परेरित 15:4 - मध्‍य पुरविया थारू

⁴ जब उसब यरुसलेममे पहुचलै तब ओइसबके ओतेका मन्‍डली, परेरितसब आ मन्‍डलीके रेखदेख करैबलासब स्‍वागत करल्‍कै। तब बरनाबास आ पावल ओइसबके सुनाबे लाग्‍लै जे परमेस्‍वर ओकरासबसे केहन-केहन कामसब करने छै।

परेरित 15:4 Referans Kwoze

परेरित 15:12

सभाके सबलोक चुप भेलै जब बरनाबास आ पावल ओइसबके परमेस्‍वर केहन-केहन आस्‍चरजके चेन्‍हा आ कामसब गैर-यहुदीसबके बिचमे ओइसबसे करने छै कहल्‍कै।

परेरित 14:27

बरनाबास आ पावल एन्‍टिओखियामे पुग्‍लै तब ओते मन्‍डलीके सब बिस्‍बासीके बोलाइल्‍कै। तब ओइसबके सुनाइल्‍कै जे परमेस्‍वर ओकरासबसङे केहन-केहन काम करल्‍कै आ कनङके उ गैर-यहुदीसबके खातिर बिस्‍बासके केबार खोइलदेल्‍कै।

परेरित 15:3

एन्‍टिओखिया मन्‍डलीके सब बिस्‍बासीसबके ओतेसे जाइले छुट्‍टी देल्‍कै। उसब फोनिके आ सामरिया परदेस हैतगेलै आ ओतेका बिस्‍बासीसब कनङके गैर-यहुदीसब परभुके बिस्‍बास करल्‍कै से बातसब बिस्‍तारमे सुनाइल्‍कै। यि बात सुइनके ओतेका बिस्‍बासीसब बहुते खुसी भेलै।

रोमी 15:18

येसु खिरिस्‍ट हमर जिबनसे करल कामके बारेमे मातरे हम बोलैले साहस करैचियै। उ हमर काम आ परचारसे गैर-यहुदीसब परमेस्‍वरके आग्‍यापालन करैले सिखनेछै।

परेरित 21:17

जब यरुसलेममे पुगलियै त ओतेका बिस्‍बासीसब बहौत खुसिसाथ हमरासबके स्‍वागत-सत्‍कार करल्‍कै।

२ युहन्‍ना 1:10

यदि कोनो लोक तोरासबलग आइबके एहैन सिक्‍छा नै सिखाइछौ त ओइसबके देहरीयोमे टपैले नै दहै आ गोरलगीयो नै कर।

कलस्‍सी 4:10

हमरे सङे जहलमे रहलहा अरिस्‍तारखस तोरासबके गोरलगी पठाइनेछौ। बरनाबासके नातामे परैबला मरकुस सेहो गोरलगी पठाइनेछौ। ओकर बारेमे पहिने हम तोरासबके कैहदेनेचियौ, उ एतौ त असलसे स्‍वागत करिहे।

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

२ कोरन्‍थी 5:19

परमेस्‍वर आपनेसे खिरिस्‍टमे रैहके सन्‍सारके सब लोकसबके अपराधके लेखा नै ल्‍याके मिलापमे आइनरहलछेलै। आबसे यि मिलापके सेबा अपनासबके जिम्‍मा देनेछै।

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

रोमी 15:7

जहिनङ खिरिस्‍ट परमेस्‍वरके महिमाके खातिर तोरासबके सुइकार करनेछौ तहिनङे तुहुसब एक-दोसरके सुइकार कर।

परेरित 21:19

पाबल ओइसबके गोरलगी करलाके बाद ओकर सेबकाइसे गैर-यहुदीसबके बिचमे सुसमाचार परचार करैबखत परमेस्‍वर केहन-केहन काम करल्‍कै, से सब बात ओकरासबके कहल्‍कै।

परेरित 18:27

तकरबाद अपोलस अखैया इलाकामे जाइके बिचार करल्‍कै। एफिससमे रहल परभुके बिस्‍बासीसब ओकरा जाइले उत्‍साह देल्‍कै तब अपोलसके स्‍वागत करिहे कैहके ओते रहैबला चेलासबके एकटा चिठी लिखके पठाइल्‍कै। अखैया पुगलाके बाद अपोलस ओते परभुके अनुगरहके कारन बिस्‍बास करैबलासबके बहौत सहायता करल्‍कै।

मतीके लिखल सुसमाचार 10:40

“जे तोरासबके सुइकार करतौ उ हमरा सुइकार करतै आ जे हमरा सुइकार करतै उ हमरा पठाइबलाके सुइकार करतै।

परेरित 11:30

अहिनङे उसब उठेल्‍हा पैसा बरनाबास आ साउलके हाथे यरुसलेम मन्‍डलीके रेखदेख करैबलासबके पठादेल्‍कै।

परेरित 15:2

तब पावल आ बरनाबासके ओइसबसङे बहौत कहा-कही आ झगरा भेलाके बाद ओतेका बिस्‍बासीसब यि सबालके खातिर सरसल्‍लाह करैले पावल आ बरनाबास आ औरो लोकसबके परेरितसब आ मन्‍डलीके रेखदेख करैबलासब लग यरुसलेम पठाइले निरनय करल्‍कै।

परेरित 15:6

अहै बातमे सोच बिचार करैले परेरितसब आ मन्‍डलीके रेखदेख करैबलासब बैठकी करल्‍कै।

परेरित 15:22

तकरबाद परेरितसब आ मन्‍डलीके अगुवासब मन्‍डलीके पुरा लोकसबसङे मिलके दुइ गोराके छानल्‍कै। उसब ओइ दुनुगोराके बरनाबास आ पावलके सङ लग्‍याके एन्‍टिओखिया पठाइले उचित ठानल्‍कै। उ चुनलहा बरनाबास कहाइबला यहुदा आ सिलास रहै। उ दुनुगोरा परभुमे बिस्‍बास करैबलासबके अगुवा रहै।

परेरित 16:4

तब उसब सहर-सहरमे गेलै आ सब ठाममे भेल्‍हा यरुसलेमके परेरितसब आ मन्‍डलीके रेखदेख करैबलासबके निरनय करल बातसब सुनाइल्‍कै आ पालन करैले आदेस देल्‍कै।