परेरित 26:20 - मध्‍य पुरविया थारू

²⁰ पहिने दमस्‍कस आ यरुसलेममे तब सारा यहुदिया परदेसमे आ आनजातसबके सेहो हम ज्‍याके परचार करलियै कि आपन-आपन पाप माइनके पस्‍चाताप कैरके परमेस्‍वरमे बिस्‍बास करु आ आपन कामसबसे हिरदय परिबरतन भेल परमान देखाबैले सिखेलियै।

परेरित 26:20 Referans Kwoze

परेरित 3:19

तै खातिर तुसब पस्‍चाताप कर आ आपन मन बदल जैसे तोरासबके पाप मेटाबे आ परमपरभुसे आनन्‍दके समय आबे,

मतीके लिखल सुसमाचार 3:8

तुसब आपन आपन पाप माइनके पस्‍चाताप करनेचिही त, असल बेबहार कैरके देखा।

परेरित 2:38

पतरुस ओइसबके कहल्‍कै, “पस्‍चाताप कर आ तोरौरके पापसे छमा पाबैके खातिर येसु खिरिस्‍टके नाममे तोरौरके सबकोइ बप्‍तिस्‍मा ले, तोरासबके पबितर आत्‍माके बरदान पाबबिही।

परकास 2:5

अहैलेल तु कतहेक गिरल चिही, से याद कर। पस्‍चाताप कर आ पहिनेके करल जखा परेम कर। यदि तुसब पस्‍चाताप नै करबिही त, हम आइबके तोरासबके डैठ उ जगहसे हटादेबौ।

मतीके लिखल सुसमाचार 9:13

तुसब परभुके कहल बातके अरथ ज्‍याके सिख, ‘हम बैल भोग नै महज दया चाहैचियौ।’ कथिलेत हम धरमीसबके नै, महज पापीसबके बोलाइले एलचियौ।”

परकास 3:3

अहैलेल तु जे सिक्‍छा सुनने आ सिखनेचिही ओकरा याद कर। उ बातमे लागल रह आ पापसे पस्‍चाताप कैरके मन परिबरतन कर। यदि तुसब जागल नै रहबिही त, हम चोर एल जखा सुटुकसे एबौ आ हम कोन घरी एबौ से तु थाह नै पाबबिही।

एफिसी 4:17

अहै खातिर हम परभुके देल अधिकारसे तोरासबके जोर द्‍याके कहैचियौ, आबसे तोरासबके चालचलन परमेस्‍वरके नै चिन्‍हैबलासब जखा नै हेबे। कथिलेत ओइसबके सोच-बिचार बेकार छै।

२ कोरन्‍थी 7:10

जे परमेस्‍वरके इक्‍छा सुइकार कैरके दुख मानैछै आ पस्‍चाताप करैछै, तकरा परमेस्‍वर बचेतै। एहेन किसिमसे दुखमे पछताइले नै परैछै। महज सन्‍सारके लोकसब जखा दुख मातरे करैछै त उ मिरतु दिसन लजाइछै।

१ थेसलोनिकी 1:9

कथिलेकी जब हमसब तोरासबलग एलियौ त तुसब कनङके हमरासबके स्‍वागत कैल्‍ही आ जिबित आ सत परमेस्‍वरके सेबा करैके लेल कनङके मुरतिपुजा करैले छोइरदेल्‍ही से बात त लोकसब आपने कहैछै।

२ कोरन्‍थी 3:16

महज जब कोनो लोक परभुमे बिस्‍बास करैछै तब उ समझ उघैर जाइछै।

रोमी 2:4

या कि तु परमेस्‍वरके महान किरपा, सहनसिलता आ धिरजके तुच्‍छ सम्‍झैचिही? परमेस्‍वर आपन किरपासे तोरा पापसे पस्‍चाताप करैके मौका देनेछौ से बात कि तोरा थाह नै छै?

