परेरित 2:40 - मध्‍य पुरविया थारू

⁴⁰ औरो बहुत बातसबसे उ ओइसबके गबाही देल्‍कै आ सम्‍झाइत कहल्‍कै, “यि भरस्‍ट पुस्‍तासे तोरौरके आबैबला दन्‍डसे अपने-आपके बचा।”

परेरित 2:40 Referans Kwoze

फिलिप्‍पी 2:15

अहिनङ तुसब पापी आ दुस्‍ट पुस्‍ताके बिचमे दाग नै भेल परमेस्‍वरके बेटा-बेटी जखा निरदोस आ सुध हेब्‍ही। जनङ तरासब अकासमे चमचम चम्‍कैछै, तहिनङे तुहुसब यि सन्‍सारमे ओइसबके बिचमे चम्‍कैले परतौ।

१ तिमोथी 4:16

तु आपन जिबन आ आपन देल सिक्‍छाके बारेमे होसियार रह। यि सब करलासे तु आपन जिबन आ तोहर सिक्‍छा सुनैबलासबके जिबन बचेब्‍ही।

एफिसी 4:17

अहै खातिर हम परभुके देल अधिकारसे तोरासबके जोर द्‍याके कहैचियौ, आबसे तोरासबके चालचलन परमेस्‍वरके नै चिन्‍हैबलासब जखा नै हेबे। कथिलेत ओइसबके सोच-बिचार बेकार छै।

२ कोरन्‍थी 6:17

ओकरासबसे निकैलके या आ ओइसबसे अलग रह! कोनो असुध चिज नै छु, तब हम तोरासबके सुइकार करबौ कैहके परमपरभु कहैछै।

मतीके लिखल सुसमाचार 17:17

तब येसु जबाफ देल्‍कै, “ऐ बिस्‍बास नै करैबला आ दुस्‍ट पुस्‍ता, हम कहियातक तोरासबके सङे रहबौ? कहियातक तोरासबके कमजोर बिस्‍बासके सहैत रहबौ? ओकरा अते हमरलग आन।”

मतीके लिखल सुसमाचार 16:4

दुस्‍ट आ बिस्‍बास घात करैबला पुस्‍ता चेन्‍हाके माङ करैछै, महज योना अगमबक्‍ताके चेन्‍हाके अलाबा कोनो चेन्‍हा नै देलजेतै।” तकरबाद येसु उसबके छोइरके चैलगेलै।

गलाती 5:3

खतना हैले परतौ कहैबलासबके हम फेनसे कहैचियौ, बेबस्‍थामे भेल सब आग्‍यासब पालन करैये परतौ से कैहके कर लाग्‍तौ।

परेरित 28:23

तकरबाद उसब पावलके बात सुनैके लेल दिनके निस्‍चित करल्‍कै आ उ निस्‍चित करलाहा दिनमे पहिनेके दिनसे बेसी लोक पावल रहल ठाममे भेटैले एलै। उ ओइसबके अनगुतसे ल्‍याके साँझ पहरतक बतेल्‍कै आ परमेस्‍वरके राजके बारेमे गबाही देल्‍कै आ मोसाके बेबस्‍था आ अगमबक्‍ताके किताबसे येसुके बारेमे कैहके बिस्‍बासमे लाबैके कोसिस करल्‍कै।

मतीके लिखल सुसमाचार 23:33

“ए साँपसब, बिखधर साँपके बच्‍चासब! तुसब कनङके नरकके दन्‍डसे भागबिही?

