परेरित 2:9 - मध्‍य पुरविया थारू

⁹ हमसब त पारथीसब, मादीसब आ एलामीसब, मेसोपोटामियाके, यहुदियाके, कापाडोकियाके, पोन्‍टस आ एसियाके बासिसब चियै।

परेरित 2:9 Referans Kwoze

१ पतरुस 1:1

हम सिमोन पतरुस, येसु खिरिस्‍टके परेरितके तरफसे पोन्‍टस, गलातिया, कापाडोकिया, एसिया आ बिथिनिया परदेस भैर परदेसी भ्‍याके तितर-बितर भ्‍याके रहैबला परमेस्‍वरके छानल जनसबके यि चिठी लिखैचियै।

परकास 1:4

एसिया परदेसमे भेल सातटा मन्‍डलीसबके युहन्‍नाके गोरलगी, परमेस्‍वर जे छै, जे छेलै आ जे एतै आ ओकर सिंहासनके अगा रहैबला सातटा परमेस्‍वरके आत्‍मासे तोरासबके अनुगरह आ सान्‍ती मिले।

२ तिमोथी 1:15

तोरासबके थाहे छौ कि, एसियामे रहैबला सबगोरे हमरा छोइरके चैलगेलै, तै मेसे फुगेलस आ हरमोगेनस सोहो चियै।

परेरित 18:2

ओते उ अकिलास नामके एक गोरा यहुदीके भेटलै। ओकर जलम पोन्‍टस इलाकामे भेलरहै। उ हाल-साले आपन घरबाली पिरिस्‍किलासङे इटालिया देससे एल रहै। कथिलेत रोमके रजा क्‍लौडियस सब यहुदीसबके रोम सहरसे निक्‍लैके हुकुम देल्‍कै तब पावल ओइसबके भेटैले गेलै।

परेरित 16:6

पबितर आत्‍मासे एसियाके परदेसमे बचन परचार करैले मनाही भेलाके कारन उसब फिरिगिया इलाका आ गलातियाके परदेससब हैतगेलै।

परेरित 19:10

दुइ बरिसतक अहिनङे चलैत रहलै आ एसिया परान्‍तके सब बासिसब, यहुदी आ गिरिक दुनु परभुके बचन सुनल्‍कै।

परेरित 6:9

महज कतहेक यहुदीसब जे “स्‍वतन्‍तर-दल” कहाइबला सभाघरसबके आ कुरेनी, अलेकजेन्‍डरिया, किलिकिया आ एसियाके लोकसब रहै, उसब स्‍तिफनसके बिरोधमे खरा भ्‍याके ओकरसङे बताबती करे लाग्‍लै।

परकास 1:11

“तु जे देखैचिही, से एकटा किताबमे लिख आ सातो मन्‍डलीके अरथात एफिसस, इस्‍मुरना, परगामम, थिआटिरा, सारडिस, फिलाडेल्‍फिया आ लाउडिकियाके पठा।”

२ कोरन्‍थी 1:8

हे हमर भाइसब, एसिया परदेसमे हमरासबके भोगल दुखके बारेमे तोरोसबके थाह हेबे कैहके हमसब चाहैचियै। कथिलेकी हमसब सहे नै सकैबला अतहेक नै दुख पाबलियै कि हमसब बाच्‍बै कैहके कोनो आसा नै छेलै।

१ कोरन्‍थी 16:19

एसियाके मन्‍डलीसब तोरासबके गोरलगी पठाइनेछौ। अकिलास आ पिरिस्‍किला आ ओइसबके घरमे भेल बिस्‍बासीसब सेहो परभुमे तोरासबके हिरदयसे गोरलगी पठाइनेछौ।

रोमी 16:5

ओइसबके घरमे भेला हैबला बिस्‍बासीसबके हमर गोरलगी सुन्‍यादहै। हमर पिरिय सङी, इपेनितसके सेहो गोरलगी सुन्‍यादहै। उ एसिया परदेसमे सबसे पहिने खिरिस्‍टमे बिस्‍बास करैबला लोक चियै।

परेरित 20:18

जब उसब पुग्‍लै तब पावल ओइसबके कहल्‍कै, “तोरासबके थाहे छौ कि, जै दिनसे हम एसियामे एलियै तै दिनसे तोरासबके बिचमे कनङके आपन दिन काटने छेलियौ।

परेरित 20:16

एसिया परदेसमे देर हेतै से बिचार कैरके पावल एफिससमे नै जाइके निरनय करल्‍कै। कथिलेत उ सकभर पेन्‍तिकोस पाबैनके दिनमे यरुसलेममे पुगैले हतार छेलै।

परेरित 19:31

एसियाके कतहेक अधिकारीसब पावलके सङी छेलै। उसब पावलके रंगसला भितर नै जाउ कैहके समाध पठेल्‍कै।

परेरित 19:27

तै खातिर अपनासबके बेपारके इजत मातरे नै, महज महान देबि आरतेमिसके मन्‍दिरो बेकामके हेतौ। तब एसिया आ सन्‍सार भैरके लोकसब पुजा कैरते आइबरहल देबिके गौरब नास भ्‍या जेतौ।”

परेरित 7:2

स्‍तिफनस जबाब दैत कहल्‍कै, “हे हमर बाबु आ भाइ-भैयारीसब, सुनु। महिमाके परमेस्‍वर अपनासबके पुरखा अबराहम हारानमे बास करैसे पैहने जखुन मेसोपोटामियामे रहै तखुन दरसन देने छेलै,

परेरित 2:8

उसब जे बोइलरहलछै से बात अपनासब कनङके आपन-आपन मातरी भसामे सुइनरहल चियै?

परेरित 20:4

तब ओकरसाथमे बेरिया बासि पुरसके बेटा सोपातरोस, थेसलोनिकेसे अरिस्‍तारखस आ सिकन्‍दस, डरबीके गायस आ तिमोथी तब एसियाके तुखिकस आ तरोफिमस छेलै।

परेरित 21:27

जब सतमा दिन पुरा हेबे लागल रहै। तब एसिया परदेससे एल कुछ यहुदीसब पावलके मन्‍दिरमे देखल्‍कै तखुन्‍ते उसब लोकसबके भिरके भरकाइल्‍कै आ पावलके पकरल्‍कै।

परेरित 24:18

एह्‍या काम कैरते-कैरते उसब हमरा मन्‍दिरमे देखल्‍कै। तखैन हम सुध हैबला बिधी पुरा कैरलेने छेलियै। ओते कोनो किसिमके भिर-भार आ हो-हल्‍लो नै छेलै।

परेरित 27:2

हमसब एन्‍डरामिटेनोससे एसिया परदेसके समुन्‍दर काते-काते परैबला सहरसब हैत जाइबला जहादमे चहैरके यातरा सुरु करलियै। अरिस्‍तारखस नाम भेल्‍हा थेसलोनिके इलाकाके एक गोरे माकेडोनि हमरासबकेसङे सेहो छेलै।