परेरित 4:36 - मध्‍य पुरविया थारू

³⁶ जनङ साइपरस देसके लेबी खानदानके योसेफ, जकरा परेरितसब बरनाबास कैहके नाम राखनेरहै (जकर अरथ उत्‍साह दैबला लोक हैछै)।

परेरित 4:36 Referans Kwoze

गलाती 2:13

औरो यहुदीसब पतरुसे जखा कपटी बेबहार देखाइल्‍कै। ओकरासबके बेबहार देखके बरनाबासो बहैक गेलै।

गलाती 2:9

याकुब, पतरुस आ युहन्‍ना, जेसब मन्‍डलीके खम्‍हासब मानल छेलै, उसब हमरा परमेस्‍वरके देल अनुगरहके पहिचान करल्‍कै। उसब बरनाबास आ हमरा संगतीके लेल देहना हाथ बनाइल्‍कै। बरनाबास आ हम गैर-यहुदीसबके बिचमे आ उसब यहुदीसबके बिचमे काम करैले सहमत भेलियै।

गलाती 2:1

चौद बरिसके बाद हम बरनाबाससङे तितसके ल्‍याके फेनो यरुसलेम गेलियै।

परेरित 15:39

ओहै बातमे पावल आ बरनाबासके अतहेक मनमोटाब भेलै कि बादमे उसब अलग-अलग भ्‍यागेलै। बरनाबास मरकुसके साथमे ल्‍याके साइपरस टपु दिसन गेलै।

१ कोरन्‍थी 9:6

कि हमरा आ बरनाबासके मातरे पेट पालैके लेल काम करैले परतै?

परेरित 21:16

कैसरियाके कुछ बिस्‍बासीसब सेहो हमरासबकेसङे एलै। उसब हमरासबके साइपरसके एक गोरा पुरान चेला मनासोनके घरमे ल्‍यागेलै।

परेरित 15:37

बरनाबास मरकुस कहाइबला युहन्‍नाके ओइसबके सङे लजाइले इक्‍छा करल्‍कै, जकर नाम मरकुस रहै।

परेरित 12:25

अने बरनाबास आ साउल यरुसलेममे सहयोग करैबला काम पुरा कैरके घुइम एलै। ओकरासबके सङे मरकुस कहाइबला युहन्‍नोके आनल्‍कै।

परेरित 11:30

अहिनङे उसब उठेल्‍हा पैसा बरनाबास आ साउलके हाथे यरुसलेम मन्‍डलीके रेखदेख करैबलासबके पठादेल्‍कै।

परेरित 15:12

सभाके सबलोक चुप भेलै जब बरनाबास आ पावल ओइसबके परमेस्‍वर केहन-केहन आस्‍चरजके चेन्‍हा आ कामसब गैर-यहुदीसबके बिचमे ओइसबसे करने छै कहल्‍कै।

परेरित 15:2

तब पावल आ बरनाबासके ओइसबसङे बहौत कहा-कही आ झगरा भेलाके बाद ओतेका बिस्‍बासीसब यि सबालके खातिर सरसल्‍लाह करैले पावल आ बरनाबास आ औरो लोकसबके परेरितसब आ मन्‍डलीके रेखदेख करैबलासब लग यरुसलेम पठाइले निरनय करल्‍कै।

परेरित 9:27

महज बरनाबास साउलके आपनसङे परेरितसब लग ल्‍याके गेलै। तब साउल रस्‍तामे परभुके देखल आ परभु ओकरसङे बोलल आ दमस्‍कसमे साहसके साथ येसुके नाममे परचार करलहा बातसब ओइसबके कैहदेल्‍कै।

मरकुस 3:17

जब्‍दियाके बेटासब याकुब आ युहन्‍ना, जैसबके उ बोअनरगेस, अरथात मेघ गरजनके बेटासब कैहके नाम देल्‍कै।

परेरित 13:1

एन्‍टिओखिया सहरके मन्‍डलीमे अगमबक्‍तासब आ सिक्‍छा दैबला लोकसब रहै। उसब बरनाबास, करिया कहाइबला सिमियोन, कुरेनीमे रहैबला लुकियस, रजा हेरोदेसङे पालन-पोसन भेल मनेन आ साउल रहै।

परेरित 13:2

एक दिन उसब उपासे रैहके परभुके आराधना करैबखत पबितर आत्‍मा कहल्‍कै, “सुन, जै कामके खातिर हम तोरासबके बोलाइने चियौ, ओहै कामके खातिर बरनाबास आ साउलके चुन।”

परेरित 13:4

बरनाबास आ साउलके पबितर आत्‍मा पठेलाके कारन उसब एन्‍टिओखियासे सिकुलिया सहरमे गेलै। ओतेसे उसब समुन्‍दरके यातरा पार कैरके साइपरस टपुमे गेलै।

परेरित 13:15

मोसाके देल बेबस्‍था आ अगमबक्‍तासबके लिखल किताब पढ़लाके बाद, सभाघरके अगुवासब पावल आ बरनाबासके बोल्‍याके कहल्‍कै, “हे यौ भैयारीसब! यदी अहाँसबसे लोकसबके साहसके खातिर कुछो कहैले चाहैचियै त, कहु।”

परेरित 21:3

जाइते जाइते साइपरस देखा परलै आ ओकर दछिन कातसे सिरिया परदेस हैत हमसब टुरोस सहरमे एलियै। ओतै जहादसे मालसमान उतारल्‍कै आ हम्‍हुसब उतरलियै।

परेरित 27:4

ओतेसे फेनो हमसब पानी जहादमे चललियै आ हबा उलटाकातसे बहैके कारन हमसब साइपरस टपुके सहारा लैत गेलियै।

१ कोरन्‍थी 14:3

महज जे अगमबानी बोलैछै, उ दोसर लोकसबके आत्‍मिक रुपमे बौकार बनाबैछै, हौसला दैछै आ सान्‍तबना दैछै।

कलस्‍सी 4:10

हमरे सङे जहलमे रहलहा अरिस्‍तारखस तोरासबके गोरलगी पठाइनेछौ। बरनाबासके नातामे परैबला मरकुस सेहो गोरलगी पठाइनेछौ। ओकर बारेमे पहिने हम तोरासबके कैहदेनेचियौ, उ एतौ त असलसे स्‍वागत करिहे।