Biblia Todo Logo
Bib sou entènèt

- Piblisite -




परेरित 24:14 - मध्‍य पुरविया थारू

14 हँ, हम सुइकार करैचियौ कि, परभुके रस्‍तामे हम चलैचियै, जकरा उसब झुठा पन्‍थ कहैछै। हम आपन पुरखासबके परमेस्‍वरके आराधना करैचियै आ मोसाके देल बेबस्‍था आ अगमबक्‍ताके किताबमे लिखल बमौजी सब बातमे बिस्‍बास करैचियै।

Gade chapit la Kopi




परेरित 24:14
44 Referans Kwoze  

आ उ दमस्‍कसके सभाघरसबके नाममे पुरजी माङल्‍कै, चाहे उ मरद हेबे या जनि, परभुके बाटमे चलैबला ओइसबके पकैरके यरुसलेम आने सकि कैहके अधिकार माङल्‍कै।


महज अखुन बेबस्‍था पालन नै कैरके परमेस्‍वर लोकसबके धरमी ठहराइबला बाट देखाइनेछै। अकर बारेमे बेबस्‍थाके किताब आ अगमबक्‍तासब गबाही देनेछै।


तकरबाद उसब पावलके बात सुनैके लेल दिनके निस्‍चित करल्‍कै आ उ निस्‍चित करलाहा दिनमे पहिनेके दिनसे बेसी लोक पावल रहल ठाममे भेटैले एलै। उ ओइसबके अनगुतसे ल्‍याके साँझ पहरतक बतेल्‍कै आ परमेस्‍वरके राजके बारेमे गबाही देल्‍कै आ मोसाके बेबस्‍था आ अगमबक्‍ताके किताबसे येसुके बारेमे कैहके बिस्‍बासमे लाबैके कोसिस करल्‍कै।


अबराहम, इसहाक आ याकुबके परमेस्‍वर, अपनासब पुरखासबके परमेस्‍वर आपन सेबक येसुके महिमीत करल्‍कै, जकरा अहाँसब पकराइलियै आ पिलातस ओकरा छोइरदैके बिचार करल्‍कै तैयो अहाँसब ओकरा पिलातसके अगामे इन्‍कार करलियै।


महज आइके दिनतक हम परमेस्‍वरसे सहायता पाइबिये रहलचियै। अहै खातिर हम अते ठार भ्‍याके छोटका-बरका सबके गबाही दैचियै। अगमबक्‍तासब आ मोसाके कहल बचन अबस्‍य पुरा हेतै से बातसबके अलाबा हम कोनो बात बेसीसे नै कहनेचियै।


कथिलेत यि कलह मचाइबला लोक चियै, सरा सन्‍सारके यहुदीसबमे हुलदङा मचाइते घुमैछै आ नासरी कहाइबला झुठा-पन्‍थके मुल अगुवा चियै।


हम तोरा आपन परथनामे याद करैचियौ आ हम हरदम परमेस्‍वरके धन्‍यबाद दैचियै। जनङ हमर पुरखासब परमेस्‍वरके सेबा-टहल करने छेलै, तैहनङ हम्‍हु सुध बिबेकसे करैचियै।


रजा अगरिपास, कि अहाँ अगमबक्‍तासबमे बिस्‍बास करैचियै? हम जानैचियै कि अहाँ पक्‍का बिस्‍बास करैचियै।”


तब हम ओकरा आराधना करैले ठेङहुनिया देलियै महज उ हमरा कहल्‍कै, “तु एहेन नै कर। हम त तोहर आ तोहर भाइ-भैयासबसङे येसुके गबाही दैबला परमेस्‍वरके सेबक मातरे चियै। परमेस्‍वरके मातरे आराधना कर। कथिलेत जे कोइ परभु येसु खिरिस्‍टके गबाही दैछै ओकरा परमेस्‍वरसे अगमबक्‍तासबके हौसला दैछै।”


ओकरासबके भितरमे रहल खिरिस्‍टके आत्‍मा खिरिस्‍टके दुख भोगेपरतै आ पछा आबैबला महिमाके बारेमे पहिनेसे भबिसबानी करने रहै। तब उ समय कहिया आ कनङके एतै कैहके उसब खोज-तलास करने छेलै।


मन्‍डलीमे फुट आनैबलाके एक दुइ बेर चेता, यदी उ नै मानैछौ त ओकरसङे कोनो समबन्‍ध नै राख।


मुरतिपुजा, जादु-टोना, दुस्‍मनी, झै-झगरा, रिस, आरिस, आपने भलाइ नै सोच, मनमोटाब, गुटबन्‍दी,


तोरासबमेसे सत लोकसब चिन्‍हैके लेल तोरासबमे बेमेल होनाइ जरुरी छै।


परमेस्‍वर हमरसबके पितापुरखाके करल परतिग्‍यामे हम आसा राखलाके कारन आइ हम अहाँके अगा ठरा भेलचियै।


महज फेलिक्‍सके परभुके उ रस्‍ताके बारेमे निकसे जानकारी भेलाके कारन उ एहेन कैहके उसबके पठादेल्‍कै, “जबतक सेनापती लुसियस नै एतौ ताबेतक यि मुदाके फैसला नै हेतौ।”


तकरबाद उ हमरा कहल्‍कै, ‘अपनासबके पुरखाके परमेस्‍वर आपन इक्‍छा अहाँके बुझहाइले, आपन धारमिक सेबकके देखाबैले आ आपन मुहके बात सुनाबैले पहिनेसे अहाँके चुन्‍नेछै।


