परेरित 19:21 - मध्‍य पुरविया थारू

²¹ तकरबाद पावल पबितर आत्‍माके अगुवाइमे माकेडोनिया आ अखैया इलाका हैत यरुसलेम जाइके निरनय करल्‍कै। उ कहल्‍कै, “ओते पुग्‍लाकेबाद हमरा रोम सहरमे जाइए परतै।”

परेरित 19:21 Referans Kwoze

परेरित 20:22

“आब हम पबितर आत्‍माके आग्‍या अनुसार यरुसलेम ज्‍यारहल चियौ। ओते हमरा कथि-कथी हेतै, से हम नै जानैचियौ।

परेरित 20:16

एसिया परदेसमे देर हेतै से बिचार कैरके पावल एफिससमे नै जाइके निरनय करल्‍कै। कथिलेत उ सकभर पेन्‍तिकोस पाबैनके दिनमे यरुसलेममे पुगैले हतार छेलै।

परेरित 23:11

ओहै रात परभु पावलके लगमे खरा भ्‍याके कहल्‍कै, “पावल, साहस कर! कथिलेत जहिना यरुसलेममे हमर बारेमे गबाही देने छेल्‍ही तहिना तोरा रोममे सेहो गबाही दैले परतौ।”

रोमी 1:13

हे हमर भाइ-भैयासब, तोरासबके यि थाह हेबे कैहके हम चाहैचियौ कि, तोरासबके लग बहुतो बेर आबैले चाहलियै, महज कोनो न कोनो कारनबस अखुनतक आबैले नै सकल चियै। हम औरो ठामके गैर-यहुदीसबके खिरिस्‍टमे बौकार बन्‍याल जखा तोरोसबके बौकार बनाइले खुब इक्‍छाछै।

परेरित 18:21

ओइसबसे बिदा लैत पावल कहल्‍कै, “यदी परमेस्‍वरके इक्‍छा हेतै त हम फेनो अहाँ सब लग एबै।” तकरबाद उ एफिसससे पानी जहाद चहैरके चैलगेलै।

१ थेसलोनिकी 1:7

तकर परिनाम यि भेलै कि तुसब माकेडोनिया आ अखैया परदेसमे भेल सब बिस्‍बासीके लेल एक नमुना बैन गेलचिही।

गलाती 2:1

चौद बरिसके बाद हम बरनाबाससङे तितसके ल्‍याके फेनो यरुसलेम गेलियै।

१ कोरन्‍थी 16:5

हम माकेडोनिया परदेसके यातरा करलाके बाद तोरासबलग भेटघाट करैले एबौ, कथिलेकी पहिने माकेडोनिया जाइके हमर योजनाछै।

रोमी 1:15

ओहैसे तुसब रोम सहरमे भेल लोकसबके सेहो सुसमाचार परचार करैके हमरा खुब इक्‍छाछै।

परेरित 28:16

जब हमसब रोममे ढुकलियै, तब पावलके एक गोरा सिपाहीके रेखदेखमे असगरे रहैके अनुमति भेटलै।

परेरित 27:24

‘हे पावल, नै डेरा! तोरा कैसरके अगा ज्‍याके ठार हैये परतौ आ परमेस्‍वर तोरा दया करलाके कारन तोहर सङे जहादमे चरलहा सबके परान परमेस्‍वर बचाइने छौ।’

परेरित 27:1

जब हमसब पानी जहादसे इटालिया देस जाइले निरनय भेलै तब उबस पावलके औरो कैदीसबसङे समराट अगस्‍तसके सेनाके कप्‍तान युलियसके जिमा लग्‍यादेल्‍कै।

परेरित 21:17

जब यरुसलेममे पुगलियै त ओतेका बिस्‍बासीसब बहौत खुसिसाथ हमरासबके स्‍वागत-सत्‍कार करल्‍कै।

परेरित 21:4

हमसब ओते बिस्‍बासीसबके भेटलियै आ ओकरासबसङे सात दिनतक ओतै रहलियै। पबितर आत्‍माके अगुवाइ पाइबके उसब पावलके यरुसलेममे नै जाइले बिन्‍ती करल्‍कै।

परेरित 18:12

जब अखैया इलाकाके गलियोन नामके लोक बडा-हाकिम रहै बखत यहुदीसब एकमत भ्‍याके पावलके बिरोध करैत ओकरा पकैरके बडा-हाकिम लग लज्‍याके कहल्‍कै,

परेरित 16:12

ओतेसे फिलिप्‍पीमे एलियै, जे माकेडोनियाके परमुख सहर आ रोमके अधिनमे छेलै। कुछदिन हमसब ओतै रहलियै।

परेरित 19:22

तब पावल आपन दुइ सहकरमी, तिमोथी आ इरास्‍तसके उ माकेडोनियामे पठाइल्‍कै, महज आपने कुछदिन एसियेमे रहलै।

परेरित 19:29

तब पुरे सहरमे हुलदङा मच्‍लै आ उसब एकमत भ्‍याके पावलके सहकरमी माकेडोनिया बासि गायस आ अरिस्‍तारखसके पकैरके रङसालामे घिस्‍याइते ल्‍यागेलै।

रोमी 1:11

पबितर आत्‍मासे मिलल आसिस तोरासबसङे बाइटके बिस्‍बासमे बलगर बनाइले सकी कैहके तोरासबसे भेटैके खुब इक्‍छाछै।

१ कोरन्‍थी 4:19

महज परभुके इक्‍छा हेतै त, हम तोरासबलग जल्‍दीए एबौ। उ घमन्‍डी लोकसबके बात मातरे नै महज उसबके सक्‍ती केहैन छै से पता लगाइबै।

२ कोरन्‍थी 10:16

तब हमसब तोरासबसे दुर-दुरके ठामसबमे सेहो सुसमाचार परचार करैले सक्‍बै, कथिलेत दोसरके काम करल ठाममे ज्‍याके हमसब काम करनेचियै कैहके घमन्‍ड करैले नै चाहैचियै।