परेरित 22:4 - मध्‍य पुरविया थारू

⁴ परभुके बाटमे लागल लोकसबके सताइत-सताइत जानसे माइर दैछेलियै। हम्‍ही मरद आ जनी सबके पकैर-पकैरके ढोकैले लगाइ छेलियै।

परेरित 22:4 Referans Kwoze

१ कोरन्‍थी 15:9

हम परेरितसबमेसे सबसे तुच्‍छ चियै। हम परेरित कहैके योग्‍यके नै चियै कथिलेत हम परमेस्‍वरके मन्‍डलीके सताइने चियै।

फिलिप्‍पी 3:6

जोसके बिसयमे कहबै त मन्‍डलीके सताबैबला, धारमिकताके बिसयमे कहबै त बेबस्‍थामे भेल धारमिकतासे हम निस्‍खोट ठहरलचियै।

परेरित 24:14

हँ, हम सुइकार करैचियौ कि, परभुके रस्‍तामे हम चलैचियै, जकरा उसब झुठा पन्‍थ कहैछै। हम आपन पुरखासबके परमेस्‍वरके आराधना करैचियै आ मोसाके देल बेबस्‍था आ अगमबक्‍ताके किताबमे लिखल बमौजी सब बातमे बिस्‍बास करैचियै।

परेरित 19:23

ओहै बखत “परभुके बाटके” बारेमे परचार भेलासे हुलदङा मच्‍लै।

परेरित 19:9

महज जब कोइ-कोइ थेथर भ्‍याके बिस्‍बास नै करल्‍कै आ लोकसबके सामने परभुके बाटमे चलैबलासबके बिरोध करे लाग्‍लै। तैल्‍याके पावल सभाघर छोइरके चैलगेलै आ कुछ बिस्‍बासीसबके साथमे ल्‍याके टुरान्‍नस नामके सिक्‍छा दैबला घरमे सबदिन बात-चित करे लाग्‍लै।

परेरित 18:26

उ यहुदीसबके सभाघरमे निरधकसाथ सुसमाचार सुनाबे लाग्‍लै। ओकर सुसमाचार सुइनके पिरिस्‍किला आ अकिलास ओकरा आपन घरमे ल्‍यागेलै। ओते उसब परमेस्‍वरके मुक्‍तीके उपायके असलसे बखान कैरके बुझ्‍हा देल्‍कै।

परेरित 16:17

उ पावल आ हमरासबके पछा आइबके चिच्‍याबे लाग्‍लै, “यीसब सबसे महान परमेस्‍वरके सेबकसब चियै। यीसब, ‘कनङ तोरौरके उदार पाबबिही’ से बात तोरौरके कहतौ।”

परेरित 9:21

यि बात सुनैबला सबकोइ अच्‍चम मानैत कहेलाग्‍लै, “यरुसलेममे येसुके बिस्‍बास करैबलासबके सताबैबला एह्‍या नै चियै त? आ अतौ ओइसबके बाइन्‍हके मुल पुजारीलग लेजेबै कैहके आएल नै छै त?”

परेरित 7:58

उसब स्‍तिफनसके पकैरके सहरसे बाहर निकाइलके ल्‍यागेलै आ ओकरा पथल फेकके मारे लाग्‍लै। साक्‍छीसब आपन-आपन बस्‍तर साउल नामके एकटा छौराके टाङ लग राखने रहै।

गलाती 1:13

तुसब त जानैचिही, जखुन हम यहुदी धरम मानैछेलियै तै बखतके पहिन्‍का जिन्‍गीके बेबहार केहेन छेलै। कनङ हम परमेस्‍वरके मन्‍डलीके लोकसबके घोर अतियाचार करैछेलियै आ ओकरासबके नास करैले चाहैछेलियै।

२ पतरुस 2:2

बहुतो गोरे ओकरसबके निरलज चालचलन अपनाइतै आ ओइसबके कारन सत सिक्‍छाके बदनाम करतै।