परेरित 16:3 - मध्‍य पुरविया थारू

³ ओकरा पावल आपनसङे लजाइले मन करल्‍कै। ओते रहैबला यहुदीसबके खातिर उ तिमोथीके यहुदी चलन अनुसार खतना कैरदेल्‍कै। कथिलेत ओइ इलाकामे रहैबला सब यहुदीसबके थाह रहै कि ओकर बाप गिरिक छेलै।

परेरित 16:3 Referans Kwoze

गलाती 2:3

तै बखत हमरसाथमे रहल तितस, जे गैर-यहुदी भेलोपर, खतना करैये परतै कैहके कोइने कर लगाइल्‍कै।

१ कोरन्‍थी 9:20

जब हम यहुदीसबके बिचमे काम करैछेलियै तब खिरिस्‍टमे उसब बिस्‍बास करे कैहके हम यहुदी जखा भेलियै। तहिनङे मोसाके देल बेबस्‍थाके अधिनमे रहैबलासब खिरिस्‍टमे बिस्‍बास करे कैहके हम बेबस्‍थाके अधिनमे नै रहियोकेभी बेबस्‍थाके अधिनमे रहल जखा भेलियै।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

गलाती 2:8

जनङ परमेस्‍वर पतरुसके यहुदीसबके बिचमे परचार करैले परेरित बनाइल्‍कै, तहिनङे हमरा गैर-यहुदीसबके बिचमे परचार करैले परेरित बनाइल्‍कै।

१ कोरन्‍थी 7:19

कथिलेत खतना करनाइ या नै करनाइ बरका बात नै चियै, महज परमेस्‍वरके आग्‍यापालन करनाइ सबसे बरका बात चियै।

परेरित 15:40

तब पावल सिलासके छानल्‍कै। तकरबाद परभुमे बिस्‍बास करैबला भाइ-भैयारीसब ओइसबके परभुके किरपामे सौप देल्‍कै।

परेरित 15:37

बरनाबास मरकुस कहाइबला युहन्‍नाके ओइसबके सङे लजाइले इक्‍छा करल्‍कै, जकर नाम मरकुस रहै।

परेरित 15:20

महज उसब यि बात लिखके पठेल्‍कै, कि उसब ‘मुरुतके चरह्‍याल चिजसबसे, बेबिचारसे, कन्‍ठ दाइबके अरथात लहु नै बह्‍याके मारल पसुके मौस आ लहुसे अलग रहे।’

फिलिप्‍पी 2:22

तोरासबके थाहे छौ, कि तिमोथीके बेबहार असल छै। जनङ बेटा आपन बाबुके साथ दैछै तहिनङे उ हमरसङे सुसमाचार परचारके काममे हमरा साथ देल्‍कै।