परेरित 4:14 - मध्‍य पुरविया थारू

¹⁴ महज ओहैसबसङे नेङर लोक ठारभेल देखके उसब कुछो नै बाजे सक्‍लै।

परेरित 4:14 Referans Kwoze

परेरित 19:36

तोरासबके थाहे छौ कि यि बात सत चियै, तैल्‍याके तुसब सान्‍त हो आ बेकारके कामसब नै कर।

परेरित 4:21

ओइसबसङे सजाय दैके कोनो उपाय नै भेलासे डर-धम्‍की द्‍याके छोइरदेल्‍कै, कथिलेत जे घटना घटल छेलै ओइ घटनाके खातिर सब लोकसब परमेस्‍वरके परसन्‍सा करैतरहै।

परेरित 4:16

“यि लोकसबके आब अपनासब कथी करबिही? साच्‍चोके यीसब अच्‍चमके काम करने छै, से बात यरुसलेमके सब लोकसब जानैछै आ आब अपनासबके इन्‍कार करे नै सकबिही।

परेरित 4:10

तौरौरके सबकोइ आ इजराएलके सब लोकसबके थाह हेबे, कि तोरेसबके अगा येसुके कुरूसमे लटकेल्‍कै आ परमेस्‍वर मरलसे जिबित करल्‍कै, ओह्‍या नासरतके येसु खिरिस्‍टके नाममे यि लोक तोरासबके अगामे निक भ्‍याके ठारभेल छौ।

परेरित 4:13

जब उसब पतरुस आ युहन्‍नाके निडर भ्‍याके बाजैत देखल्‍कै आ यि बुझल्‍कै कि यीसब कम परहल-लिखल आ सधारन लोक चियै से देखके उसब छक परलै। तब उसब येसु सङे रहै से थाह पाबल्‍कै।

परेरित 4:15

अहैले उसब पतरुस आ युहन्‍नाके महासभासे बाहर निक्‍लैले आग्‍या करल्‍कै, तब उसब आपनमे बात-चित करल्‍कै,