परेरित 26:5 - मध्‍य पुरविया थारू

⁵ उसब हमरा बहुत पहिनेसे जानैछै आ यदी उसब चाहतै त यि बातके गबाही द्‍या सकैये कि हम आपन धरमके एकटा बहुत कटरबादी पन्‍थमे रैहके एक फरिसी जिबन बिताइने चियै।

परेरित 26:5 Referans Kwoze

परेरित 23:6

जब पावल ओइ महासभामे सदुकी आ फरिसी दलके लोकसब छै से थाह पाबल्‍कै तब जोरसे कहल्‍कै, “हौ भाइ-भैयारीसब, हम फरिसीके बेटा फरिसीये चियै। मरल लोकसब फेनो जिबित हैछै तैमे बिस्‍बास करलाके कारन हमर यि उपर मुदा चैल रहल छै।”

परेरित 22:3

तब पावल कहल्‍कै, “हम किलिकियाके टारसस सहरमे जलमल यहुदी चियै, महज हमर अहै यहुदी सहरमे गुरु जी गमलिएलके चरनमे सिक्‍छा-दिक्‍छा भेलै। हमसब पिते-पुरखासे मानैत ऐल धरमसास्‍तरके सिक्‍छा हम असलसे सिख्‍ने चियै। आइ अहाँसब परमेस्‍वरिय सेबा परति जतहेक उत्‍साह देखेने चियै, हम्‍हु ओतबेहेक उत्‍साह देखेने रहियै।

परेरित 24:5

कथिलेत यि कलह मचाइबला लोक चियै, सरा सन्‍सारके यहुदीसबमे हुलदङा मचाइते घुमैछै आ नासरी कहाइबला झुठा-पन्‍थके मुल अगुवा चियै।

परेरित 22:5

हमर कहल बातके मुल पुजारी आ अपनासबके महासभाके सदससब गबाही दैले सक्‍तौ। ओह्‍यासब हमरा दमस्‍कसमे रहैबला यहुदी भाइ-भैयारीसबके नामसे चिठी देल्‍कै आ ओइ चिठीमे हमरा परभु येसुमे बिस्‍बास करैबला सब लोकसबके पकरैके अधिकार मिलल छेलै। अहै खातिर ओइसबके झिझिरसे बान्‍हके यरुसलेममे आइनके सजाइ दियाइबै से सोइचके हम दमस्‍कस दिसन गेलियै।

परेरित 24:14

हँ, हम सुइकार करैचियौ कि, परभुके रस्‍तामे हम चलैचियै, जकरा उसब झुठा पन्‍थ कहैछै। हम आपन पुरखासबके परमेस्‍वरके आराधना करैचियै आ मोसाके देल बेबस्‍था आ अगमबक्‍ताके किताबमे लिखल बमौजी सब बातमे बिस्‍बास करैचियै।

परेरित 15:5

महज परभुमे बिस्‍बास करैबला फरिसी दलके कुछ लोक ठार भ्‍याके कहेलाग्‍लै, “गैर-यहुदीसबके यहुदी चलन अनुसार खतना करनाइ जरुरी छै आ ओइसबके आग्‍या देल जाय कि मोसाके नियम पालन करे।”