परेरित 26:4 - मध्‍य पुरविया थारू

⁴ “हम आपन जातीके बिच आपन देसमे आ यरुसलेममे आपन बचपन कनङके बितेलियै से बात यहुदीसब निकसे जानैछै।

परेरित 26:4 Referans Kwoze

गलाती 1:13

तुसब त जानैचिही, जखुन हम यहुदी धरम मानैछेलियै तै बखतके पहिन्‍का जिन्‍गीके बेबहार केहेन छेलै। कनङ हम परमेस्‍वरके मन्‍डलीके लोकसबके घोर अतियाचार करैछेलियै आ ओकरासबके नास करैले चाहैछेलियै।

२ तिमोथी 3:10

तु त हमर सिक्‍छा, हमर चरितर, हमर जिबनके लक्‍छ, हमर बिस्‍बास, हमर धिरज, हमर परेम आ हमर सहनसिलता देख्‍नेचिही।

फिलिप्‍पी 3:5

जलम भेलाके आठम दिनमे हमर खतना भेलै। हम इजराएल जातिके, बेन्‍यामिन कुलके खाटी हिबरु चियै। बेबस्‍थाके बिसयमे कहबै त हम एक फरिसी चियै।

परेरित 22:3

तब पावल कहल्‍कै, “हम किलिकियाके टारसस सहरमे जलमल यहुदी चियै, महज हमर अहै यहुदी सहरमे गुरु जी गमलिएलके चरनमे सिक्‍छा-दिक्‍छा भेलै। हमसब पिते-पुरखासे मानैत ऐल धरमसास्‍तरके सिक्‍छा हम असलसे सिख्‍ने चियै। आइ अहाँसब परमेस्‍वरिय सेबा परति जतहेक उत्‍साह देखेने चियै, हम्‍हु ओतबेहेक उत्‍साह देखेने रहियै।

परेरित 24:14

हँ, हम सुइकार करैचियौ कि, परभुके रस्‍तामे हम चलैचियै, जकरा उसब झुठा पन्‍थ कहैछै। हम आपन पुरखासबके परमेस्‍वरके आराधना करैचियै आ मोसाके देल बेबस्‍था आ अगमबक्‍ताके किताबमे लिखल बमौजी सब बातमे बिस्‍बास करैचियै।