परेरित 28:15 - मध्‍य पुरविया थारू

¹⁵ परभुमे बिस्‍बास करैबला रोमके बिस्‍बासीसब जब हमरासबके आबैके खबर सुनल्‍कै तब उसब हमरासबके भेट करैले रोमसे अप्‍पियस बजार आ तिन-पाटी तक एलै। ओइसबके देखके पावल परमेस्‍वरके धन्‍यबाद देल्‍कै आ साहस पाबल्‍कै।

परेरित 28:15 Referans Kwoze

हिबरु 13:3

तुसब आपने जहलमे परल जखा जहलमे परलहासबके तुसब वास्‍ता कर। आपने दुख भोगल जखा अतियाचारमे परलहासबके याद कर कथिलेकी तुहुसब सरिरमे चिही।

रोमी 15:24

ओहैसे हम इस्‍पेन परदेस जाइबखत बाटेमे तोरासबके भेटैके आसा करनेचियौ आ कुछ समय तोरासबसङे बिताबैके इक्‍छा करनेचियै। तब हमरा तुसब इस्‍पेन परदेस जाइले सहायता करबिही से आसा हम करनेचियौ।

गलाती 4:14

ओइ बखत हम बिमार छेलियौ त तोरासबके दिकत भेलछेलौ, तैयो तुसब हमरा छि-छि आ दुर-दुर नै करलिही। महज उन्‍टे तुसब त परमेस्‍वरके एकटा दुत आ खिरिस्‍टे जखा हमरा स्‍वागत करलिही।

परेरित 21:5

जब जाइबला समय आइबगेलै तब हमसब बिदा भ्‍याके आपन रस्‍तामे अगा बरहलियै। चेलासब आपन घरबाली आ बाल-बच्‍चाकेसङे हमरासबके अरियातैले नगर बाहरतक एलै। हमसब समुन्‍दरके पखामे ठेङहुनिया द्‍याके परथना करलियै।

परेरित 10:25

जब पतरुस भितर एलै तब करनेलियस ओकरसे भेट कैरके ओकर टाङमे निहुकके गोरलागल्‍कै।

युहन्‍ना 12:13

उसब खजुरके ठाइरसब ल्‍याके एहेन कहैत ओकरा भेटैले निकल्‍लै, “होसन्‍ना! धैन इजराएलके रजा! जे परमपरभुके नाममे आबैछै!”

१ थेसलोनिकी 3:7

ओहैसे हे हमर भाइसब, तोरासबके बिस्‍बासके असल खबर सुनैके कारन हमसब आपन सब दुख आ कस्‍टसबमे साहस पाबनेचियै।

२ कोरन्‍थी 2:14

परमेस्‍वरके धन्‍यबाद हेबे, उ अपनासबके खिरिस्‍टमे सबदिन बिजयके लेल चलाबैछै। ओकर ग्‍यानके गमक अपनासबसे हरेक जगहमे फैलाबैछै।

परेरित 1:15

ओइ दिनमे करिब एकसय बिस गोरा बिस्‍बासीसब एक ठाम जम्‍मा भेल छेलै तब पतरुस उसबके बिचमे ठडा भ्‍याके कहल्‍कै,

परेरित 10:23

यि बात सुइनके पतरुस ओइसबके भितर लज्‍याके स्‍वागत-सत्‍कार करल्‍कै। तकर बिहानके पतरुस उइठके ओहैसबसङे गेलै आ परभुमे बिस्‍बास करैबलामेसे कुछ लोकसब योप्‍पासे ओकरसङे गेलै।

परेरित 11:1

गैर-यहुदीके लोकसब परमेस्‍वरके बचनमे बिस्‍बास करल्‍कै से बात परेरितसब आ यहुदिया इलाकामे रहैबला परभुमे बिस्‍बास करैबला लोकसब सुनल्‍कै।

परेरित 11:12

कोनो सङका नै कैरके ओकरौरके सङे जाइले हमरा पबितर आत्‍माके अगुवाइ भेलै। यि छबो गोरा बिस्‍बासीसब सोहो हमरसङे गेल रहै आ हमरौरके सब गोरा करनेलियसके घरमे ढुक्‍लियै।

परेरित 12:17

पतरुस ओइसबके “चुप हो” कैहके हाथसे इसरा करल्‍कै आ परभु कनङ ओकरा जहलसे निकालल्‍कै से बात ओइसबके सुनाइल्‍कै। यि बात “याकुब आ ओकर दोसरो भाइसबके कहल्‍कै।” तब उ ओतेसे दोसर ठाम चैलगेलै।

परेरित 28:14

ओते हमसब परभु येसुमे बिस्‍बास करैबला दाजु-भाइसबके भेटलियै। ओकरासबके अनुरोधमे हमसब हप्‍ता दिनतक ओतै रहलियै। अहिनङके हमसब रोममे आइबगेलियै।