महज जब कोइ-कोइ थेथर भ्‍याके बिस्‍बास नै करल्‍कै आ लोकसबके सामने परभुके बाटमे चलैबलासबके बिरोध करे लाग्‍लै। तैल्‍याके पावल सभाघर छोइरके चैलगेलै आ कुछ बिस्‍बासीसबके साथमे ल्‍याके टुरान्‍नस नामके सिक्‍छा दैबला घरमे सबदिन बात-चित करे लाग्‍लै।


मोसाके देल बेबस्‍था आ अगमबक्‍तासबके लिखल किताब पढ़लाके बाद, सभाघरके अगुवासब पावल आ बरनाबासके बोल्‍याके कहल्‍कै, “हे यौ भैयारीसब! यदी अहाँसबसे लोकसबके साहसके खातिर कुछो कहैले चाहैचियै त, कहु।”


सब अगमबक्‍तासब येसुके बारेमे गबाही देनेछै, जे कोइ ओकर उपर बिस्‍बास करतै ओइसबके पाप ओकर नाममे छमा हेतै।”


‘हम तोहर पुरखासबके परमेस्‍वर- अबराहम, इसहाक आ याकुबके परमेस्‍वर चियौ।’ तब मोसा डरसे थरथर कापे लाग्‍लै आ ओकरा ओने ताकैके साहस नै भेलै।


हमरासबके पितापुरखाके परमेस्‍वर येसुके मरलसे जियाइल्‍कै, जकरा तुसब कुरूसमे लटकाके मारने छेल्‍ही।


तकरबाद फिलिप नथानेलके भेटके कहल्‍कै, “हमरासबके उ भेटलै जकर बारे धरमसास्‍तरमे मोसाके बेबस्‍था आ अगमबक्‍तासब सेहो लिखने छेलै। उ योसेफके बेटा नासरतके येसु चियै।”


आ कहल्‍कै, “तोरासबसङे रहैतकाल हमर बोलल्‍हा बचन एहा चियै, अरथात मोसाके बेबस्‍था, अगमबक्‍ताके किताबसब आ भजनसङगरहके किताबमे हमर बारेमे लिखलाहा सबबातसब पुरा हैए परतै।”


तब येसु ओइसबके मोसाके किताबसब आ सब अगमबक्‍तासबसे सुरु कैरके, धरमसास्‍तरमे आपन बारेमे लिखल सबबातसबके अरथ असलसे खोइलके बुझादेल्‍कै।


महज अबराहम कहल्‍कै, ‘ओकरौरके सङे मोसा आ अगमबक्‍तासबके लिखल पबितर धरमसास्‍तरसब छौ त, ओकरे मानतौ त नै हेतौ!’


“बप्‍तिस्‍मा दैबला युहन्‍नाके बखत तक मोसाके बेबस्‍था आ अगमबक्‍तासबके बातसबके परचार करल्‍कै। तहै बखतसे परमेस्‍वरके राजके सुसमाचार परचार भ्‍यारहलछै, तब सबलोक परमेस्‍वरके राज भितर बलपुरबक परबेस करैछै।


जहिनङ उ परापुरुवेकालसे आपन पबितर अगमबक्‍तासबके मुहसे बोल्‍नेछै,


पुरे बेबस्‍थाके आ अगमबक्‍ताके सिक्‍छाके मुल बात इहे दुइ आग्‍यासब चियै।”


“जे हमरा लोकसबके सामने परभु कैहके सुइकार करतै, तकरा हम्‍हु स्‍वरगमे रहैबला आपन पिताके सामने सुइकार करबै।


“लोकसब तोरासबसे जेहन बेबहार करे कैहके चाहैचिही त, तुहुसब ओइसबसे तहिना बेबहार कर, कथिलेत मोसाके बेबस्‍था आ अगमबक्‍तासबके सिक्‍छाके मुल बात एह्‍या चियै।


ओहै बखत “परभुके बाटके” बारेमे परचार भेलासे हुलदङा मच्‍लै।


महज परभुमे बिस्‍बास करैबला फरिसी दलके कुछ लोक ठार भ्‍याके कहेलाग्‍लै, “गैर-यहुदीसबके यहुदी चलन अनुसार खतना करनाइ जरुरी छै आ ओइसबके आग्‍या देल जाय कि मोसाके नियम पालन करे।”


तब पावल आपन पक्‍छमे बोले लाग्‍लै, “हम नै त यहुदी नियमके बिरोधमे, नै मन्‍दिरके बिरोधमे आ नै कैसरके बिरोधमे कोनो अपराध करनेचियै।”


“हम आपन जातीके बिच आपन देसमे आ यरुसलेममे आपन बचपन कनङके बितेलियै से बात यहुदीसब निकसे जानैछै।


महज हमसब अहाँके बिचार सुनैले चाहैचियै कथिलेत अहाँके दलके बिरोध सबदिसन भ्‍यारहल छै से हमसब जानैचियै।”


हम आपन पुरे मनसे परमेस्‍वरके बेटाके बारेमे सुसमाचार परचार कैरके सेबा करैचियै। हम आपन परथनामे तोरासबके सबदिन सम्‍झैचियौ से बातके साक्‍छी परमेस्‍वर आपने चियै।


Swiv nou:

Piblisite


Piblisite