परेरित 21:8 - मध्‍य पुरविया थारू

⁸ दोसर दिन बिहान बिदा भ्‍याके कैसरिया सहरमे एलियै आ सुसमाचार परचारक फिलिपके घरमे रहलियै। खाना बटैबला काममे परेरितसब सेबा करैले छानल्‍हा सात गोरे मेसे एकगोरा फिलिपो छेलै।

परेरित 21:8 Referans Kwoze

परेरित 6:5

यि बिचार सुइनके सबकोइके असल लाग्‍लै आ सबकोइ खुसी भेलै, उसबमेसे स्‍तिफनस जे पबितर आत्‍मा आ बिस्‍बाससे भरपुर छेलै आ फिलिप, परखरस, निकनोर, तिमोन, परमिनास आ पहिने एन्‍टिओखियाके यहुदी धरम मानैबला निकोलाउसके सेहो छानल्‍कै।

एफिसी 4:11

वह्‍या ककरो आपन परेरितसब, ककरो अगमबक्‍तासब, ककरो परचारकसब, ककरो मन्‍डलीके देख-भाल करैबला पास्‍टरसब आ ककरो सिक्‍छकसब नियुक्‍त करल्‍कै।

२ तिमोथी 4:5

महज तु हर परिस्‍थितीमे सचेत रह, दुख उठा, सुसमाचार सुनाइबला काममे लागल रह आ आपन सेबाके काम-काज पुरा कर।

परेरित 28:16

जब हमसब रोममे ढुकलियै, तब पावलके एक गोरा सिपाहीके रेखदेखमे असगरे रहैके अनुमति भेटलै।

परेरित 16:13

लदीके कातमे यहुदीसबके परथना करैबला ठाम हेतै से समैझके हमसब पबितर बिसरामके दिन ओते गेलियै तब ओते जम्‍मा भेल्‍हा जनिसबसङे बात-चित करे लागलियै।

परेरित 16:10

जब पावलके यि दरसन भेलै, तुरन्‍ते हमरौरके माकेडोनिया जाइले तैयार भेलियै। कथिलेत हमरौरके थाह भेलै कि ओतेका लोकसबके सुसमाचार परचार करैले परमेस्‍वर हमरौरके बोलाइनेछै।

परेरित 9:30

महज यि बात जाइनके बिस्‍बास करैबला भाइ-भैयारीसब ओकरा कैसरिया सहरमे ल्‍यागेलै आ ओतेसे ओकर सहर टारससमे पठादेल्‍कै।

परेरित 28:11

तिन महिना माल्‍टामे रहलाके बाद हमसब एकटा जहादमे चरहलियै जे जहाद जार मास ओतै बिताइने छेलै। उ जहाद अलेकजेन्‍डरियाके सहरके छेलै आ ओहैके अगिल्‍का भागके “जौवा देवताके” अकार बनाएल छेलै।

परेरित 27:1

जब हमसब पानी जहादसे इटालिया देस जाइले निरनय भेलै तब उबस पावलके औरो कैदीसबसङे समराट अगस्‍तसके सेनाके कप्‍तान युलियसके जिमा लग्‍यादेल्‍कै।

परेरित 23:23

तकरबाद सेनापती दुइटा कप्‍तानके बोल्‍याके कहल्‍कै, “आइ रातके न बजे दुइ सय सैनिकसब, सतरी गोरे घोडसबारसब आ दुइ सय भलाधारी सैनिकसबके कैसरिया जाइले तयार कैरके राख।

परेरित 20:13

तब हमसब पावलके छोइरके पैहनैये पानी जहादसे अस्‍सोस सहरमे गेलियै। पावलके अस्‍सोस सहर तक पैदल चैलके जाइले इछा करलाके कारन उ अपने आपके अस्‍सोस सहरमे मातरे पानी जहादमे चरहैके तालमेल मिलाइने छेलै।

परेरित 20:6

तब हमसब अखमिरी रोटी पाबैनके बाद फिलिप्‍पी सहरसे बिदा भ्‍याके पानी जहादके यातरा कैरके पाँच दिनमे तरोआस सहरमे पहुचलियै आ ओते हमसब सात दिनतक रहलियै।

परेरित 18:22

कैसरिया सहरमे आइबके पावल यरुसलेम गेलै तब ओतेका मन्‍डलीके बिस्‍बासीसबसङे भेटघाट करल्‍कै। तकरबाद फेनो एन्‍टिओखिया सहर ज्‍याके

परेरित 16:16

जब हमरौरके परथना करैबला ठाममे ज्‍यारहल छेलियै, तब रस्‍तामे एकटा नोकरनी छौरी हमरासबके भेटलै। ओकरा भबिसके बात बताबैबला भुत आत्‍मा लागल छेलै। उ लोकसबके भागके बात कैहके आपन मालिकसबके खातिर बहौत पैसा कमाके दैछेलै।

परेरित 10:1

कैसरियामे करनेलियस नामके एकटा लोक रहै, जे रोमी सेनामे इटालिया पल्‍टनके कप्‍तान रहै।

परेरित 21:16

कैसरियाके कुछ बिस्‍बासीसब सेहो हमरासबकेसङे एलै। उसब हमरासबके साइपरसके एक गोरा पुरान चेला मनासोनके घरमे ल्‍यागेलै।