परेरित 26:16 - मध्‍य पुरविया थारू

¹⁶ आब उठ! आपन टाङ पर ठार हो, हम तोरा दरसन अइलेल देलियौ जे हम तोरा सेबक आ हमर गबाही दैबला लोक बनाबी आ जे कुछो हमर बिसयमे देखने चिही आ जे कुछो हम तोरा देखाइबौ ओकर तु साक्‍छी हेब्‍ही।

परेरित 26:16 Referans Kwoze

१ तिमोथी 1:12

हमर काममे हमरा बल दैबला अपनासबके परभु येसु खिरिस्‍टके हम धन्‍यबाद दैचियै, कथिलेकी हमरमे बिस्‍बास कैरके उ हमरा आपन सेबाके काममे छानल्‍कै।

गलाती 1:12

कथिलेकी हमरा यि कोनो लोकसे नै मिलल छै, नै यि हमरा सिखाइने छेलै, महज येसु खिरिस्‍ट आपनेसे हमरा परकट करने छै।

रोमी 15:16

आ हमरा गैर-यहुदीसबके सुसमाचार सुनाइले खिरिस्‍टके सेबक बनाइनेछै। जनङ पुजारी परमेस्‍वरके अगा मनपरैबला भेटी चरहाबैछै तहिनङे हम्‍हु पुजारीके सेबा पुरा करैचियै। गैर-यहुदीसबके परमेस्‍वर लग लाबैले आ उसब पबितर आत्‍मासे सुध भ्‍याके परमेस्‍वरके मनपरैबला भेटी हेबे कैहके हम परमेस्‍वरके सुसमाचार सुनाबैचियै।

कलस्‍सी 1:25

परमेस्‍वर हमरा तोरासबके भलाइके खातिर सेबक बनाइनेछै आ ओकर बचन पुरा-पुरी परचार करैके जिम्‍मा देनेछै।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

गलाती 2:2

हमरा ओते जाइले परतै कैहके परमेस्‍वरके देख्‍याल अनुसार हम ओते गेलियै। हम ओते रहैबखत मन्‍डलीके मुल अगुवा मानलसबके एकान्‍तमे भेटघाट करलियै आ जे सुसमाचार हम गैर-यहुदीसबके सुनाइने छेलियै से बात सहि छै कैहके ओकरासबके परस्‍ट बत्‍यादेलियै। नै त हमर करल आ कैररहल काम बेरथ हेतै।

परेरित 23:11

ओहै रात परभु पावलके लगमे खरा भ्‍याके कहल्‍कै, “पावल, साहस कर! कथिलेत जहिना यरुसलेममे हमर बारेमे गबाही देने छेल्‍ही तहिना तोरा रोममे सेहो गबाही दैले परतौ।”

२ तिमोथी 4:5

महज तु हर परिस्‍थितीमे सचेत रह, दुख उठा, सुसमाचार सुनाइबला काममे लागल रह आ आपन सेबाके काम-काज पुरा कर।

१ तिमोथी 4:6

यदी तु यि सिक्‍छा औरो बिस्‍बासी जनसबके सिखाइबिही त, तु पालन करैत एल सिदान्‍त आ बिस्‍बासके बचनमे बौकार भ्‍याके येसु खिरिस्‍टके असल सेबक हेब्‍ही।

१ थेसलोनिकी 3:2

आ तिमोथीके तोरासबलग पठेलियौ। उ हमरासबके भाइ आ परमेस्‍वरके सेबक चियै आ खिरिस्‍टके बारेमे सुसमाचार परचार करैछै। तोरासबके बिस्‍बासमे बलगर हैले आ हौसला दैकेलेल हमसब तोरासबलग ओकरा पठेलियौ।

कलस्‍सी 1:7

एह्‍या बात अपनासबके सङे-सङे सेबा करैबला इपाफरास तोरासबके सिखाइल्‍कौ। उ हमरासबके बदलामे तोरासबके बिचमे खिरिस्‍टके सेबा करैबला बिस्‍बासयोग्‍य भाइ चियै।

२ कोरन्‍थी 5:18

यि सब करैबला परमेस्‍वरे चियै, जे अपनासबके खिरिस्‍टसे आपनसङे मिलापमे आनल्‍कै। औरो लोकसबके ओकरसङे मेलमिलापमे लाबैबला काम अपनासबके देनेछै।

२ कोरन्‍थी 4:1

परमेस्‍वर दयालु भेलाके कारनसे यि सेबाके काम हमरासबके देनेछै। ओहै खातिर हमसब हरेस नै खाइचियै।

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

परेरित 22:10

हम कहलियै, ‘आब हम कथी करबै, परभु?’ परभु जबाब देल्‍कै, ‘उइठके दमस्‍कस सहरमे जो, ओतै तोरा परमेस्‍वरके खटेल्‍हा कामसबके बारेमे कहतौ।’

परेरित 21:19

पाबल ओइसबके गोरलगी करलाके बाद ओकर सेबकाइसे गैर-यहुदीसबके बिचमे सुसमाचार परचार करैबखत परमेस्‍वर केहन-केहन काम करल्‍कै, से सब बात ओकरासबके कहल्‍कै।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

परेरित 6:4

तब अपनासबके परथना आ परमेस्‍वरके बचनके सिक्‍छा दैबला काममे पुरा समय लागल रहबै।”

परेरित 1:25

आ उ यि सेबाके काम आ परेरितके सेबाके काम कैर सके, जे सेबाके कामसे यहुदा भटैकके आपने ठाममे मरलै।”

परेरित 1:17

उ हमरेसबसङे गनल गेलरहै आ अहै सेबाके लेल उ चुनलगेल छेलै।”

लुका 1:2

उसब जे सुरुवेसे बचनके साकछात साक्‍छी आ सेबकसब छेलै, यि बात उसब हमरासबके कहल्‍कै।

परेरित 26:15

तब हम पुछलियै, ‘परभु, अहाँ के चियै?’ परभु हमरा उतर देल्‍कै, ‘हम येसु चियै, जकरा तु सताबै चिही।

एफिसी 3:3

परमेस्‍वर आपन भितरी योजना हमरा परकट करने छै। अकर बारेमे हम तोरासबके पैहनिए छोटकरीमे लिखने चियौ।