेत तुसब त भाइ-भाइभैयारीसब चिही। तोरासबके एकेटा मातरे गुरु छौ।

१ कोरन्‍थी 12:8

ककरो पबितर आत्‍मासे बुधिके बात बोलैबला, ककरो ओह्‍या पबितर आत्‍मा ग्‍यानके बात बोलैबला बरदान दैछै।

परेरित 16:2

लुस्‍तरा आ आइकोनियाके बिस्‍बासीसबमे तिमोथीके असल लोकके रुपमे चिन्‍हैछेलै।

परेरित 15:23

उ चारु गोराके हाथे एहे चिठी पठाइल्‍कै: एन्‍टिओखिया, सिरिया आ किलिकियामे रहैबला, परभुमे बिस्‍बास करैबला औरो जातके साथीसङिसब, यि चिठी दुवारा हमरासबके परेरितसब आ धरमगुरुसबसे अभिबादन छै।

परेरित 9:30

महज यि बात जाइनके बिस्‍बास करैबला भाइ-भैयारीसब ओकरा कैसरिया सहरमे ल्‍यागेलै आ ओतेसे ओकर सहर टारससमे पठादेल्‍कै।

युहन्‍ना 21:23

येसुके यि बातसे उ चेला नै मरतै कैहके बिस्‍बासीसबके बिचमे हल्‍ला फैलगेलै। बास्‍तममे येसु उ चेला नै मरतै कैहके नै कहने छेलै, महज “यदी हम नै आबैतक उ जिबिते रहे कैहके हमर इक्‍छाछै त तोरा कि हैछौ?” कैहके कहने छेलै।

परेरित 1:15

ओइ दिनमे करिब एकसय बिस गोरा बिस्‍बासीसब एक ठाम जम्‍मा भेल छेलै तब पतरुस उसबके बिचमे ठडा भ्‍याके कहल्‍कै,

परेरित 6:2

तब बारहो बिस्‍बासीसबके बोल्‍याके कहल्‍कै, “परमेस्‍वरके बचनके सिक्‍छा दैले छोइरके खियाइ-पियाइमे लगनाइ अपनासबके उचित नै छै।

परेरित 6:5

यि बिचार सुइनके सबकोइके असल लाग्‍लै आ सबकोइ खुसी भेलै, उसबमेसे स्‍तिफनस जे पबितर आत्‍मा आ बिस्‍बाससे भरपुर छेलै आ फिलिप, परखरस, निकनोर, तिमोन, परमिनास आ पहिने एन्‍टिओखियाके यहुदी धरम मानैबला निकोलाउसके सेहो छानल्‍कै।

परेरित 28:14

ओते हमसब परभु येसुमे बिस्‍बास करैबला दाजु-भाइसबके भेटलियै। ओकरासबके अनुरोधमे हमसब हप्‍ता दिनतक ओतै रहलियै। अहिनङके हमसब रोममे आइबगेलियै।