परेरित 24:24 - मध्‍य पुरविया थारू

²⁴ कुछ दिनकेबाद फेलिक्‍स आपन यहुदी घरबाली दुरसिल्‍लाके ल्‍याके एलै। तब पावलके बोल्‍याके येसु खिरिस्‍टके बिस्‍बासके बारेमे ओकरसे सुनल्‍कै।

परेरित 24:24 Referans Kwoze

परेरित 20:21

हम यहुदीसब आ गिरिकसब पस्‍चाताप कैरके परमेस्‍वर दिसन घुमे आ अपनासबके परभु येसु खिरिस्‍टमे बिस्‍बास करे से बातके चेताइने चियै।

गलाती 2:16

तैयो लोक बेबस्‍था पालन कैरके धरमी नै ठहरैछै महज खिरिस्‍ट येसुमे भेल बिस्‍बास दुवारा धरमी ठहरैछै कहैबला बात जाइनके हमसब आपनेसे सेहो बेबस्‍थाके काम दुवारा नै बरु खिरिस्‍टके बिस्‍बास दुवारा धरमी ठहरलचियै कैहके येसु खिरिस्‍टमे बिस्‍बास करलियै कथिलेकी बेबस्‍थाके काम दुवारा कोइयो नै धरमी ठहरल जेतै।

परकास 14:12

अकर मतलब परमेस्‍वरके आग्‍यापालन करैबला आ येसुमे बिस्‍बास करैबला परमेस्‍वरके जनसब धिरज करेपरतै।

यहुदा 1:3

हे पिरिय भाइ-भैयासब, तोरासबके आ अपनासबके भेटल मुक्‍तीके बारेमे हमरा लिखैले बहौत बरका इक्‍छा छेलै, महज आब पबितर जनसबके सबदिनके लेल सोपल बिस्‍बासके रक्‍छा कर कैहके निबेदन करैले तोरासबके लिखैले हम आबसेक बुझलियै।

१ युहन्‍ना 5:1

जे कोइ येसुवे खिरिस्‍ट चियै कैहके बिस्‍बास करैछै, उ सबलोक परमेस्‍वरके बेटा-बेटी चियै। जे कोइ पिताके परेम करैछै से कोइ ओकर बेटाके सेहो परेम करैछै।

गलाती 3:2

हम तोरासबसे एकटा बात पुछैले चाहैचियौ, तुसब कनङके पबितर आत्‍मा पाबलिही? कि तुसब मोसाके बेबस्‍था पालन कैरके पबितर आत्‍मा पाबनेचिही? नै, महज तुसब सुसमाचार सुइनके बिस्‍बास करलासे पबितर आत्‍मा पाबनेचिही।

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

परेरित 26:22

महज आइके दिनतक हम परमेस्‍वरसे सहायता पाइबिये रहलचियै। अहै खातिर हम अते ठार भ्‍याके छोटका-बरका सबके गबाही दैचियै। अगमबक्‍तासब आ मोसाके कहल बचन अबस्‍य पुरा हेतै से बातसबके अलाबा हम कोनो बात बेसीसे नै कहनेचियै।

परेरित 16:31

तब उसब कहल्‍कै, “परभु येसुमे बिस्‍बास कर तब तु आ अहिनङ कैरके तोहर घर-परिबार उदार पाबतौ।”

लुका 23:8

येसुके देखके हेरोद एकदम खुसी भेलै। कथिलेत उ बहुत दिन पैहनैयेसे येसुके बारेमे सुनैत रहै आ ओकर आस्‍चरजके काम देखैले आस करने छेलै।

लुका 19:3

उ येसु के चियै कैहके देखैले चाहैछेलै। महज उ भुट हैके कारन लोकसबके भिरसे ओकरा देखैले नै सकैछेलै।

मरकुस 6:20

कथिलेत युहन्‍ना एक धरमी आ पबितर लोक चियै थाह पाइबके हेरोद ओकरसे डराइछेलै आ सुरक्‍छित राखने छेलै। युहन्‍नाके सिक्‍छा सुनैबखत उ बहुत घबराल छेलै महज तैयो ओकर बातसब धियान द्‍याके सुनैछेलै।

परेरित 24:25

जब पावल धरमी भ्‍याके काम करे परतै, आपन मनके बसमे राखे परतै आ आबैबला नियाइके बारेमे बोल्‍लै तब फेलिक्‍स डेरेलै आ कहल्‍कै, “अखुन जो, मौका मिल्‍तौ त हम फेनो तोरा बोलाइबौ।”