परेरित 20:7 - मध्‍य पुरविया थारू

⁷ जब हमसब हप्‍ताके पहिन्‍का दिनमे परभु-भोज खाइले जम्‍मा भेलियै। तब पावल बिहान सबेरे जाइके इक्‍छा करलाके कारन, उसबसङे बात-चित करैत-करैत अधा रात बित्‍लै।

परेरित 20:7 Referans Kwoze

१ कोरन्‍थी 16:2

हरेक हप्‍ताके पहिन्‍का दिन तुसब आपन-आपन कमाइ अनुसार कुछ अलग कैरके जम्‍मा करैतरह, ताकी हम तोहर लग एबौ त भेटी जम्‍मा करैले नै परे।

परेरित 2:42

उसब परेरितसबके उपदेस सुनैले, संगती, परभु भोज आ परथना करैले भक्‍तिसाथ लागल रहै।

युहन्‍ना 20:19

ओहै दिन अरथात हप्‍ताके पहिल्‍का दिनके साँझमे जब यहुदी अगुवासबके डरसे चेलासब केबार बन्‍द कैरके बैठल रहै, तब तखनिए येसु अनचेकेमे ओकरासबके बिचमे ठार भेलै आ ओकरासबके कहल्‍कै, “तोरासबके सान्‍ती!”

युहन्‍ना 20:1

रैबदिन मरियम मग्‍दलिनी भोरे चिहानमे एलै आ उ चिहानके मुहमे राखल पथल हट्‍याल देखल्‍कै।

परकास 1:10

परभुके दिनमे हम पबितर आत्‍मासे भरलछेलियै आ हमर पछा दिसन एकटा तुरहीके जखा अबाज हम अनङ कहैत सुनलियै।

परेरित 20:11

तकरबाद पावल उपरका कोठलीमे गेलै आ परभु भोज खेल्‍कै। उ बिहान तक ओइसबसे बातचित करल्‍कै आ ओतेसे बिदा भेलै।

परेरित 28:23

तकरबाद उसब पावलके बात सुनैके लेल दिनके निस्‍चित करल्‍कै आ उ निस्‍चित करलाहा दिनमे पहिनेके दिनसे बेसी लोक पावल रहल ठाममे भेटैले एलै। उ ओइसबके अनगुतसे ल्‍याके साँझ पहरतक बतेल्‍कै आ परमेस्‍वरके राजके बारेमे गबाही देल्‍कै आ मोसाके बेबस्‍था आ अगमबक्‍ताके किताबसे येसुके बारेमे कैहके बिस्‍बासमे लाबैके कोसिस करल्‍कै।

परेरित 20:9

युटिकस नामके एकटा युबक झालमे बैठल छेलै। पावलके बात सुनैत-सुनैत उ निनसे माइतके तिन महला उपरसे खैसपरलै। ओकरा उठाइले गेलै त उ मैरगेल छेलै।

लुका 24:35

तब उ दुनुगोरा बाटमे भेल्‍हा बातसब आ उ रोटी तोरैतखिना कनङके उसब चिन्‍हल्‍कै सोहो बात सुन्‍यादेल्‍कै।

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

१ कोरन्‍थी 10:16

जब हमसब परभु-भोजके बाटी ल्‍याके परमेस्‍वरके धन्‍यबाद दैचियै, कि उ बाटीसे पियैचियै त हमसब खिरिस्‍टके लहुमे सहभागी नै भेलियै से? आ उ रोटी, जकरा हमसब तोइरके खेलियै, कि खिरिस्‍टके देहमे सहभागी नै भेलियै से?

परेरित 20:31

तै खातिर होसियार रह, कि हम तिन बरिसतक दिन-रात लोर बह्‍या-बह्‍याके लोकसबके समझाइते रहलियौ।

परेरित 2:46

उसब एकेमन भ्‍याके सबदिन मन्‍दिरमे जमा हैछेलै, घर-घरमे परभु भोज करै आ सबकोइ खुसी मनसे मिल-जुइलके खाइछेलै,

युहन्‍ना 20:26

ओकर आठ दिन बाद फेनसे येसुके चेलासब घरमे जम्‍मा भेलै आ थोमा सेहो ओकरेसबसङे छेलै आ केबार बन्‍द भेलोपर येसु भितर एलै आ ओइसबके बिचमे ठार भ्‍याके कहल्‍कै, “तोरासबके सान्‍ती मिले!”

लुका 22:19

तकरबाद येसु रोटी लेल्‍कै आ परमेस्‍वरके धन्‍यबाद चरहेल्‍कै तब रोटी तोइरके ओइसबके देल्‍कै आ कहल्‍कै, “तोरासबके खातिर देल यि हमर देह चियौ। आबसे हमर यादमे तोरौरके ऐहनङे करैतरह।”

२ तिमोथी 4:2

परमेस्‍वरके बचन सुना। बेलोमे कुबेलोमे सुसमाचार सुनाइले नै छोर। पुरा-पुरी धिरजसे लोकसबके सम्‍झा, चेताबनी दहै आ असल सिक्‍छासे हिम्‍मत बरहा।

मरकुस 16:9

[हप्‍ताके पहिन्‍का दिन येसु बिहान सबेरे जिके उठलै आ सबसे पहिने मरियम मग्‍दलिनी लग परगट भेलै। जकरसे येसु सात भुत आत्‍मासब निकाल्‍ने रहै।

परेरित 16:10

जब पावलके यि दरसन भेलै, तुरन्‍ते हमरौरके माकेडोनिया जाइले तैयार भेलियै। कथिलेत हमरौरके थाह भेलै कि ओतेका लोकसबके सुसमाचार परचार करैले परमेस्‍वर हमरौरके बोलाइनेछै।

परेरित 20:5

महज उसब हमरासबसे पैहनैये गेलै आ तरोआस सहरमे असियाल छेलै।