परेरित 15:7 - मध्‍य पुरविया थारू

⁷ बहौत देर तक बात-बिचार करलाके बाद, पतरुस उइठके ओइसबके कहल्‍कै, “हमर भाइ-भैयारीसब, तोरासबके थाहे हेतौ कि बहौत दिन पैहने परमेस्‍वर तोरासबके बिचसे हमरा अहै खातिर छानल्‍कै जे गैर-यहुदीके लोकसब हमर मुहसे परभुके सुसमाचार सुने आ बिस्‍बास करे।

परेरित 15:7 Referans Kwoze

परेरित 15:2

तब पावल आ बरनाबासके ओइसबसङे बहौत कहा-कही आ झगरा भेलाके बाद ओतेका बिस्‍बासीसब यि सबालके खातिर सरसल्‍लाह करैले पावल आ बरनाबास आ औरो लोकसबके परेरितसब आ मन्‍डलीके रेखदेख करैबलासब लग यरुसलेम पठाइले निरनय करल्‍कै।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

परेरित 10:20

उठ आ निचा जो, घुचपिच नै कैरके ओइसबके सङे लाग, कथिलेत ओइसबके हम्‍ही पठाइने चियौ।”

फिलिप्‍पी 2:14

गनगन आ बाद-बिबाद नै कैरके सबकाम कैरते जो।

परेरित 15:39

ओहै बातमे पावल आ बरनाबासके अतहेक मनमोटाब भेलै कि बादमे उसब अलग-अलग भ्‍यागेलै। बरनाबास मरकुसके साथमे ल्‍याके साइपरस टपु दिसन गेलै।

परेरित 13:2

एक दिन उसब उपासे रैहके परभुके आराधना करैबखत पबितर आत्‍मा कहल्‍कै, “सुन, जै कामके खातिर हम तोरासबके बोलाइने चियौ, ओहै कामके खातिर बरनाबास आ साउलके चुन।”

परेरित 9:15

महज परभु ओकरा कहल्‍कै, “जो, कथिलेकी साउल गैर-यहुदीसब, रजासब आ इजराएलीसबके सामने हमर नामके परचार करैबला उ हमर छानल लोक चियै,

परेरित 4:25

जे पबितर आत्‍मासे आपन सेबक, अपनासबके पुरखा दाउदके मुहसे कहल्‍कै: दुनियाके जात-जातीसब कथिले हुलदङा मचाबैछै, लोकसब बलौसे कथिले नै निक योजना बनाबैछै?

परेरित 3:18

तहिनङ येसुके दुख काटे परतै कैहके परमेस्‍वर अगमबक्‍ताके मुहसे करल अगमबानी पुरा करल्‍कै।

परेरित 1:24

तखुन उसब अनङ परथना करल्‍कै, “सबलोकके हिरदयके बात जानैबला परभु, यि दुइ गोरा मेसे अहाँ ककरा चुनने चियै से हमरासबके देखाबु,

परेरित 1:16

“हौ, भैयारीसब, धरमसास्‍तरके बचन पुरा हैकेचाही, जे बचन येसुके पकराबैके लेल लोकसबके अगुवाइ करैबला यहुदाके बिसयमे दाउदके मुहसे पैहनैये पबितर आत्‍मासे बाजल छेलै।

युहन्‍ना 15:16

तुसब हमरा नै चुनलिही, महज हम तोरासबके चुनलियौ। आब जो आ सबदिन रहैबला फल फराइहे कैहके हम तोरासबके चुनलियौ। तहैलेल तुसब हमर नाममे पितासे जे कुछ माङबिही उ तोरासबके देतौ।

युहन्‍ना 3:27

युहन्‍ना जबाफ देल्‍कै, “जाबेतक परमेस्‍वरसे नै देतै ताबे तक लोकके कुछो नै मिल्‍तै।

परेरित 10:19

जब पतरुस दरसन बुझहैके कोसिस करैतरहै तब पबितर आत्‍मा ओकरा कहल्‍कै, “देख, बाहर देहरीमे तोरा तिनटा लोक ताकैछौ।

परेरित 15:14

परमेस्‍वर कनङके गैर-यहुदीके दया कैरके ओकरासबके आपन लोक बनाइल्‍कै, से बात सिमोन अखुन्‍ते कहलक,

परेरित 21:16

कैसरियाके कुछ बिस्‍बासीसब सेहो हमरासबकेसङे एलै। उसब हमरासबके साइपरसके एक गोरा पुरान चेला मनासोनके घरमे ल्‍यागेलै।