परेरित 16:22 - मध्‍य पुरविया थारू

²² तहै बखत लोकसबके भिर पावल आ सिलासके बिरोध करे लाग्‍लै। तब हाकिमसब पावल आ सिलासके जमा-जोरा फाइर-चिरके लाठीसे मारैके आग्‍या देल्‍कै।

परेरित 16:22 Referans Kwoze

१ थेसलोनिकी 2:2

तोरासबलग आबैसे पहिने हमसब फिलिप्‍पी सहरमे कनङके दुख भोगलियै आ अपमानित भेलियै से तोरासबके थाहे छौ। तैयो बहौत गोरा बिरोधी रहितोपरभी परमेस्‍वरमे साहस कैरके हमसब तोरासबके सुसमाचार सुनेलियौ।

२ कोरन्‍थी 6:5

हमसब पिटाइ खेने चियै, जहलमे परल चियै, हुलदङ्‍गामे परलचियै। एकदमसे मेहनत करैचियै, सुतैयोले नै पाबनेचियै आ भुखे पियासेमे परल चियै।

हिबरु 11:36

कतहेकके गिल्‍ला सहैले परलै, कोरा खाइले परलै, झिझिरसे बन्‍हाके जहलमे परलै।

१ पतरुस 2:24

हमसब पापके लेल मैरके धारमिकताके लेल जियैले सकि कैहके खिरिस्‍ट अपनासबके पापसबके खातिर आपन देहमे पाप बोइकके कुरूसमे मरलै। ओकर चोटसबसे तुसब निक भेलचिही।

परेरित 18:12

जब अखैया इलाकाके गलियोन नामके लोक बडा-हाकिम रहै बखत यहुदीसब एकमत भ्‍याके पावलके बिरोध करैत ओकरा पकैरके बडा-हाकिम लग लज्‍याके कहल्‍कै,

परेरित 17:5

महज औरो यहुदीसब ओइसबके डाह करै आ बजारके गुन्‍डा बदमाससबके बोल्‍याके बजारमे हो-हल्‍ला करैले लगाइल्‍कै। तकरबाद यासोनके घरमे हमला कैरके पावल आ सिलासके लोकसबके भिरके अगामे आनैले चाहल्‍कै।

परेरित 16:37

महज पावल ओइसबके कहल्‍कै, “हमरौरके जे रोमके लोक चियै तैयो हमरासबके कोनो दोस नै देखके उसब हमरासबके मारपिट करल्‍कै आ जहलमे ढोइक देल्‍कै। अखुन छोरैले चाहैछै? यि नै हेतै। उसब आपनेसे आबे आ हमरासबके निकालके लजाबे।”

परेरित 5:40

तब महासभाके सदससब गमलिएलके सल्‍लाह मानल्‍कै। तब उसब परेरितसबके भितर बोल्‍याके मारपिट करल्‍कै आ “येसुके नाममे नै बोलिहे” कैहके आग्‍या द्‍याके ओइसबके छोइरदेल्‍कै।

मतीके लिखल सुसमाचार 27:26

तकरबाद उ बारब्‍बाके ओकरासबके लेल छोइरदेल्‍कै महज येसुके कोरासे पिटके कुरूसमे लटकाइले सिपाहीसबके जिमा लगेल्‍कै।

मतीके लिखल सुसमाचार 10:17

महज लोकसबसे होसियार रह, कथिलेत उसब तोरासबके अदालतसबमे सोइप देतौ आ सभाघरसबमे लज्‍याके तोरासबके कोरासे पिटतौ।

लुका 12:11

“जब उसब तोरासबके पकैरके सभाघरसब, सासकसब आ अधिकारीसबके सामने लाबतौ, तब तुसब कनङ आ कथी जबाब देबही, या कथी कहे परतै से चिन्‍ता नै कर।