परेरित 6:1 - मध्‍य पुरविया थारू

¹ जब बिस्‍बासीसबके संख्‍या बरहै छेलै, तब हिबरुसबके बिरोधमे गिरिक यहुदीसब बताबती करे लाग्‍लै, कथिलेत दिन-दिने खाइबला चिजसब बाँटै बखत ओइसबके बिधवासब आबसेक्‍ता बमौजी नै पाबैछेलै।

परेरित 6:1 Referans Kwoze

परेरित 4:35

आ परेरितसबके चरनमे राख दैछेलै, जकरा-जकरा जे-जे चिजके जरुरत परैछेलै से सब कोइके बाइट दैछेलै।

परेरित 2:41

तब जे-जे ओकर बातमे बिस्‍बास करल्‍कै, सेसब बप्‍तिस्‍मा लेल्‍कै आ ओहै दिन करिब तिन हजार लोक बिस्‍बासीसबके समुहमे थपेलै।

याकुब 5:9

हौ भाइ-भैयासब, एक-दोसरके बिरोधमे नै गनगनाइत रह, नै त तुसब दोसी ठहरबे। देख, नियाय करैबला देहरीएमे आइबगेलछौ।

परेरित 9:39

तब पतरुस उइठके ओइसबसङे गेलै। ओते पहुचलाके बाद उसब ओकरा उपरका कोठलीमे ल्‍यागेलै। बिधवासब ओकर लगमे ठार भ्‍याके काने लाग्‍लै आ डोरकसमे ओइसबसङे रहैत बखत बन्‍याल कुरता आ औरो बस्‍तरसब देखेल्‍कै।

परेरित 6:7

अहिनङ परमेस्‍वरके बचन पसरैत गेलै। यरुसलेममे बिस्‍बासीसबके संख्‍या बरहैत गेलै। पुजारीसब मेसे बहुत गोरे बचनके सुइकार कैरके परभुमे बिस्‍बास करल्‍कै।

परेरित 2:47

आ परमेस्‍वरके परसन्‍सा करैक। औरो लोकसबसेहो ओकरासबके असल नजैरसे देखैक। तब उदार पाबैबलासबके समुहमे दिन-दिने परभु बिस्‍बासीसबके संख्‍या थैप दैछेलै।

फिलिप्‍पी 3:5

जलम भेलाके आठम दिनमे हमर खतना भेलै। हम इजराएल जातिके, बेन्‍यामिन कुलके खाटी हिबरु चियै। बेबस्‍थाके बिसयमे कहबै त हम एक फरिसी चियै।

परेरित 11:20

ओइसबमेसे कोइ-कोइ साइपरस आ कुरेनीके लोकसब रहै। उसब एन्‍टिओखियामे आइबके औरो जातीके लोकसबके परभु येसुके सुसमाचार परचार करल्‍कै।

परेरित 9:41

पतरुस तबिताके हाथ पकैरके उठेल्‍कै। तब बिस्‍बासीसब आ बिधुवासबके बोलाइल्‍कै आ ओइसबके जिते छै कैहके देखेल्‍कै।

परेरित 9:29

तब उ गिरिक बोलैबला यहुदीसबसङे बताबती करैछेलै, महज उसब ओकरा मारैके कोसिस करै।

परेरित 5:14

तब परभुमे बिस्‍बास करैबला बहुत मरद आ जनिसबके भिर औरो बेसी बरहे लाग्‍लै।

परेरित 4:4

महज बचन सुनैबला बहौत लोकसब बिस्‍बास करल्‍कै आ बिस्‍बास करैबला मरद-पुरुख बैढके पाँच हजार भेलै।

हिबरु 13:1

एक दोसरके भाइ-भैयासब जखा परेम करैतरह।

२ कोरन्‍थी 11:22

कि उसब हिबरु चियै? हँ हम्‍हु चियै। कि उसब इजराएली चियै? हँ हम्‍हु चियै। कि उसब अबराहमके खानदानके चियै? हँ हम्‍हु चियै।

परेरित 2:45

उसब आपन धन-सम्‍पती आ घरदुवार बेचके जकरा-जकरा जै-जै चिजके जरुरत परैछेलै सबके उ बाइटदैछेलै।

मतीके लिखल सुसमाचार 23:13

“तोहे धरमगुरुसबके आ फरिसीसबके धिक्‍कार! तुसब कपटी चिही! कथिलेत तुसब स्‍वरगके राजके केबार खोलैबला कुजी त लेल्‍ही, महज नै अपने ढुकलिही नै दोसरके ढुकैले देल्‍ही।

याकुब 4:5

कि तुसब यि सम्‍झैचिही कि, पबितर धरमसास्‍तर बेरथमे एहेन कहैछै, “परमेस्‍वर अपनासबमे राइखदेने छै तै आत्‍माके लेल उ एकदमसे डाह करैछै?”

याकुब 1:27

परमेस्‍वर पिताके मनपरैबला साँचोके धरम-करम एह्‍या चियै दुखमे परल बिधुवा आ टुगर-टापरसबके देखभाल करनाइ आ सन्‍सारके अधलाह बातसे अलग रहनाइ चियै।

१ तिमोथी 5:9

साइठ बरिस पुगल आ घरबला परती बिस्‍बास योग्‍य रहल घरबालीके मातरे मन्‍डलीसे सहायता पाबैबलाके सुचिमे नाम लिख।

१ कोरन्‍थी 10:10

अपनासब गनगन नै कर जनङ ओइसबमेसे कतहेक गोरे करल्‍कै आ मिरतुके दुत ओइसबके नास करल्‍कै।

परेरित 5:28

“कि हम तोरासबके यि सिक्‍छा नै दैले करा आग्‍या देने नै छेलियौ, महज तुसब आपन सिक्‍छासे पुरे यरुसलेम भैरदेल्‍ही आ ओइ लोकके खुनके दोस हमरासबके उपर आनैले चाहैचिही।”

परेरित 6:2

तब बारहो बिस्‍बासीसबके बोल्‍याके कहल्‍कै, “परमेस्‍वरके बचनके सिक्‍छा दैले छोइरके खियाइ-पियाइमे लगनाइ अपनासबके उचित नै छै।

परेरित 11:26

जब बरनाबास टारससमे साउलके भेटलै तब ओकरा एन्‍टिओखियामे आनल्‍कै। उ दुनुगोरे पुरा एक बरिसतक ओतेका मन्‍डलीमे सङगती करैत रहलै। ओतेका बहौत लोकसबके सिक्‍छा देल्‍कै। सबसे पैहने एन्‍टिओखियामे खिरिस्‍टके बिस्‍बासीसबके इसाइ कहल्‍कै।

परेरित 11:29

तब अगाबसके भबिसबानी सुइनके परभुके बिस्‍बासीसब यहुदिया इलाकामे रहैबलासबके मदत करैके खातिर उसब जतहेक सक्‍तै ततहेक भेटी पठाइले बिचार करल्‍कै।

रोमी 12:7

जकरसङे सेबा करैबला बरदान छै त, उ सेबाके काम करे, जकरसङे सिक्‍छा दैबला बरदान छै त, उ निकसे सिक्‍छा दैबला काम करे।

१ तिमोथी 5:3

जे मसोमातनीके कोइ नै छै, ओकरासबके देखभाल कर।