परेरित 2:42 - मध्‍य पुरविया थारू

⁴² उसब परेरितसबके उपदेस सुनैले, संगती, परभु भोज आ परथना करैले भक्‍तिसाथ लागल रहै।

परेरित 2:42 Referans Kwoze

हिबरु 10:25

कतहेक लोकके सङगतीमे जाइके बानी नै रहैछै, महज अपनासब एकसाथ भेला हैले नै छोर। महज तुसब परभु आबैबला दिन नजदिक आइबरहल देखलाके कारनसे एक-दोसरके औरो हौसला दहै।

परेरित 1:14

ओइमेसे कतहेक छौरी-मौगी आ येसुके माँ मरियम आ ओकर भाइसब सङे उसब एके मनके भ्‍याके लगातार परथना करैतरहै।

१ युहन्‍ना 1:3

हमसब जे देखने आ सुन्‍ने चियै, से हमसब तोरासबके सुनाबैचियौ जेकि तुहुसब हमरासबसङे सङगती करेसकी। अपनासबके सङगती त पिता आ ओकर बेटा येसु खिरिस्‍टसङे छै।

१ युहन्‍ना 1:7

महज परमेस्‍वर जहिनङ इजोतमे रहैछै तहिनङ हमसब इजोतमे चलैचियै त अपनासबके संगती एक दोसरसङे हैछै आ ओकर बेटा येसुके लहुसे अपनासबके सब पापसे सुध करैछै।

परेरित 2:46

उसब एकेमन भ्‍याके सबदिन मन्‍दिरमे जमा हैछेलै, घर-घरमे परभु भोज करै आ सबकोइ खुसी मनसे मिल-जुइलके खाइछेलै,

परेरित 20:7

जब हमसब हप्‍ताके पहिन्‍का दिनमे परभु-भोज खाइले जम्‍मा भेलियै। तब पावल बिहान सबेरे जाइके इक्‍छा करलाके कारन, उसबसङे बात-चित करैत-करैत अधा रात बित्‍लै।

एफिसी 6:18

तुसब पबितर आत्‍माके सक्‍तीमे हर बखत परमेस्‍वरसे परथना कर। होसियार आ लगनसिल भ्‍याके हरदम खिरिस्‍टके पबितर जनसबके खातिर परथना करैतरह।

यहुदा 1:20

महज, पिरिय भाइसब, तुसब एकदम पबितर बिस्‍बासमे बौकार हैत जो। पबितर आत्‍माके सक्‍तीमे रैहके परथना कर।

कलस्‍सी 4:2

तुसब सचेत भ्‍याके धन्‍यबादी हिरदयके साथ परथनामे लागल रह।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

२ तिमोथी 3:14

महज तु अपनेसे सिखल आ पुरे मनसे बिस्‍बास करल सिक्‍छामे लागल रह। यि ककरसे सिखनेचिही से बात तु जानैचिही।

एफिसी 2:20

परेरित आ अगमबक्‍तासबके खुनल जगमे बनल घर तुसब चिही। यि जगके मुल खम्‍हा येसु खिरिस्‍ट आपने चियै।

परेरित 14:22

उसब ओइठाम परभुके बिस्‍बासीसबके हिम्‍मत बरहाइत ओइसबके बिस्‍बासमे अस्‍थिर रहैले हौसला दैत रहलै आ कहैत रहलै, “परमेस्‍वरके राजमे पुगैसे पैहने अपनासबके बहौत दुख सहे परत।”

परेरित 6:4

तब अपनासबके परथना आ परमेस्‍वरके बचनके सिक्‍छा दैबला काममे पुरा समय लागल रहबै।”

परेरित 4:31

जब उसब परथना समापत करल्‍कै तब ओइठाम जते उसब जमा भेलरहै ओते सबकोइ थरकलै आ उ सबकोइ पबितर आत्‍मासे भरलै आ उसब साहसके साथ परमेस्‍वरके बचन परचार करे लाग्‍लै।

१ कोरन्‍थी 10:21

तुसब परभुके बाटी आ भुत-परेतसबके बाटी दुनुसे पियैले नै सकबिही। तहिनङे तुसब परभुके भोज आ भुत-परेतसबके भोज दुनु खाइले नै सकबिही।

रोमी 12:12

आपन आसामे आनन्‍द कर, दुख-कस्‍टमे धिरज कर आ निरन्‍तर परथना करैतरह।

हिबरु 10:39

महज हमसब पछा हटैबला आ नास हैबला लोक नै चियै, हमसब त बिस्‍बास कैरके मुक्‍ती पाबैबला लोकसब चियै।

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

१ कोरन्‍थी 11:2

हम तोरासबके परसन्‍सा करैचियौ, कथिलेत तुसब सब बातसबमे हमरा याद करैचिही आ हम तोरासबके देल सिक्‍छासब पालन करैचिही।

परेरित 20:11

तकरबाद पावल उपरका कोठलीमे गेलै आ परभु भोज खेल्‍कै। उ बिहान तक ओइसबसे बातचित करल्‍कै आ ओतेसे बिदा भेलै।

१ युहन्‍ना 2:19

उसब अपनासबके लोक नै रहै, तहै खातिर अपनासबके छोइरके चैलगेलै। यदि उसब अपनासबके लोकसब रहतियै त आपनेसबके सङे रहतियै। उसब अपनासबके नै चियौ से बात परस्‍टे छै से देखाइले उसब अपनासबके छोइरके चैलगेलै।

गलाती 1:6

तोरासब खिरिस्‍टके अनुगरहमे बोलाइबला परमेस्‍वरके अतहेक जल्‍दी बिसैरके दोसर सुसमाचार दिसन लागल देखके हमरा त एकदम ताजुब लाइगरहल छै।

परेरित 4:23

ओतेसे छुटलाके बाद पतरुस आ युहन्‍ना आपन सङि-साथीसबलग एलै, मुल पुजारीसब आ अगुवासबके कहल बातसब ओइसबके सुनादेल्‍कै।

लुका 24:35

तब उ दुनुगोरा बाटमे भेल्‍हा बातसब आ उ रोटी तोरैतखिना कनङके उसब चिन्‍हल्‍कै सोहो बात सुन्‍यादेल्‍कै।

लुका 24:30

जब येसु ओइसबसङे खाइले बैठलै तब उ रोटी ल्‍याके आसिरबाद देल्‍कै आ तोइरके ओइसबके देल्‍कै।

१ कोरन्‍थी 14:6

तैखातिर हे भाइ-भैयासब, यदि हम तोरासबके बिचमे आन भसामे बोल्‍बौ त तोरासबके कि फाइदा हेतौ? बरु परमेस्‍वरसे एल कोनो बातके परकास आ ग्‍यान-गुनके बात, अगमबानी या सिक्‍छा हम देबौ त तोरासबके फाइदा हेतौ।

फिलिप्‍पी 1:5

कथिलेकी तुसब सुरुवेसे अखुनतक सुसमाचारके काममे सहभागी चिही।