परेरित 26:17

हम तोरा तोहर आपने जाती आ आन जातीसबसे बचाइबौ। हम तोरा गैर-यहुदीसब लग अइलेल पठारहल चियौ कि,

परेरित 20:21

हम यहुदीसब आ गिरिकसब पस्‍चाताप कैरके परमेस्‍वर दिसन घुमे आ अपनासबके परभु येसु खिरिस्‍टमे बिस्‍बास करे से बातके चेताइने चियै।

परेरित 17:30

अहैले पहिने अनजानमे करल कामके परमेस्‍वर धियान नै दैछै। महज आब परमेस्‍वर सब ठामके लोकसबके ‘आपन-आपन पाप माइनके पस्‍चाताव करै’ कैहके आग्‍या देने छै।

परेरित 15:19

“अहै खातिर हमर बिचार छै कि परमेस्‍वर दिसन घुइमके आबैबला आनजातसबके अपनासब दुख नै दहै,

परेरित 11:18

यि बात सुइनके परभुमे बिस्‍बास करैबला यहुदीसब पतरुसके दोस लगाइले छोइरदेल्‍कै आ परमेस्‍वरके परसन्‍सा करल्‍कै, “आब त परमेस्‍वर आनो जातीसबके पापसे पस्‍चाताप कैरके अनन्‍त जिबन पाबैके अबसर देने छै।”

परेरित 9:35

लुड्‍डा आ सारोनमे रहैबला सबलोक ओकरा देखके परभु येसुमे बिस्‍बास कैरके ओकर देख्‍याल रस्‍तामे चलेलाग्‍लै।

परेरित 9:15

महज परभु ओकरा कहल्‍कै, “जो, कथिलेकी साउल गैर-यहुदीसब, रजासब आ इजराएलीसबके सामने हमर नामके परचार करैबला उ हमर छानल लोक चियै,

लुका 15:10

हम तोरासबके कहैचियौ, अहिनङे पस्‍चाताव करैबला पापीके लेल स्‍वरगमे परमेस्‍वर स्‍वरगदुतसबके अगा खुसी मनाबैछै।”

लुका 15:7

हम तोरासबके कहैचियौ, अहिनङ पस्‍चाताव नै करैबला निनानब्‍बे धरमात्‍मासबमेसे आपन पाप माइनके पस्‍चाताव करैबला एक गोरे पापीके लेल स्‍वरगमे बेसी खुसी हैछै।”

लुका 13:5

हम तोरासबके कहैचियौ, नै! महज तुसब आपन पाप माइनके पस्‍चाताव नै करबिही त ओहिना तुहुसब नास हेब्‍ही।”

लुका 13:3

हम तोरासबके कहैचियौ, नै! महज तुसब आपन पाप माइनके पस्‍चाताव नै करबिही त ओहिनङके तोहेसब नास हेब्‍ही।

लुका 1:16

तब उ बहुत इजराएलीसबके आपन परभु परमेस्‍वरमे बिस्‍बास करैले घुम्‍याके लाबतै।

मरकुस 6:12

तब उसब निकैलके गेलै आ लोकसबके “पस्‍चाताव कर आ हिरदय बदल” कैहके परचार करे लाग्‍लै।

मतीके लिखल सुसमाचार 4:17

ओहै बखतसे येसु परचार करैत कहेलाग्‍लै, “पस्‍चाताप कर कथिलेत स्‍वरगके राज नजदिक आइब गेल्‍छौ।”

मतीके लिखल सुसमाचार 3:2

“आपन पापके खातिर पस्‍चाताप कर, कथिलेत स्‍वरगके राज लग आइब गेल्‍छौ।

परकास 16:11

तब उसबके घाँह-घौसके दुखसे स्‍वरगमे रहैबला परमेस्‍वरके सरापल्‍कै महज आपन करल पापसे पस्‍चताप करैले नै मानल्‍कै।

परकास 2:21

हम ओकरा पस्‍चाताप करैले समय देलियै महज उ आपन बेबिचारसे पस्‍चाताप करैले इन्‍कार करल्‍कै।

परेरित 26:19

“तहैलेल, हे रजा अगरिपास, हम स्‍वरगिय दरसनके आग्‍यापालन करलियै।