परेरित 18:6 - मध्‍य पुरविया थारू

⁶ महज यि बात सुइनके उसब पावलके बिरोध आ अपमान करे लाग्‍लै, तखुन्‍ते पावल ओइसबके चेताबनीके खातिर आपन बस्‍तरसे गरदा झारैत कहल्‍कै, “यदी तोरासबमेसे कोइ नास हेब्‍ही त आपने दोसके कारन नास हेब्‍ही तकर दोसी हम नै हेबौ। आबसे हम दोसरे जातीसबके बिच सुसमाचार सुनाइले जाइचियौ।”

परेरित 18:6 Referans Kwoze

परेरित 13:51

महज पावल आ बरनाबास आपन टाङके गरदा ओइसबके बिरोधमे झाइरके आइकोनियन सहर दिसन चैलगेलै।

१ पतरुस 4:4

आब तुसब निरलज जिबन नै बिताइचिही से देखके उसब छक परैछै आ तोरासबके बदनाम करैछौ।

लुका 9:5

महज जतेका लोकसब तोरासबके मान-दान नै करतौ तब ओइ सहरसे निक्‍लैतकाल तुसब आपन टाङके गरदा झाइरदैहिये। यि ओकरासबके बिरोधके साक्‍छी हेतै।”

मतीके लिखल सुसमाचार 27:25

भिरके सबलोक जबाफ देल्‍कै, “अकर लहुके दोस हमरासबमे आ हमरासबके बेटा-बेटीसबमे परे!”

१ पतरुस 4:14

खिरिस्‍टके पछा चलैके कारन तोरासबके अपमान करैछौ त, तुसब धन्‍यके चिही, कथिलेकी परमेस्‍वरके महिमीत आत्‍मा तोरासबमे रहैछौ।

२ तिमोथी 2:25

उ आपन बिरोधीसबके लरम भ्‍याके सुधारैबला हैकेचाही। भ्‍यासकैछै परमेस्‍वर बिरोधीसबके मन बदैल देतै आ उसब सतके चिन्‍हे सक्‍तै।

रोमी 3:29

कि परमेस्‍वर यहुदीसबके मातरे परमेस्‍वर चियै? कि परमेस्‍वर गैर-यहुदीसबके परमेस्‍वर नै चियै से? साँचे, उ त सबके परमेस्‍वर चियै।

परेरित 28:28

“अहैलेल तोरासबके थाह हेबे कि परमेस्‍वरके यि मुक्‍ती गैर-यहुदीके लेल पठालगेल छै आ उसब सुन्‍तै।”

परेरित 26:20

पहिने दमस्‍कस आ यरुसलेममे तब सारा यहुदिया परदेसमे आ आनजातसबके सेहो हम ज्‍याके परचार करलियै कि आपन-आपन पाप माइनके पस्‍चाताप कैरके परमेस्‍वरमे बिस्‍बास करु आ आपन कामसबसे हिरदय परिबरतन भेल परमान देखाबैले सिखेलियै।

परेरित 26:11

बेर-बेर सभाघरसबमे ज्‍याके ओकरासबके दन्‍ड द्‍याके उसब परभु नै माने कैहके कोसिसो करलियै। हम तामससे चुर भ्‍यागेलियै आ ओकरासबके आनो देसके सहरसबमे ज्‍याके सताबैले लागलियै।

मतीके लिखल सुसमाचार 22:10

तब उ नोकरसब चौबटियामे ज्‍याके असल खराब लोकसबके बोलाके आनल्‍कै। अतहेक न लोक एलै कि उ बियाह भोजघर लोकसबसे भरिभराउ भेलै।

मतीके लिखल सुसमाचार 10:14

यदी कोइ तोरासबके मान-दान नै करतौ या तोरासबके बचन सुनैले इन्‍कार करतौ त, ओइ गाम आ सहरसे निक्‍लै बखत आपन टाङके गरदा झाइर दैहे।

लुका 22:65

उसब येसुके बिरोधमे बहौतरा गाइर परहैत बेजत करैबला बातसब कहल्‍कै।

मतीके लिखल सुसमाचार 21:43

“तैखातिर हम तोरासबके कहैचियौ, परमेस्‍वरके राज तोरासबसे छिनल जेतौ आ एहेन जातीके जिम्‍मा देल जेतै, जे ओकर इछा अनुसार करतै।

मतीके लिखल सुसमाचार 8:11

हम तोरासबके कहैचियौ, बहुतो लोकसब पुरब आ पछिमसे एतौ आ अबराहम, इसहाक आ याकुबसङे स्‍वरगके राजमे भोजन खाइले बैठतै।

१ तिमोथी 5:22

तु मन्‍डलीमे अगुवा नियुक्‍त करैके लेल झट-पट ककरो उपर हाथ राखैबला काम नै कर। आनगोराके पापमे सहभागी नै हो। तु अपने-आपके पबितर राख।

मतीके लिखल सुसमाचार 21:41

तब मुख पुजारी आ अगुवासब जबाफ देल्‍कै, “मालिक आइबके उ दुस्‍ट बटिदारसबके तरपा-तरपाके माइरदेतै आ जे ओकरा उबजनिके अधिया हिस्‍सा ठिक समयमे देतै ओइ बटिदारके अङगुरके खेत जिम्‍मा देतै।”