परेरित 27:11 - मध्‍य पुरविया थारू

¹¹ महज सेनाके कप्‍तान पावलके बात नै माइनके जहाद चलाबैबला आ जहादके मालिकके बातमे बेसीसे बिस्‍बास करल्‍कै।

परेरित 27:11 Referans Kwoze

हिबरु 11:7

बिस्‍बास करलाके कारनसे नोआ परमेस्‍वरके चेतावनीके सुनल्‍कै। कहियो नै देखल महज पाछु आबैबला घटनाके बारेमे परमेस्‍वर ओकरा कहने छेलै। नोआ परमेस्‍वरके बात माइनके काठके एकटा बरका पानी जहाज बनेल्‍कै आ ओइमे ढुइकके आपन परिबारके बचेल्‍कै। आपन बिस्‍बास दुवारा नोआ सन्‍सार गलत छेलै कैहके देखेल्‍कै तब उ बिस्‍बास दुवारा अपना धरमी लोक ठहरलै।

परेरित 27:21

जहादमेके लोकसब खाना नै खेने बहुतदिन भेल छेलै। ओइ बखत पावल ओइसबके कहल्‍कै, “हौ भाइ-भैयासब, अहाँसब हमर बात माइनके केरेटसे जहाद नै चलाइने रहतियै त नै यि बिपतमे एतियै, नै कोनो बिनासे हेतियै।

परकास 18:17

एके घरिमे ओकर सब धन-सम्‍पैत सखाप भ्‍यागेलै।” जहादके कप्‍तानसब, यातरीसब, जहाद चलाइबलासब आ समुन्‍दरमे काम कैरके आपन गुजारा करैबलासब दुरे ठार भेलै।

याकुब 3:4

तैहनङ कैरके बरका पानी जहादो तेज बहैबला हबासे चलैछै। तैयो जहाज चलाइबला ओकरा छोट पतबारसे जने भरा मन हैछै तने भरा घुम्‍याके लजाइले सकैछै।