परेरित 20:4 - मध्‍य पुरविया थारू

⁴ तब ओकरसाथमे बेरिया बासि पुरसके बेटा सोपातरोस, थेसलोनिकेसे अरिस्‍तारखस आ सिकन्‍दस, डरबीके गायस आ तिमोथी तब एसियाके तुखिकस आ तरोफिमस छेलै।

परेरित 20:4 Referans Kwoze

परेरित 19:29

तब पुरे सहरमे हुलदङा मच्‍लै आ उसब एकमत भ्‍याके पावलके सहकरमी माकेडोनिया बासि गायस आ अरिस्‍तारखसके पकैरके रङसालामे घिस्‍याइते ल्‍यागेलै।

२ तिमोथी 4:20

इरास्‍तस कोरिन्‍थेमे रैहगेलै। तरोफिमस बिमार भेलाके कारन हम ओकरा मिलेटसे सहरमे छोइर देलियै।

एफिसी 6:21

हमर पिरिय भाइ आ परभुके बिस्‍बास योग्‍य सेबक तुखिकस हमर सब हालखबर तोरासबके सुनाइतौ।

तितस 3:12

जब हम, अरतिमास या त तुखिकसके तोहरलग पठेबौ, तु हमरा जल्‍दीसे भेटैले निकोपोलिस सहरमे आबिहे। कथिलेकी जार मास हम ओतै बिताबैके इक्‍छा कैने चियै।

२ तिमोथी 4:12

हम तुखिकसके एफिससमे पठाइनेचियै।

कलस्‍सी 4:7

हमर पिरिय भाइ तुखिकस हमर सब खबर तोरासबके सुनाइतौ। ओहो आपनेसबसङे सेबा करैबला परभुके बिस्‍बासी सेबक चियै।

परेरित 21:29

कथिलेत उसबके एफिसससे एल तरोफिमसके पावलेसङे बजारमे देखनेरहै आ पावले ओकरा मन्‍दिरमे आन्‍नेरहै से कैहके समझने रहै।

परेरित 16:1

पावल डरबी सहर हैत लुस्‍तरा सहरमे पुग्‍लै। लुस्‍तरामे तिमोथी नामके परभुमे बिस्‍बास करैबला एकटा चेला रहै। उ बिस्‍बासी यहुदी जनिके बेटा रहै महज ओकर बाप गिरिक जातीके रहै।

परेरित 14:6

महज यि बात पावल आ बरनाबास बुझ लेल्‍कै, तब तुरन्‍त लुकोनिया इलाकाके लुस्‍तरा आ डरबीके सहर दिसन भाइगके गेलै,

कलस्‍सी 4:10

हमरे सङे जहलमे रहलहा अरिस्‍तारखस तोरासबके गोरलगी पठाइनेछौ। बरनाबासके नातामे परैबला मरकुस सेहो गोरलगी पठाइनेछौ। ओकर बारेमे पहिने हम तोरासबके कैहदेनेचियौ, उ एतौ त असलसे स्‍वागत करिहे।

३ युहन्‍ना 1:1

हम मन्‍डलीके एल्‍डर युहन्‍नाके तरफसे, हमर पिरिय सङी गायसके यि चिठी लिखैचियै, जकरा हम साँचोके परेम करैचियै।

फिलेमोन 1:24

ओहिनङे कैरके हमरसङे काम करैबला मरकुस, अरिस्‍तारखस, डेमास आ लुका सेहो गोरलगी पठाइनेछौ।

२ तिमोथी 1:2

हम आपन पिरिय बेटा तिमोथीके यि चिठी लिखैचियै। परमेस्‍वर पिता आ आपनसबके परभु येसु खिरिस्‍ट तोरा अनुगरह, किरपा आ सान्‍ती देबे।

१ तिमोथी 1:1

हमरा मुक्‍ती दैबला परमेस्‍वर आ आसा दैबला येसु खिरिस्‍टके आग्‍या अनुसार नियुक्‍त भेल हम पावल, येसु खिरिस्‍टके परेरित यि चिठी

