परेरित 3:20 - मध्‍य पुरविया थारू

²⁰ आ परमेस्‍वर तोरासबके खातिर पैहनैयेसे छानल खिरिस्‍ट अरथात येसुके पठादेतौ।

परेरित 3:20 Referans Kwoze

परकास 1:7

देख, उ बादलमे आइबरहलछै आ हरेक लोक ओकरा देख्‍तै, उहोसब देख्‍तै जेसब ओकरा भालासे भोक्‍ने छेलै। सन्‍सारके सब जातीके लोक ओकर कारन बिलाप करतै। पक्‍का ओहिने हेतै। आमेन!

२ थेसलोनिकी 2:8

उ ब्‍यबस्‍था भङ करैबला लोक परकट हेतै। जकरा परभु येसु आपन मुहके एक साँसमे नास करतै। परभु येसुके आपन आगमनके चमकके तेजसे ओकरा नास करतै।

२ थेसलोनिकी 2:2

अपनासबके परभु आबैबला दिन भेलौ कहतौ त तुसब नै घबरा आ भरममे नै पर। ओइ दिनके बिसयमे कोइ अगमबानीसे, कोइ बोलिसे आ कोइ-कोइ हमरेसब जखा लिखल चिठीसे भरममे पारैले खोज्‍तौ तैयो बिस्‍बास नै करिहे।

लुका 19:11

लोकसब यि बात सुन्‍ते खिना येसु एकटा खिसा सुनाबे लाग्‍लै। तै बखत उ यरुसलेमके लग रहै, तब लोकसब परमेस्‍वरके राज जल्‍दीए आबेलागल छै से समझने रहै।

हिबरु 9:28

ओहिनङे बहुतो लोकके पाप छमाके लेल खिरिस्‍ट एकेबेर बली भेलै। उ दोसर बेर एतै त, ओइ बखत पाप छमाके लेल नै एतै, महज ओकरासबके मुक्‍तीके लेल एतै जेसब ओकर बाट ताकैत असियाल रहतै।

परेरित 17:31

कथिलेत सन्‍सारके सब लोकसबके नियाइ करैके दिन उ तोइकदेने छै। ओइ दिन परमेस्‍वर आपनेसे छानल लोकसे सन्‍सारके उचित नियाय करतौ। ओइ लोकके नियाइ करैके अधिकार छै से परमान लोकसबके देबेखातिर परमेस्‍वर ओकरा मरलसे जियाइल्‍कै।”

लुका 21:27

तकरबाद मानब पुतरके सक्‍ती आ महामहिमासङे बादलमे आबैत उसब देख्‍तौ।

मरकुस 13:26

तकरबाद लोकसब मानबके बेटाके सक्‍ती आ महिमासङे बादलमे आबैत देखतै।

मतीके लिखल सुसमाचार 24:3

येसु जैतुन पहारमे बैठलबखत ओकर चेलासब आइबके चुपेसिना पुछल्‍कै, “गुरु जी, हमरासबके कहु यि बातसब कहिया हेतै? अपने दोसर बेर एबै से आ यि युगके अन्‍त हैबला चेन्‍हा कथी रहतै।”

मतीके लिखल सुसमाचार 16:27

कथिलेत जब मानबके बेटा आपन पिताके महिमामे स्‍वरगदुतसबके सङे एतै तब ओइ बखत सब लोकसबके आपन-आपन काज अनुसारके इनाम देतौ।

परेरित 3:19

तै खातिर तुसब पस्‍चाताप कर आ आपन मन बदल जैसे तोरासबके पाप मेटाबे आ परमपरभुसे आनन्‍दके समय आबे,

परेरित 3:21

परमेस्‍वर पहिनेसे आपन पबितर अगमबक्‍तासबके मुहसे बोलल्‍हा सब चिजके पुनरअस्‍थापन हैबला बखत नै आबेतक खिरिस्‍टके स्‍वरगमे रहेपरतै।