परेरित 2:47 - मध्‍य पुरविया थारू

⁴⁷ आ परमेस्‍वरके परसन्‍सा करैक। औरो लोकसबसेहो ओकरासबके असल नजैरसे देखैक। तब उदार पाबैबलासबके समुहमे दिन-दिने परभु बिस्‍बासीसबके संख्‍या थैप दैछेलै।

परेरित 2:47 Referans Kwoze

परेरित 16:5

अहिनङे मन्‍डलीके लोकसब बिस्‍बासमे मजगुत हैतगेलै आ दिन-दिने बिस्‍बास करैबला लोकसब बरहैत गेलै।

१ कोरन्‍थी 1:18

बिनास हैबला लोकसब कुरूसके समादके मुरुख बात ठानैछै, महज हमसब मुक्‍ती पाबैबलासबके लेल यि परमेस्‍वरके सक्‍ती चियै।

परेरित 2:41

तब जे-जे ओकर बातमे बिस्‍बास करल्‍कै, सेसब बप्‍तिस्‍मा लेल्‍कै आ ओहै दिन करिब तिन हजार लोक बिस्‍बासीसबके समुहमे थपेलै।

परेरित 2:39

कथिलेत यि परतिग्‍या तोरासबके खातिर, तोरासबके धियापुताके खातिर आ दुर-दुरमे रहैबला सबके खातिर चियै, जकरा सबके परभु परमेस्‍वर बोलाइछै।”

रोमी 14:18

जे एहेन किसिमसे खिरिस्‍टके सेबा करैछै, उ परमेस्‍वरके खुस करैछै आ लोकसबसे आदर पाबैछै।

परेरित 11:24

कथिलेत उ असल, पबितर आत्‍मा आ परमेस्‍वरके बिस्‍बासमे भरपुर भेल लोक रहै। तब बहौत लोकसब अकरे कामसे उत्‍साहित भ्‍याके बहौत लोकसब परभु येसुके बिस्‍बास करल्‍कै।

परेरित 13:48

जब गैर-यहुदीसब यि बात सुनल्‍कै, तब उसब खुसी भेलै आ परमेस्‍वरके बचनके गुनगान करल्‍कै आ अनन्‍त जिबनके खातिर नियुक्‍त भेल्‍हा सबलोक बिस्‍बास करल्‍कै।

रोमी 9:27

यसैया नामके दोसर अगमबक्‍ता इजराएलीसबके बारेमे एहेन कहल्‍कै, “इजराएलीसबके बेटा-बेटीसबके संख्‍या समुन्‍दरके बालु जखा बहुत हेतै तैयो बाकी रहल कमे लोकसब मातरे बच्‍याल जेतै।

रोमी 8:30

जकरा जकरा परमेस्‍वर पहिनेसे चुनल्‍कै, उ ओकरासबके बोलेबो करल्‍कै। जकरा बोलेल्‍कै ओकरासबके आपन नजरमे धरमी ठहरेल्‍कै। जकरा जकरा धरमी ठहरेल्‍कै, ओकरासबके आपन महिमामे सहभागी सेहो करेल्‍कै।

लुका 2:52

तब येसु ग्‍यान-बुइधमे, कदमे, परमेस्‍वर आ मानबके अनुगरहमे बैढ्‍ते-बैढ्‍ते गेलै।

परेरित 4:21

ओइसबसङे सजाय दैके कोनो उपाय नै भेलासे डर-धम्‍की द्‍याके छोइरदेल्‍कै, कथिलेत जे घटना घटल छेलै ओइ घटनाके खातिर सब लोकसब परमेस्‍वरके परसन्‍सा करैतरहै।

परेरित 4:33

उ परेरितसब बहुत सक्‍तीसे परभु येसु मरके जिबित भ्‍याके उठलै तै बातके गबाही दैछेलै आ उसब सबके सङे परमेस्‍वरके बहुत बरका अनुगरह छेलै।

लुका 19:48

तैयो ओइसबके ओकरा मारैके कोनो उपाय नै भेटलै, कथिलेत सब लोकसब ओकर बात खुसिसाथ सुनैछेलै।

परेरित 4:4

महज बचन सुनैबला बहौत लोकसब बिस्‍बास करल्‍कै आ बिस्‍बास करैबला मरद-पुरुख बैढके पाँच हजार भेलै।

परेरित 6:1

जब बिस्‍बासीसबके संख्‍या बरहै छेलै, तब हिबरुसबके बिरोधमे गिरिक यहुदीसब बताबती करे लाग्‍लै, कथिलेत दिन-दिने खाइबला चिजसब बाँटै बखत ओइसबके बिधवासब आबसेक्‍ता बमौजी नै पाबैछेलै।

परेरित 6:7

अहिनङ परमेस्‍वरके बचन पसरैत गेलै। यरुसलेममे बिस्‍बासीसबके संख्‍या बरहैत गेलै। पुजारीसब मेसे बहुत गोरे बचनके सुइकार कैरके परभुमे बिस्‍बास करल्‍कै।

परेरित 9:31

तकरबाद सारा यहुदिया, गालिल आ सामरियाके मन्‍डलीसबमे सताबटसे सान्‍ती भेलै। परभुके डर मानैत बिस्‍बासमे मजगुत भेलै। परमेस्‍वरके पबितर आत्‍माके जोस पाइबके मन्‍डलीसब बरहैत गेलै।

परेरित 9:35

लुड्‍डा आ सारोनमे रहैबला सबलोक ओकरा देखके परभु येसुमे बिस्‍बास कैरके ओकर देख्‍याल रस्‍तामे चलेलाग्‍लै।

परेरित 11:21

परभुके सक्‍ती ओइसबसङे छेलै आ बहौत लोकसब परभुमे बिस्‍बास कैरके ओकर देख्‍याल रस्‍तामे चलेलाग्‍लै।

परेरित 14:1

एन्‍टिओखिया सहरमे भेल घटना जखा आइकोनियन सहरमे सेहो भेलै। पावल आ बरनाबास यहुदीसबके सभाघरमे ढुइकके एहेन उपदेस देल्‍कै, कि ओतेका बहुतो यहुदी आ गिरिक लोकसब परभु येसु खिरिस्‍टमे बिस्‍बास करल्‍कै।

परेरित 14:21

बरनाबास आ पावल डरबी सहरमे परचार कैरके बहौतके परभु येसुके चेला बनाइल्‍कै। तकरबाद उसब लुस्‍तरा, आइकोनियन आ पिसिदिया इलाकाके एन्‍टिओखियामे घुइमके एलै।

परेरित 17:12

अहै कारन बहौत यहुदी लोकसब परभुमे बिस्‍बास करल्‍कै। तैहनङे बहौत नाम चलल असल गिरिक जनी आ मरदसब समेत परभुमे बिस्‍बास करल्‍कै।