फिलिप्‍पी 2:19

परभु येसुके इक्‍छा हेतै त हम जल्‍दिए तिमोथीके तोरासबलग पठाबैके आसा करैची, ताकी तोरासबके हाल-समाचार सुइनके हम्‍हु खुसी हैले सकी।

२ कोरन्‍थी 1:19

कथिलेकी सिलास, तिमोथी आ हम तोरासबके बिचमे परचार करल परमेस्‍वरके बेटा येसु खिरिस्‍टमे एके छनमे “हँ” आ एके छनमे “नै” बला बात नै छै, महज ओकरमे हरदम “हँ” मातरे छै।

२ कोरन्‍थी 1:1

हम पावल, परमेस्‍वरके इक्‍छासे खिरिस्‍ट येसुके परेरित हैकेलेल बोल्‍याल आ अपनासबके भाइ तिमोथीसे सेहो, कोरिन्‍थ सहरमे रहल परमेस्‍वरके मन्‍डलीके आ अखैया परदेसके चारुदिसन रहैबला खिरिस्‍टके पबितर जनसबके यि चिठी लिखैचियौ।

रोमी 16:23

हमरा आ पुरे मन्‍डलीके आपन घरमे स्‍वागत करैबला गायस सेहो तोरासबके गोरलगी कहनेछौ। यि सहरके कोसाध्‍यक्‍छ इरास्‍तस आ अपनासबके भाइ क्‍वारटस सेहो तोरासबके गोरलगी पठाइनेछौ।

रोमी 16:21

हमरसङे काम करैबला तिमोथी तोरासबके गोरलगी पठाइनेछौ। तहिनङ कैरके हमर यहुदी भाइसब लुकियस, यासोन आ सोसिपातरोस सेहो तोरासबके गोरलगी पठाइनेछौ।

परेरित 27:2

हमसब एन्‍डरामिटेनोससे एसिया परदेसके समुन्‍दर काते-काते परैबला सहरसब हैत जाइबला जहादमे चहैरके यातरा सुरु करलियै। अरिस्‍तारखस नाम भेल्‍हा थेसलोनिके इलाकाके एक गोरे माकेडोनि हमरासबकेसङे सेहो छेलै।

परेरित 17:1

पावल आ सिलास अम्‍फिपोलिस आ अपोल्‍लोनिया सहरके बाट हैत थेसलोनिके सहरमे एलै। ओते एकटा यहुदीसबके सभाघर छेलै।

परेरित 14:20

महज जब ओते बिस्‍बासीसब ओकर कात-करौतमे जम्‍मा भेलै तब उ उइठके सहर दिसन गेलै। तकर बिहानके उ आ बरनाबास सङे निकैलके डरबी चैलगेलै।

परेरित 2:9

हमसब त पारथीसब, मादीसब आ एलामीसब, मेसोपोटामियाके, यहुदियाके, कापाडोकियाके, पोन्‍टस आ एसियाके बासिसब चियै।

परेरित 16:6

पबितर आत्‍मासे एसियाके परदेसमे बचन परचार करैले मनाही भेलाके कारन उसब फिरिगिया इलाका आ गलातियाके परदेससब हैतगेलै।

परेरित 17:13

महज जब थेसलोनिकेमे भेल्‍हा यहुदीसब बेरियोमे पावल परमेस्‍वरके सुसमाचार परचार करैछै से बात सुनल्‍कै, तब उसब बेरियामे आइबके हो-हल्‍ला मचाबैले लाग्‍लै आ पावलके बिरोध करैले ओतेका लोकसबके उक्‍साइले लाग्‍लै।

परेरित 20:16

एसिया परदेसमे देर हेतै से बिचार कैरके पावल एफिससमे नै जाइके निरनय करल्‍कै। कथिलेत उ सकभर पेन्‍तिकोस पाबैनके दिनमे यरुसलेममे पुगैले हतार छेलै।

परेरित 20:18

जब उसब पुग्‍लै तब पावल ओइसबके कहल्‍कै, “तोरासबके थाहे छौ कि, जै दिनसे हम एसियामे एलियै तै दिनसे तोरासबके बिचमे कनङके आपन दिन काटने छेलियौ।