परेरित 2:27 - मध्‍य पुरविया थारू

²⁷ कथिलेत अहाँ हमर परानके पतालमे नै छोरबै, नै त अहाँ आपन पबितर सेबकके देह सरे देबै।

परेरित 2:27 Referans Kwoze

परेरित 2:31

पैहनैयेसे यि देखके उ खिरिस्‍ट जिके उठनाइ बिसयमे कहल्‍कै नै त उ पतालमे छोरल गेलै, नै त ओकर देहे सरलै।

परकास 1:18

जिबित हैबला हम्‍ही चियै। हम मरल छेलियै महज आब सबदिनके लेल जिबित चियै, मिरतु आ पतालके कुजीसब हमर हाथमेछै।

परकास 20:13

जे सब समुन्‍दरमे मरल छेलै ओइसबके समुन्‍दर ओकरा देल्‍कै। मिरतु आ पताल सेहो ओइमे भेल मरलसबके देल्‍कै। तब ओकरासबके करल काम अनुसार सबके नियाइ भेलै।

१ कोरन्‍थी 15:55

“ए मिरतु, तोहर जित कते? ए मिरतु तोहर खिल कते?”

१ कोरन्‍थी 15:52

यि परिबरतन आँखके एक मटकीमे, तुरहीके अन्‍तिम आबाजमे हेतै। तै समयमे तुरही बज्‍तै तब मरल लोकसब सबदिनके लेल जिबित हेतै आ अपना जिबित भेलसब परिबरतन हेबै।

युहन्‍ना 11:39

तकरबाद येसु कहल्‍कै, “पथल हटा।” महज लाजरसके बहिन मारथा कहल्‍कै, “परभु, अखुनतक त उ गन्‍हा गेलहेतै, कथिलेत ओकरा मरला चार दिन भ्‍यागेलै।”

परकास 3:7

“फिलाडेल्‍फियाके मन्‍डलीके देख-भाल करैबला दुतके यि लिख, ‘उ जे पबितर आ सत छै, जकर हाथमे दाउदके कुजी छै आ जकर खोलल केबार कोइ नै बन्‍द करैले सक्‍तै या बन्‍द करल केबार कोइ नै खोलैले सक्‍तै।

१ युहन्‍ना 2:20

महज खिरिस्‍ट तोरासबके पबितर आत्‍मा देनेछौ आ सत बात तुसब जानैचिही।

लुका 4:34

“हौ नासरतके येसु अहाँसे हमरासबके कोन काम? अहाँ हमरासबके बरबाद करैले एलचियै? अहाँके चियै कैहके हमरा थाहछै, अहाँ परमेस्‍वरसे पठेल्‍हा एकटा पबितर जन चियै।”

लुका 1:35

स्‍वरगदुत ओकरा जबाफ देल्‍कै, “पबितर आत्‍मा तोहर उपरमे एतौ आ महान परमेस्‍वरके सक्‍तिके छाह तोहरमे परतौ। तैल्‍याके जल्‍मैबला बच्‍चा पबितर हेतै आ उ परमेस्‍वरके बेटा कहाइतै।

मरकुस 1:24

“हौ, नासरतके येसु, अहाँके हमरासबसे कोन काम? अहाँ हमरासबके बरबाद करैले एलचियै? अहाँ के चियै से हमरा थाहछै, अहाँ परमेस्‍वरके पठेल्‍हा एकटा पबितर जन चियै।”

मतीके लिखल सुसमाचार 11:23

“हे कफरनहुमके लोकसब, कि तुसब स्‍वरग तक ज्‍याके आदर पैब्‍ही कैहके सोचैचिही? तुसब त पतालमे खसाएल जेब्‍ही। कथिलेत जे अजगुतके कामसब तोरासबके बिचमे करल गेल्‍छौ से कामसब सदोममे करने रहतियै त आइतक रहतियै।

परेरित 4:27

“साँचोके अहाँके अभिसेक करल पबितर सेबक येसुके बिरोधमे हेरोद आ पन्‍तियस पिलातस दुनुगोरा आन जात आ इजराएलीसबसङे अहै सहरमे जमा भेलरहै।

परेरित 3:14

जे पबितर आ धरमी छेलै तकरा त अहाँसब इन्‍कार करलियै। महज जे आदमी खुनी छेलै ओकरा अहाँसब छोरैके माङ करलियै।

लुका 16:23

जब उ धनिक लोक नरकमे बहुत दुख काटैछेलै तब उ उपर दिसन नजर पसाइरके ताकल्‍कै त दुर अबराहमसङे लाजरसके बैठल देखल्‍कै।

लुका 24:44

आ कहल्‍कै, “तोरासबसङे रहैतकाल हमर बोलल्‍हा बचन एहा चियै, अरथात मोसाके बेबस्‍था, अगमबक्‍ताके किताबसब आ भजनसङगरहके किताबमे हमर बारेमे लिखलाहा सबबातसब पुरा हैए परतै।”

परेरित 2:26

अहै खातिर हमर हिरदय आनन्‍दित आ हमर जिह खुसीसे इस्‍तुति करैछै। अतबेहेक नै हमर देह सेहो आसेमे जिबित रहैछै।

परेरित 2:28

अहाँ हमरा जिबनके बाटसब देखेलियै, अहाँ आपन उपस्‍थितीमे हमरा आनन्‍दसे गद-गद कैरदेबै।’”