परेरित 21:32 - मध्‍य पुरविया थारू

³² तब उ सेनापती तुरन्‍ते आपन कुछ सिपाही आ कप्‍तानसबके आपन सङमे लेल्‍कै आ दौरते लोकसबके भिर दिसन गेलै। लोकसब जब सेनापती आ ओकर सैनिक आ कप्‍तानसबके देखल्‍कै तब देखैत मातर पावलके मारपिट करैले छोइरदेल्‍कै।

परेरित 21:32 Referans Kwoze

परेरित 23:27

यहुदीसब यि लोकके पकरने छेलै आ ओकरा मारैले खोजल्‍कै। महज जब हम सैनिकसबजरे ओते गेलियै तब हम यि लोक रोमी नागरिक चियै से थाह पाबलियै आ हम ओकरा छोराके आनलियै।

परेरित 5:40

तब महासभाके सदससब गमलिएलके सल्‍लाह मानल्‍कै। तब उसब परेरितसबके भितर बोल्‍याके मारपिट करल्‍कै आ “येसुके नाममे नै बोलिहे” कैहके आग्‍या द्‍याके ओइसबके छोइरदेल्‍कै।

परेरित 24:6

यि लोक मन्‍दिरके असुध करैके कोसिस करैछेलै, महज हमसब एकरा पकरलियै। [हमसब आपन धारमिक नियम अनुसार फैसला कैरदेने रहतियै।

परेरित 22:19

तब हम परभुके जबाब देलियै, ‘यि बात अकरौरके थाहेछै जे हमसब सभाघरसबमे ज्‍या-ज्‍याके तोरा बिस्‍बास करैबलासबके पकैरके पिटै छेलियै आ जहलमे ढोइकके राखै छेलियौ।

परेरित 18:17

तब यहुदीसब सभाघरके सासक सोस्‍थेनेसके पकैरके कचहरीयेके अगा मार-पिट करल्‍कै। महज गलियोन देखियोके कोनो वास्‍ता नै करल्‍कै।

युहन्‍ना 18:12

तकरबाद सिपाहीसब आ ओकर कप्‍तान यहुदीसबके पहरेदारसब येसुके पकैरके उल्‍टा बान्‍ह बानहल्‍कै।