परेरित 24:1 - मध्‍य पुरविया थारू

¹ पाँच दिनके बाद परधान पुजारी हननिया, कुछ अगुवासब आ तरतुल्‍लस नामके एकटा ओकिलके ल्‍याके कैसरिया सङे ओते एलै। तब उसब पावलके बिरोधमे हाकिमके अगा आरोप लगाइल्‍कै।

परेरित 24:1 Referans Kwoze

परेरित 24:11

हम यरुसलेममे परमेस्‍वरके आराधना करैले एल बारह दिनसे बेसियो नै भेल छै। अहाँ यि बात आपनोसे पता लगाबे सकैचियै।

परेरित 23:2

यि बात सुइनके परधान पुजारी हननिया ओकर लगमे ठारभेल लोकसबके आदेस दैत कहल्‍कै, “पावलके मुहमे थापर लगा।”

परेरित 25:2

ओते मुल पुजारीसब आ यहुदी अगुवासब पावलके बिरोधमे दोस लगाइल्‍कै,

परेरित 23:35

उ कहल्‍कै, “तोरा आरोप लगाइबलासब एतौ तब मातरे हम तोहर बात सुन्‍बौ।” तकरबाद उ पावलके हेरोदके दरबारमे पहरा द्‍याके राखैले आदेस देल्‍कै।

परेरित 23:30

जब हमरा यि लोकके मारैके योजनाके बारेमे थाह भेलै तब तुरन्‍त अकरा अहाँके लग पठाइलियै। तब अकरा दोसो लगाइबलासबके अहाँके अगा बयान दैले आदेस करनेचियै।”

परेरित 23:24

पावलोके लेल घोराके बन्‍दोबस करिहे आ ओकरा सुरक्‍छित साथ बडा-हाकिम फेलिक्‍स लग पहुचादैहिए।”

परेरित 21:27

जब सतमा दिन पुरा हेबे लागल रहै। तब एसिया परदेससे एल कुछ यहुदीसब पावलके मन्‍दिरमे देखल्‍कै तखुन्‍ते उसब लोकसबके भिरके भरकाइल्‍कै आ पावलके पकरल्‍कै।

१ कोरन्‍थी 2:4

हमर सिक्‍छा आ परचार घत लागैबला बुइधके बरका-बरका बातसब नै बाजलियै, महज पबितर आत्‍माके सक्‍तीके सबुत द्‍याके हम परचार करलियै,

१ कोरन्‍थी 2:1

हे हमर भाइ-भैयासब, हम तोरासबके लग परमेस्‍वरके बारेमे गबाही दैले आबैतखिना बरका-बरका बातसब आ बुइधके धाख नै देखेलियौ।

परेरित 25:15

जब हम यरुसलेम गेलछेलियै तब मुल पुजारीसब आ औरो यहुदी अगुवासब ओकर बिरोधमे दोस लगाइने रहै आ ओकरा दन्‍ड देबे परतै कैहके बिन्‍ती करने छेलै।

परेरित 12:21

तब तोकलहा दिनमे रजा हेरोद राजकिय बस्‍तर पिन्‍हके आपन सिंहासनमे बैठलै आ भासन देल्‍कै।

परेरित 23:33

जब उसब कैसरियामे पुग्‍लै तब बडा हाकिमके पतर सङे पावलके ओकर जिमामे सोइप देल्‍कै।

परेरित 24:2

तब पावलके बोलाइल्‍कै आ तरतुल्‍लस ओकरा आरोप लगाइले लाग्‍लै, “माननिय फेलिक्‍स, अहैके कारन हमसब अतहेक बरिससे सान्‍तीसे बैठे सकल चियै आ यि देसमे अहाँके बुइधसे बहुतो सुधारके कामसब भेल छै।