परेरित 16:13 - मध्‍य पुरविया थारू

¹³ लदीके कातमे यहुदीसबके परथना करैबला ठाम हेतै से समैझके हमसब पबितर बिसरामके दिन ओते गेलियै तब ओते जम्‍मा भेल्‍हा जनिसबसङे बात-चित करे लागलियै।

परेरित 16:13 Referans Kwoze

परेरित 13:14

महज उसब परगासे निकैलके पिसिदियाके एन्‍टिओखिया सहरमे एलै। ओते उसब बिसराम दिनमे यहुदीसबके सभाघरमे ज्‍याके रहलै।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

परेरित 21:5

जब जाइबला समय आइबगेलै तब हमसब बिदा भ्‍याके आपन रस्‍तामे अगा बरहलियै। चेलासब आपन घरबाली आ बाल-बच्‍चाकेसङे हमरासबके अरियातैले नगर बाहरतक एलै। हमसब समुन्‍दरके पखामे ठेङहुनिया द्‍याके परथना करलियै।

परेरित 20:7

जब हमसब हप्‍ताके पहिन्‍का दिनमे परभु-भोज खाइले जम्‍मा भेलियै। तब पावल बिहान सबेरे जाइके इक्‍छा करलाके कारन, उसबसङे बात-चित करैत-करैत अधा रात बित्‍लै।

परेरित 18:4

सब बिसराम दिनके पावल सभाघरमे ज्‍याके यहुदी आ गिरिक लोकसबसे बात-चित करै आ उसब सेहो परभु येसुके सुइकार करे कैहके ओकरासबके मनाइले चाहैत रहै।

परेरित 17:2

पावल आपन आदत अनुसार अहौ ठामके सभाघरमे गेलै। उ ओते तिन हप्‍ता तक पबितर बिसराम दिनमे धरमसास्‍तरमे लिखल बातसबमे ओइसबसङे बात-चित करैत रहलै।

परेरित 16:6

पबितर आत्‍मासे एसियाके परदेसमे बचन परचार करैले मनाही भेलाके कारन उसब फिरिगिया इलाका आ गलातियाके परदेससब हैतगेलै।

परेरित 13:42

जखुन पावल आ बरनाबास सभाघरसे बाहर निकलैत खिना आबैबला बिसरामके दिन यि बात सुन्‍या दैहे कैहके लोकसब ओइ दुनु गोराके बिन्‍ती करल्‍कै।

युहन्‍ना 8:2

बिहान सबेरे येसु फेनो मन्‍दिरमे घुइमके एलै। सबलोक ओकरलग एलै आ उ बैठके ओकरासबके सिक्‍छा दैले लाग्‍लै।

लुका 13:10

एकचोटी पबितर बिसराम दिनमे येसु एकटा यहुदी सभाघरमे सिक्‍छा दैछेलै।

मरकुस 16:15

तब येसु उसबके कहल्‍कै, “जो आ सरा सन्‍सारमे ज्‍याके सरा सिरिस्‍टीके सब लोकसबके सुसमाचार परचार कर!

मतीके लिखल सुसमाचार 13:2

ओकर कात-करौतमे लोकसबके बरका भिर आइबके जम्‍मा भ्‍यागेलै, तब उ नाहमे चहरलै आ लोकसबके भिर तालके कातमे ठार भेलै।

परेरित 9:20

तब उ तुरन्‍ते सभाघरसबमे ज्‍याके परचार करे लाग्‍लै, “येसुवे परमेस्‍वरके बेटा चियै।”

परेरित 16:16

जब हमरौरके परथना करैबला ठाममे ज्‍यारहल छेलियै, तब रस्‍तामे एकटा नोकरनी छौरी हमरासबके भेटलै। ओकरा भबिसके बात बताबैबला भुत आत्‍मा लागल छेलै। उ लोकसबके भागके बात कैहके आपन मालिकसबके खातिर बहौत पैसा कमाके दैछेलै।