परेरित 2:33 - मध्‍य पुरविया थारू

³³ अहैसे परमेस्‍वर पिता आपन देहना हाथ कात बैठेल्‍कै आ आपन परतिग्‍या अनुसार ओकरा पबितर आत्‍मा देल्‍कै। ओह्‍या पबितर आत्‍मा हमरासबके देने छै, जे अहाँसब देखैचियै आ सुनैचियै।

परेरित 2:33 Referans Kwoze

परेरित 1:4

एकबेर जब उ ओइसबके सङे खाइले बैठलै, ओइसबके एहेन कैहके आग्‍या देल्‍कै, “तुसब यरुसलेम छोइरके कतौ नै जो, महज स्‍वरगके पिता पबितर आत्‍मा पठाइबौ कैहके करल परतिग्‍याके खातिर असियाल रह। यि त पैहने हमरसे तुसब सुइनलेने चिही।

परेरित 5:31

इजराएलके लोकसबके पस्‍चातापके खातिर आ ओइसबके पापसे छमा दैके खातिर परमेस्‍वर येसुके परभु आ मुक्‍तीदाता बनाके आपन देहना कात बैठेल्‍कै।

परेरित 2:17

परमेस्‍वर कहैछै, ‘अन्‍तके दिनमे हमसब लोकसबके आपन आत्‍मा परसस्‍त कैरके देबै, तोहर बेटासब आ बेटीसब अगमबानी बोल्‍तौ आ तोरौरके जबानसब दरसन देख्‍तै आ बुढवासब सपना देख्‍तै।

युहन्‍ना 14:26

महज पिता हमर नाममे पठाइबला सल्‍लाहकार पबितर आत्‍मा तोरासबके सब बात सिखाइतौ आ हमर कहल सब बात तोरासबके मन पाइरदेतौ।

मरकुस 16:19

तकरबाद परभु येसु ओइसबसङे बोइल लेलाकेबाद स्‍वरग दिसन उठ्‍यालगेलै आ परमेस्‍वरके देहनाकात बैठलै।

१ पतरुस 3:22

येसु स्‍वरगमे गेलै आ सब स्‍वरगदुतसब, अधिकारसब आ सक्‍तीसबके बसमे कैरके परमेस्‍वरके दहिनाकात बिराजमान भेल छै।

गलाती 3:14

अहैसे अबराहमके देल आसिस खिरिस्‍ट येसुसे औरो जातीके लोकसबके मिलैछै आ परमेस्‍वरके परतिग्‍या करल पबितर आत्‍मा अपनासब बिस्‍बाससे पाबैले सकैचियै।

परेरित 10:45

परमेस्‍वर आपन पबितर आत्‍मा गैर-यहुदीके लोकसब उपर भरैत देखके पतरुस सङे एल्‍हा यहुदी बिस्‍बासीसब छक्‍क परलै।

मतीके लिखल सुसमाचार 28:18

तखने येसु ओइसबलग आइबके कहल्‍कै, “स्‍वरगके आ पिरथिबीके सब अधिकार हमरा देल गेल छै।

युहन्‍ना 14:16

हम पितासे बिन्‍ती करबै आ उ तोरासबसङे सबदिन रहैके खातिर एक गोरा सल्‍लाह दैबला पठाइतौ।

१ पतरुस 1:21

ओकरेसे तुसब परमेस्‍वरमे बिस्‍बास करलिही, जे ओकरा मरलसे जिबित करल्‍कै आ ओकरा महिमा देल्‍कै, तैल्‍याके तोरासबके आपन बिस्‍बास आ भरोसा परमेस्‍वरमे रहे।

हिबरु 10:12

महज खिरिस्‍ट सबदिनके लेल पुगैबला पापके लेल एकेटा बली स्‍वयम आपनेके चरहाइल्‍कै आ परमेस्‍वरके दहिनाकात बैठलछै।

रोमी 5:5

अहै आसाके कारन हमसब निरास नै हेबै कथिलेत परमेस्‍वर अपनासबके पबितर आत्‍मा देने छै आ पबितर आत्‍मासे परमेस्‍वर अपनासबके हिरदयमे आपन परेम भरनेछै।

तितस 3:6

परमेस्‍वर पबितर आत्‍माके मुक्‍तीदैबला येसु खिरिस्‍टसे परसस्‍त कैरके अपनासबमे राइख देल्‍कै।

एफिसी 4:8

पबितर धरमसास्‍तरमे एहेन लिखल छै, “उ उच जगहमे जाइबखत बहौत कैदीसबके आपनसङे ल्‍यागेलै आ लोकसबके उपहारसब देल्‍कै।”

युहन्‍ना 17:5

हे पिता, सन्‍सार सिरिस्‍टी हैसे पहिने अहाँसङे हमर जे महिमा छेलै, ओह्‍या महिमासे आब अहाँके अगा हमरा महिमीत करु।

युहन्‍ना 15:26

“हम पिताके तरफसे तोरासबके लेल सल्‍लाह दैबला पबितर आत्‍माके पठादेबौ। उ पितालगसे एल सत आत्‍मा चियै जे हमर बारेमे गबाही देतै।

लुका 24:49

हमर पिताके परतिग्‍या हम तोरौरके लग पठाइबौ। महज परमेस्‍वरके सक्‍ती नै पाबैतक अहै सहरमे असियाले रहिये।”

एफिसी 1:13

तहिनङे तु गैर-यहुदीसब मुक्‍ती दैबला सतके बचन अरथात सुसमाचार सुइनके खिरिस्‍टमे बिस्‍बास करलिही। आपन परतिग्‍या करलहा पबितर आत्‍माके छाप तोरासबके लग्‍यादेनेछौ।

हिबरु 2:9

महज हमसब येसुके देखैचियै कि परमेस्‍वरके अनुगरहके कारनसे उ सबके लेल मरैले सके कैहके एकछनके लेल स्‍वरगदुतसे ओकरा छोट करल्‍कै। उ अपनासबके लेल मिरतुके दुख भोगल्‍कै, ओहैसे परमेस्‍वर ओकरा महिमा आ आदरके मुकुट पिन्‍हाइल्‍कै।