परेरित 5:32 - मध्‍य पुरविया थारू

³² यि सब बातसबके हमसब साक्‍छी चियै आ परमेस्‍वर आपन आग्‍यापालन करैबलासबके देल पबितर आत्‍मा सेहो साक्‍छी दैछै।”

परेरित 5:32 Referans Kwoze

परेरित 1:8

महज पबितर आत्‍मा तोरासबके उपर एतौ तब तुसब सक्‍ती पाबबिही आ यरुसलेममे, सरा यहुदिया इलाकामे, सामरिया इलाकामे आ पिरथिबीके अन्‍ततक हमर साक्‍छी हेब्‍ही।”

१ पतरुस 1:12

तै बखत अगमबक्‍तासबके करलहा यि सेबा ओइसबके फाइदाके खातिर नै महज तोरेसबके खातिर चियौ कैहके परमेस्‍वर ओइ अगमबक्‍तासबके देखाइने छेलै। यि बात स्‍वरगसे पठेल्‍हा पबितर आत्‍माके सक्‍तीसे सुसमाचार सुनाबैबला दुवारा अखैन तोरासबके घोसना करनेछौ। यि बात स्‍वरगदुतोसब जानैले चाहैछै।

परेरित 13:31

गालिल इलाकासे ओकरसङे यरुसलेममे एल्‍हासब लग बहौत दिनतक ओकर देखाब दैत रहलै। अखुन्‍तो उसब इजराएलके लोकसबलग ओकर साक्‍छी छेबेकरै।

परेरित 5:29

महज पतरुस आ परेरितसब जबाब देल्‍कै, “हमसब लोकसबके नै महज परमेस्‍वरके आग्‍यापालन करैये परतै।

परेरित 15:28

पबितर आत्‍मा आ हमरासबके यि उचित लाग्‍लै कि पालन करैबला मुख बातके अलाबा औरो कोनो बोझ नै हेबे।

परेरित 2:4

तब उ सबगोरे पबितर आत्‍मासे भरलै आ पबितर आत्‍माके सक्‍तिसे उसब आन भसासबमे बोले लाग्‍लै।

युहन्‍ना 7:39

येसु यि बात पबितर आत्‍माके बारेमे कहने छेलै, जे पबितर आत्‍मा ओकरमे बिस्‍बास करैबलासब पाबैले लागलछेलै। ओइ बखत तक परमेस्‍वर पबितर आत्‍माके नै पठेने छेलै, कथिलेत येसु आपन स्‍वरगके महिमामे घुइमके नै गेलछेलै।

२ कोरन्‍थी 13:1

हम तेसर बेर तोरासबलग आइबरहल चियौ। पबितर धरमसास्‍तर अनुसार, “दुइ वा तिन साक्‍छीसबके कहल बातसे मातरे कोनो बात सत कैहके साबित हैछै।”

परेरित 10:44

पतरुस बाजते खिना बचन सुनैबला सबके उपर पबितर आत्‍मा एलै।

परेरित 2:32

“अहै येसुके परमेस्‍वर जिबित करल्‍कै। यि हम सबकोइ अकर साक्‍छी चियै।

रोमी 8:16

हमसब परमेस्‍वरके बेटा-बेटी चियै कैहके पबितर आत्‍मा स्‍वयम आपनेसे अपनासबके आत्‍माके गबाही दैछै।