परेरित 18:21 - मध्‍य पुरविया थारू

²¹ ओइसबसे बिदा लैत पावल कहल्‍कै, “यदी परमेस्‍वरके इक्‍छा हेतै त हम फेनो अहाँ सब लग एबै।” तकरबाद उ एफिसससे पानी जहाद चहैरके चैलगेलै।

परेरित 18:21 Referans Kwoze

१ कोरन्‍थी 4:19

महज परभुके इक्‍छा हेतै त, हम तोरासबलग जल्‍दीए एबौ। उ घमन्‍डी लोकसबके बात मातरे नै महज उसबके सक्‍ती केहैन छै से पता लगाइबै।

याकुब 4:15

तोरौरके त अनङ कहैके चाही, “यदि परमेस्‍वरके इक्‍छा हेतै त हमसब जिबित रहब आ एहेन-ओहेन करब।”

हिबरु 6:3

यदि परमेस्‍वर अनुमती देतै त, यि सुरुके बातसबसे अपनासब अगा दिसन बरहैले सक्‍बै।

रोमी 15:32

यदि परमेस्‍वरके इक्‍छा हेतै त हम खुसीसे तोरासबलग एबौ आ तोरासबसङे संगती कैरके आनन्‍द मनाइबौ।

रोमी 1:10

परमेस्‍वरके इक्‍छा हेतै त, कहिनो कैरके अन्‍तमे तोरासबके लग आबैले सकि कैहके हम ओकरसे परथना करैचियै।

परेरित 20:16

एसिया परदेसमे देर हेतै से बिचार कैरके पावल एफिससमे नै जाइके निरनय करल्‍कै। कथिलेत उ सकभर पेन्‍तिकोस पाबैनके दिनमे यरुसलेममे पुगैले हतार छेलै।

१ पतरुस 3:17

खराब काम कैरके दुख भोगनाइसे त, भलाइके काम कैरके परमेस्‍वरके इक्‍छा अनुसार दुख भोगनाइ असल चियै।

२ कोरन्‍थी 13:11

अन्‍तमे हमर पिरिय भाइ-भैयासब, आब हम बिदा हैत बेर, तोरासबके यि कहैले चाहैचियौ, कि जीजानसे सिध हैले कोसिस कर। हमर बिन्‍ती सुन, एक-दोसरके बात सुन आ सान्‍तीमे रह। सान्‍ती आ परेम दैबला परमेस्‍वर तोरासबसङे रहे।

१ कोरन्‍थी 16:7

अइ बेर हम तोरासबसे एक छिन भेटघाट कैरके जाइले नै चाहैचियौ। यदि परभुके इक्‍छा हेतै त, कुछ समय तोरासबसङे बिताबैके आसा राखने चियै।

परेरित 21:14

पावलके रोकैले नै सकलियै त यि बात कैहके छोइर देलियै कि, “परभुके इक्‍छा पुरा हेबे।”

परेरित 19:21

तकरबाद पावल पबितर आत्‍माके अगुवाइमे माकेडोनिया आ अखैया इलाका हैत यरुसलेम जाइके निरनय करल्‍कै। उ कहल्‍कै, “ओते पुग्‍लाकेबाद हमरा रोम सहरमे जाइए परतै।”

परेरित 15:29

आब मुल बातसब एह्‍या चियै- मुरुतके चरहौवा खाइबला कोनो चिज नै खो, कुछोके लहु, कन्‍ठ किचके मारल पसुके मौस नै खो, बेबिचारसे अलग भ्‍याके रह, यि बातसबके पालन करबिही त तोरासबके लेल असल हेतौ। तोरासबके भलाइ हेबे। बिदा।

लुका 9:61

दोसर लोक येसुके कहल्‍कै, “परभु, हम अहाँके पछा लाग्‍बै, महज पहिने आपन घरके लोकसबसे बिदा हैले ज्‍या दिय।”

मतीके लिखल सुसमाचार 26:39

उ कन्‍हिक अगा बैढके भुइयामे मुरी गोइतके अनङ कैहके परथना करेलाग्‍लै, “हे हमर पिता, यदी भ्‍यासकैछै त यि दुखके बाटी हमरासे हटा दिय, महज तैयो हमर इछा बमौजी नै, बल्‍की अहिके इछा बमौजी हेबे।”

मरकुस 6:46

भिरके बिदा कैरदेलाकेबाद येसु परथना करैले पहारमे गेलै।

परेरित 18:19

जब उसब एफिसस सहरमे पहुचलै तब पावल पिरिस्‍किला आ अकिलासके ओते रहैले छोइरदेल्‍कै। तकरबाद पावल एफिससके सभाघरमे ढुइकके यहुदीसबसङे बात-चित करे लाग्‍लै।

परेरित 18:20

यहुदीसब पावलके औरो कुछदिन तक एफिससेमे रहैले बिन्‍ती करल्‍कै, महज उ नै मानल्‍कै आ

परेरित 18:24

तकरबाद अपोल्‍लोस नामके एकटा यहुदी लोक एफिसस सहरमे एलै जे अलेकजेन्‍डरिया सहरमे जलमल रहै। उ बाजैले सकैबला आ धरमसास्‍तरके ग्‍याता छेलै।

परेरित 19:1

जखुन अपोल्‍लोस कोरिन्‍थ सहरमे छेलै तखुन पावल एसिया इलाकाके बिच रस्‍ता हैत एफिसस सहरमे पुग्‍लै। ओते उ बिस्‍बासीके भेटलै।

परेरित 19:17

यि बात एफिसस बासि, यहुदी आ गिरिक जातीके सबलोक सुनल्‍कै। तब उसबके डर भ्‍यागेलै आ परभु येसुके नामके परसन्‍सा भेलै।

परेरित 21:29

कथिलेत उसबके एफिसससे एल तरोफिमसके पावलेसङे बजारमे देखनेरहै आ पावले ओकरा मन्‍दिरमे आन्‍नेरहै से कैहके समझने रहै।

१ कोरन्‍थी 15:32

लोकसबके हिसाबसे कहैचियौ त, एफिसस सहरमे हम जङली जानबरसब जखा लोकसबसङे लराइ कैरके हमरा कि फैदा भेलै? यदि मरल लोक जीके नै उठैछै त “खो आ पि, कथिलेत हमसब त काइल मैर जेबै।”

१ कोरन्‍थी 16:8

महज पेन्‍तिकोसके पाबैन तक हम एफिसस सहरमे रहबौ।

एफिसी 1:1

हम पावल, परमेस्‍वरके इक्‍छासे येसु खिरिस्‍टके परेरित, एफिसस सहरमे रहैबला आ येसु खिरिस्‍टमे बिस्‍बास करैबला पबितर लोकसबके यि चिठी लिखैचियौ।

परकास 1:11

“तु जे देखैचिही, से एकटा किताबमे लिख आ सातो मन्‍डलीके अरथात एफिसस, इस्‍मुरना, परगामम, थिआटिरा, सारडिस, फिलाडेल्‍फिया आ लाउडिकियाके पठा।”

परकास 2:1

“एफिससमे भेल मन्‍डलीके देख-भाल करैबला स्‍वरगदुतके यि बात लिख: ‘सातटा तरा आपन दहिना हाथमे लैबला आ सातटा सोनाके डैठके बिचमे चलैबला अनङ कहैछै।