परेरित 22:30 - मध्‍य पुरविया थारू

³⁰ तकर बिहानके यहुदीसब पावलके कथिले दोस लगारहलछै, से बातके पता लगाइले सेनापती चाहैछेलै। तै खातिर उ मुल पुजारी आ महासभाके सब सदससबके बोल्‍याके जम्‍मा हैले आदेस देल्‍कै आ पावलके लज्‍याके सबके अगा ठार करल्‍कै।

परेरित 22:30 Referans Kwoze

परेरित 23:28

हम जानैले चाहैचियै कि उसब कोन आरोपमे अकरा दोस लगारहलछै, तहैलेल हम ओइसबके महासभामे अकरा हाजिर करेलियै।

परेरित 21:33

सेनापती पावलके पकरल्‍कै आ दुइटा घुरीसे बान्‍हैले लगाइल्‍कै आ लोकसबके पुछल्‍कै, “यि लोक कथी करल्‍कै? यि लोक के चियै?”

परेरित 26:29

पावल उतर देल्‍कै, “एके रतिमे या बहुत देरमे हेबे, हम परमेस्‍वरसे परथना करैचियै कि हथकरी छोइरके, अहाँ मातरे नै बल्‍की उ सबगोरे जे आइ हमर बात सुनै छै, से सबगोरे हमरे जखा हेबे।”

परेरित 23:15

तै खातिर अहाँसब आ महासभा मिलके सेनापतीके निबेदन करु कि, ओकर मुदाके निरनय औरो निकसे करे परतै कैहके बहाना बनाके ओकरा अते आन। तब अते उ आबैसे पहिने हमसब ओकरा जानसे माइर देबै।”

परेरित 22:5

हमर कहल बातके मुल पुजारी आ अपनासबके महासभाके सदससब गबाही दैले सक्‍तौ। ओह्‍यासब हमरा दमस्‍कसमे रहैबला यहुदी भाइ-भैयारीसबके नामसे चिठी देल्‍कै आ ओइ चिठीमे हमरा परभु येसुमे बिस्‍बास करैबला सब लोकसबके पकरैके अधिकार मिलल छेलै। अहै खातिर ओइसबके झिझिरसे बान्‍हके यरुसलेममे आइनके सजाइ दियाइबै से सोइचके हम दमस्‍कस दिसन गेलियै।

परेरित 21:11

उ हमरासबके लग आइबके पावलके डारमे बान्‍हल गम्‍छा ल्‍याके आपन हाथ आ टाङ बान्‍हके कहल्‍कै, “पबितर आत्‍मा अनङ कहैछै, जकर यि गम्‍छा चियै, तकरा अहिना यरुसलेममे यहुदीसब बान्‍हतै आ आनजातके हाथमे सोइप देतै।”

परेरित 5:21

यि सुनलाके बाद उसब अनगुते मन्‍दिरमे गेलै आ उपदेस देबेलाग्‍लै। महज मुल पुजारी आ ओकरसङे रहैबलासब एलै, महासभामे भेल्‍हा सब इजराएलीसबके बोलाइल्‍कै आ परेरितसबके जहलसे लाबैले लोकसबके पठेल्‍कै।

मतीके लिखल सुसमाचार 27:2

तब उसब ओकरा बाइन्‍हके लगेलै आ बडा हाकिम पिलातसके जिमा लगादेल्‍कै।

मतीके लिखल सुसमाचार 10:17

महज लोकसबसे होसियार रह, कथिलेत उसब तोरासबके अदालतसबमे सोइप देतौ आ सभाघरसबमे लज्‍याके तोरासबके कोरासे पिटतौ।

मतीके लिखल सुसमाचार 5:22

महज हम तोरासबके कहैचियौ, जे कोइ आपन भाइसे करोध करैछै, उ सजायके भागिदार हेतै, जे कोइ आपन भाइके अपमान करैछै, ओकरा धारमिक महासभामे जबाब देबे परतै। महज जे कोइ आपन भाइके सराप दैछै, उ नरकके आइगमे खसै जोकरके हेतै।

परेरित 23:1

तब पावल महासभा दिसन एकटक लग्‍याके ताकल्‍कै आ कहल्‍कै, “हौ भैयारीसब, हम आपन सुध मनसे परमेस्‍वरके नजरमे आइके दिनतक निरदोस जिबन बिताइने चियै।”

परेरित 23:6

जब पावल ओइ महासभामे सदुकी आ फरिसी दलके लोकसब छै से थाह पाबल्‍कै तब जोरसे कहल्‍कै, “हौ भाइ-भैयारीसब, हम फरिसीके बेटा फरिसीये चियै। मरल लोकसब फेनो जिबित हैछै तैमे बिस्‍बास करलाके कारन हमर यि उपर मुदा चैल रहल छै।”

परेरित 23:20

उ जबाफ देल्‍कै, “बिहान यहुदीसब पावलके बारेमे सोधखोज करैके बहानामे महासभामे आनैले अहाँसङे बिन्‍ती करैले मेल करने छै।