परेरित 16:25 - मध्‍य पुरविया थारू

²⁵ महज अधा रातके पावल आ सिलास परथना करैत, भजन गाबैत परमेस्‍वरके परसन्‍सा करैतरहै, ओकरौरके परथना करैत परमेस्‍वरके भजन गाबैछेलै आ औरो जहलमे ढोकलहा कैदीसब सुनैत रहै।

परेरित 16:25 Referans Kwoze

याकुब 1:2

हे हमर भाइ-भैयासब, तोरौरके जब कोनो किसिमके आपत-बिपत एतौ तखुन तुसब खौब आनन्‍दके बात समझ।

रोमी 5:3

अतबेक नै, हमसब आपन दुख-कस्‍टमे सेहो आनन्‍द मनाबैचियै कथिलेत हमसब जानैचियै कि दुख-कस्‍टसे सहनसिलता उतपन कराबैछै,

हिबरु 5:7

येसु अइ सन्‍सारमे रहैतकाल मिरतुसे बचाबेबला परमेस्‍वरसङे जोरसे कानैत बिन्‍ती आ परथना करल्‍कै। ओकर नमरता आ भक्‍तीके कारन ओकर परथना परमेस्‍वर सुनल्‍कै।

एफिसी 5:19

एक-आपसमे भजन, गित आ पबितर आत्‍मासे देल गित गाब आ परभुके खातिर आपन हिरदयसे धुन निकाल।

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

रोमी 12:12

आपन आसामे आनन्‍द कर, दुख-कस्‍टमे धिरज कर आ निरन्‍तर परथना करैतरह।

१ पतरुस 4:14

खिरिस्‍टके पछा चलैके कारन तोरासबके अपमान करैछौ त, तुसब धन्‍यके चिही, कथिलेकी परमेस्‍वरके महिमीत आत्‍मा तोरासबमे रहैछौ।

फिलिप्‍पी 2:17

यदि तोरासबके बिस्‍बाससाथ करल सेबाके कामके खातिर हमरा लहु बहाबैले परतै तैयो हम खुसिसे बहेबौ आ तोरेसबसङे आनन्‍द मनाइबौ।

२ कोरन्‍थी 6:10

सोकमे रहितोपरभी हरसमय आनन्‍दमे रहैचियै। गरिब रहितोपरभी बहुतोके आत्‍मिकी रुपमे धनिक बनाबैचियै। कुछो नै रहितोपरभी हमरासबसङे सब चिज छै।

परेरित 5:41

तब येसुके नाममे अपमान सहैके योग्‍य चियै कैहके खुसी मनाइत उसब महासभामे गमलिएलके बात मानैत निकैलके गेलै।

लुका 22:44

ओकर हिरदय एकदम दुखसे भरल छेलै, तब उ धियानसे परथना करे लाग्‍लै, तै बखत ओकर पसिना लहुके बरका-बरका ठोप जखा भुइयामे चुबै छेलै।

याकुब 5:13

यदि तोरासबमेसे कोइ समस्‍यामे छै त, उ परथना करे। कोइ खुसी छै त, उ परसन्‍साके गित गाबे।

परेरित 15:22

तकरबाद परेरितसब आ मन्‍डलीके अगुवासब मन्‍डलीके पुरा लोकसबसङे मिलके दुइ गोराके छानल्‍कै। उसब ओइ दुनुगोराके बरनाबास आ पावलके सङ लग्‍याके एन्‍टिओखिया पठाइले उचित ठानल्‍कै। उ चुनलहा बरनाबास कहाइबला यहुदा आ सिलास रहै। उ दुनुगोरा परभुमे बिस्‍बास करैबलासबके अगुवा रहै।

परेरित 16:19

जब ओइ छौरीके मालिकसब देखल्‍कै कि आब कमाइके रस्‍ता ओरागेलै तब उसब पावल आ सिलासके पकैरके घिसयाइते सहरके चौकमे सासकसबलग आनल्‍कै।

परेरित 16:33

तकरबाद तुरन्‍ते हाकिम पावल आ सिलासके लज्‍याके राइते ओइसबके घा-घौस धुया देल्‍कै। तब उ आ ओकर घरके लोकसब बप्‍तिस्‍मा लेल्‍कै।