परेरित 5:2 - मध्‍य पुरविया थारू

² आ घरबालीके सहमतमे जमिन बेचल्‍हा कुछ पैसा आपनसङे राखल्‍कै आ औरो बाकी पैसा आइनके परेरितसबके अगा राइख देल्‍कै।

परेरित 5:2 Referans Kwoze

परेरित 4:37

उ आपन जमिन बेचल पैसा परेरितसबके चरनमे राइखदेल्‍कै।

परेरित 5:3

तब पतरुस कहल्‍कै, “ऐ हननिया, पबितर आत्‍मा सङे कथिले झुठ बोलैचिही, जमिन बेचलहा कन्‍हिक हिस्‍सा आपनसङे राखबै से बात सैतान कनङके तोहर मनमे भोइर देल्‍कौ?

युहन्‍ना 12:6

उ गरिबसबके वास्‍ता करैबला भेलासे एहेन नै कहने छेलै कथिलेकी उ चोर छेलै आ पैसाकौरीके बटुवा ओह्‍या राखैछेलै आ ओहैमेसे उ चोराइ छेलै।

मतीके लिखल सुसमाचार 23:5

सबकाम उ सब देखाबैके लेल मातरे करैछै। उसब आपन हाथमे आ कपारमे बेबस्‍थामे लिखल बातसब जन्‍तरमे राइखके बान्‍हैछै आ आपन बस्‍तरमे लाम-लाम फुदनासब लगाके पिन्‍हैछै।

१ तिमोथी 6:10

कथिलेकी सब परकारके खराबी के जैर रुपैया-पैसाके मोह चियै। कतहेक गोरा अकर पछा लाइगके बिस्‍बाससे पछा हैट गेलछै आ उसब आपन उपर दुख कस्‍ट लाबने छै।

फिलिप्‍पी 2:3

आपन मातरे भलाइ नै खोज आ अहङकारमे कुछ नै कर, महज नमर्‌तामे एक दोसरके आपनसे बरका ठान।

परेरित 2:44

सब बिस्‍बासीसब एके ठाम रहैत रहै आ ओइसबके सब चिज सझिया रहै।

परेरित 5:1

हननिया नामके कोनो एक आदमी आ ओकर घरबाली सफिरा सल्‍लाह कैरके आपन जमिन बेचल्‍कै,

परेरित 5:8

तब पतरुस ओकरा पुछल्‍कै, “हमरा कह, तुसब जमिन ओतबेहेकमे बेच्‍नेचिही त?” तब उ कहल्‍कै, “हँ ओतबेहेकमे।”