१ पतरुस 5:12

हम यि छोट चिठी बिस्‍बासयोग्‍य भाइ सिलाससे लिखाबैचियौ। हम तोरासबके साहस दैकेलेल आ तोरासबके जे भ्‍यारहलछौ उ परमेस्‍वरके सच्‍चा अनुगरह चियै कैहके गबाही दैचियौ। यि अनुगरहमे अस्‍थिर भ्‍याके रह।

१ थेसलोनिकी 2:11

तुसब जान्‍बे करैचिही कि माँ-बाबु आपन बेटा-बेटीके सङे केहेन बेबहार करैछै तैहिने हमसब तोरासबसङे हरेक गोराके करलियौ।

२ कोरन्‍थी 5:20

ओहैसे हमसब खिरिस्‍टके राजदुतसब चियै आ परमेस्‍वर हमसबसे तोरासबके बिन्‍ती कैर रहलछौ। तुसब परमेस्‍वरसङे मेलमिलाप कर कैहके हमसब सेहो खिरिस्‍टके तरफसे तोरासबके बिन्‍ती करैचियौ।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

लुका 21:36

महज यि सब बातसबसे बचैले आ मानब पुतरके अगामे ठडा हेबे सके तै सक्‍तिके लेल परमेस्‍वरसङे सबघरी जागल रह आ परथना कर।”

मरकुस 8:38

अइ पापी आ दुस्‍ट पुस्‍तामे जे हमर आ हमर बचनसे लाज मान्‍तै त मानबके बेटा आपन पिताके महिमामे पबितर स्‍वरगदुतसबसङे आबैतखिना ओकरसे लाज मान्‍तै।”

परेरित 20:21

हम यहुदीसब आ गिरिकसब पस्‍चाताप कैरके परमेस्‍वर दिसन घुमे आ अपनासबके परभु येसु खिरिस्‍टमे बिस्‍बास करे से बातके चेताइने चियै।

युहन्‍ना 21:25

औरो बहुतो कामसब येसु करल्‍कै। यदी ओकर करल सबकाम एक एक कैरके लिख्‍तै त हमरा लागैये कि ओकर बारेमे लिखल किताब सन्‍सारेमे नै अटतै।

परेरित 20:11

तकरबाद पावल उपरका कोठलीमे गेलै आ परभु भोज खेल्‍कै। उ बिहान तक ओइसबसे बातचित करल्‍कै आ ओतेसे बिदा भेलै।

परेरित 20:9

युटिकस नामके एकटा युबक झालमे बैठल छेलै। पावलके बात सुनैत-सुनैत उ निनसे माइतके तिन महला उपरसे खैसपरलै। ओकरा उठाइले गेलै त उ मैरगेल छेलै।

परेरित 20:2

ओइ इलाकामे पुग्‍लाकेबाद ओतेका बिस्‍बासीसबके उत्‍साह द्‍याके फेनो ओतेसे उ गिरिस देसमे गेलै।

परेरित 15:32

यहुदा आ सिलास ओहोसब परमेस्‍वरके तरफसे बोलैबला अगमबक्‍तासब रहै। उसब परभुमे बिस्‍बास करैबला भाइ-भैयारीसबके बिस्‍बासमे मजगुत करैत उत्‍साह देल्‍कै।

परेरित 10:42

सुसमाचार परचार करैले आ परमेस्‍वर येसुके जिबित आ मरलसबके नियाय करैले नियुक्‍त करने छै कैहके साक्‍छी दैले परमेस्‍वर हमरासबके आग्‍या करने छै।

मतीके लिखल सुसमाचार 12:34

ए बिखधर साँपके बच्‍चासब! तुसब आपने दुस्‍ट चिही त, कनङके असल बात बोले सकबिही? कथिलेत मनके भितरमे जे बात रहैछै स्‍याहा बात मुहसे निकलैछै।

लुका 16:28

कथिलेत हम पाँच भैयारी चियै, उ ज्‍याके ओइसबके चेताबे नै त ओहोसब हमरे जखा एहिनङ दुखे दुख भेल जगहमे चैलएतै।’

परेरित 4:36

जनङ साइपरस देसके लेबी खानदानके योसेफ, जकरा परेरितसब बरनाबास कैहके नाम राखनेरहै (जकर अरथ उत्‍साह दैबला लोक हैछै)।