परेरित 25:10 - मध्‍य पुरविया थारू

¹⁰ महज पावल कहल्‍कै, “हम कैसरके नियाइ-आसनके अगा खरा चियै। हमर नियाइ अतै होना चाही। अहाँके निकसे थाहछै कि हम यहुदीसबके बिरोधमे कोनो खराबी नै करनेचियै।

परेरित 25:10 Referans Kwoze

२ कोरन्‍थी 4:2

हमसब सब किसिमके घोसैरके करैबला सरमके कामसब त्‍यागनेचियै। हमसब धुर्‌त काम नै करैचियै नै त परमेस्‍वरके बचनके गलत हिसाबसे परयोग करैचियै। महज परमेस्‍वरके सामने हमसब खिरिस्‍टके बारेमे सत बात मातरे बोलैचियै, ताकि कोनो लोकसबके मनमे हमसब छल करैचियै कैहके दोस लगाइले नै पाबे।

परेरित 28:18

रोमीसब पुछताछ करलाके बाद हमरा छोरैले चाहल्‍कै कथिलेकी उसब हमरा मिरतुदन्‍ड दैले कोनो दोस नै भेटेल्‍कै।

परेरित 26:31

तब उसब निकलै बखत एकदोसरसे एहेन कहैत निकल्‍लै, “यि लोक त जहलमे ढोकाइबला या मिरतुदन्‍डके सजाय पाबैबला एहेन कोनो काम नै करने छै।”

परेरित 25:25

महज हम यि लोक मिरतुदन्‍ड पाबैके कोनो दोस नै भेटलियै। तब उ आपने रोमी समराट कैसर लग जाइले बिन्‍ती करलाके कारन हम ओकरा कैसर लग पठाबैके निरनय करलियै।

मतीके लिखल सुसमाचार 27:18

पिलातस के यि बात मालुम भेलै कि धरमगुरुसब ओकरसे डाह करैके कारन पकराइने छै।

परेरित 25:17

जब उसब अते हमरासङे एलै तब हम देर नै कैरके बिहान पावलके नियाइके अदालतमे हाजिर हैले आग्‍या देलियै।

परेरित 25:6

फेस्‍तस आठ-दस दिनतक उसबसङे यरुसलेममे रैहके कैसरिया घुइमके एलै। तब बिहानके नियाइ-आसनमे बैठके पावलके बोलाइले आदेस करल्‍कै।

परेरित 23:29

तब हमरा थाह भेलै कि ओइसबके धारमिक नियमके बारेमे अकरा दोस लगाइने छै महज मिरतुदन्‍ड दैके या बन्‍दी करैबला कोनो दोस हमरा नै भेटल।

मतीके लिखल सुसमाचार 27:19

पिलातस नियाय आसनमे बैठल छेलै, तखनिए ओकर घरबाली ओकरा एहेन कैहके खबर पठेल्‍कै, “ओइ निरदोस लोकके कुछो नै करियौ! कथिलेकी आइ रात हम सपनामे ओकरे कारन बहुत दुख काटलियै।”